Марк 13:10 - Пак Калам

¹⁰ Амма эхир жедалди вилик эвелни-эвел кӀанзавайди вири халкьарин арада Шад Хабар чукӀурун я.

Марк 13:10 Iomraidhean Croise

МатӀай 12:41

Къияматдин юкъуз Ниневдин агьалийри и несилдиз кар атӀуда. Юнусан несигьатриз яб гайи Ниневдин агьалийри туба авунай ва несилдиз Юнусалайни ЧӀехидан несигьатрин ван къвезва.

МатӀай 24:14

Цаварин Пачагьлугъдикай тир Шад Хабар дуьнья тирвал вири халкьарин арада чукӀурда, ахпа эхир алукьда.

Марк 16:15

– Дуьнья тирвал алад ва Шад Хабардикай чан алай кьван виридаз муштулухар це, – лагьана Ада абуруз.

Римвийриз 1:8

Эвелни-эвел за Иса Месигьдин ТӀварцелди куь виридан гьакъиндай Аллагьдиз шукур ийизва, вучиз лагьайтӀа куь имандикай вири дуьньядиз чизва.

Римвийриз 10:18

Амма за хабар кьазва: абуруз ван хьаначни бес? Гьелбетда, ван хьана, гьикӀ лагьайтӀа кхьенва: «Абурун ван физва вири чил тирвал, абурун гафар агакьзава а кьилив кьван дуьньядин» .

Римвийриз 15:19

аламатрин ва керемат-ишарайрин къуватдалди, Аллагьдин Руьгьдин къудратдалди кьилиз акъудна. АкӀ хьайила за и къуллугъ кьилиз акъудна: Месигьдикай Шад Хабардикай Ярусалимдилай та ИлирикӀдал къведалди муштулухар гун.

Каласвийриз 1:23

Куьн имандин бинедал ян тагана амукьайтӀа, цаварин кӀаник квай виридаз муштулух яз ганвай ва квезни ван хьанвай Шад Хабарди квез ганвай умуддикай къерех тахьайтӀа, гьакӀ женни ийида. Закай, Павелакай, лагьайтӀа и Шад Хабардиз къуллугъзавайди хьанва.

Керемат 14:6

Заз маса малаик акуна. Ада цавун юкьвай тӀуз лув гузвай. Адав чилел алай инсанриз, гьар са тайифадиз, гьар са тухумдиз, жуьреба-жуьре чӀаларал рахазвай гьар са халкьдиз муштулух яз гудай даим Шад Хабар гвай.