Леви 2:4 - Пак Калам

⁴ Ви фан къурбанд хьра чранвайди ятӀа, ам къуьлуьн гъуьруькай хьунухь лазим я: зейтундин чӀем какадарнавай тӀили фу, я тушни зейтундин чӀем алтаднавай тӀили лаваш.

Леви 2:4 Iomraidhean Croise

ЭхкъечӀун 29:2

ТӀили фу, зейтундин чӀем какадарнавай тӀили лавашар, зейтундин чӀем алтаднавай тӀунутӀар къачу – абур вири лап хъсан къуьлуьн гъуьруькай чрана кӀанда –

1-Петру 2:22

«Ада гунагь авуначир, Адан мецел хьаначир са фендигарвални» .

1-Петру 2:1

Гьа икӀ, куьн гьар гьихьтин хьайитӀани писвилерикай, тапаррикай, кьве чин хьуникай, пехилвилерикай ва фитнейрикай азад хьухь.

Чувудриз 7:26

Иллаки гьа ихьтин Кьилин хахам тир чаз герекди: пакди, са тахсирни, са рехнени квачирди, гунагькаррикай чаради ва цаварилайни вине авайди.

Ягья 12:27

Зи рикӀи рикӀ незва; За гьикӀ лугьун: «Буба, Зи кьилел къведайдакай Зун хуьх». Зун гьа и кар паталди атанва.

Ягья 3:34

Аллагьди Вичи Ракъурайдаз кьадар авачир кьван Руьгь ганва, Ракъурайда лугьузвай гафарни Аллагьдин гафар я.

МатӀай 26:38

Исади абуруз лагьана: – Зи рикӀ ажалдин тӀалди незва, куьн, инал ксун тавуна, Захъ галаз акъваз.

Леви 10:12

Мусади Гьаруназ ва адан амай рухваяр тир Элазараз ва Итамараз лагьана: «Реббидиз кудай къурбанддикай амай фан къурбанддикай къачу ва адакай тӀили фу гьазурна ам къурбангандин патав неъ. И къурбанд паквилерин паквал я.

Леви 7:12

Ам шукур яз ийизватӀа, и къурбанддик зейтундин чӀем какадарнавай тӀили фу, чӀем алтаднавай тӀили лаваш ва къуьлуьн гъуьруьн хъсандиз ишиннавай тинидикай авунвай, чӀем какадарнавай кьелечӀ фу хьана кӀанда.

Леви 6:17

Ам гъвар кутуна гьазурна виже къведач. Заз кузвай къурбандрин и пай За Гьаруназни адан рухвайриз гузва. И пай гьам гунагьдай ийизвай, гьамни тахсир хиве кьунин къурбандрин паквилерин паквал хьиз я.

Леви 1:11

Ва ам Реббидин вилик къурбангандин кефер патахъ тукӀурай, хахамрини къурбанган къурбанддин ивидалди вири патарихъай хъичинрай.

ЭхкъечӀун 16:31

Исраилдин рухвайри и затӀуниз «мангьу» лагьана тӀвар гана. Ам лацуди, кӀешнишдин тварциз ухшар авайди тир, тӀямни вирт алтаднавай лавашдин тӀям хьтинди тир.

ЭхкъечӀун 12:8

Як гьа йифиз тӀуьна куьтягьарна кӀанда; ам цӀал чрана тӀили фахъ ва туькьуьл векьерихъ галаз тӀуьн герек я.

Кьурумда 6:15

ва абуруз лазим тир фанни чехирдин къурбандарни ва са зинбилда авай чӀемеда какадарнавай ва лап хъсан гъуьруькай гьазурнавай тӀили фар, чӀем алтаднавай тӀили лавашар.