Эстер 8:1 - Пак Калам

¹ А юкъуз пачагьди чувудрин душман Гьаманан кӀвал Эстерав вахгана; Мардахай пачагь акваз кӀанз адан вилик атана, вучиз лагьайтӀа Эстера пачагьдиз Мардахай вичин мукьвади тирди малумарнавай.

Эстер 8:1 Iomraidhean Croise

Эстер 1:14

А чӀавуз адан лап мукьув гвайбур Каршена, Шетар, Адмата, Таршиш, Мерес, Марсена, Мемухан тир. Абур Персиядин ва Мидиядин ирид гьаким, пачагьдин чин аквазвайбур ва пачагьлугъда вилик жергеда ацукьнавайбур тир.

Эстер 2:15

Эстера – ам вичиз рушвиле къачур Мардахаян ими Абихайилан руша – пачагьдин патав фидай чӀав алукьайла, папарин къаравул, пачагьдин хесис Гьегеди лагьай затӀарилай гъейри са затӀни вичихъ галаз тухванач. Идалди Эстер вич акурбурун вилик хкаж хьана.

Эстер 2:7

Ам вичин имидин руш Гьадассадин – адаз Эстерни лугьузвай – тербиячи тир, вучиз лагьайтӀа рушаз я диде, я буба амачир. И руш буйдалдини чиналди иер тир. Адан бубани диде кьейи чӀавуз ам Мардахая вичиз рушвиле къачунай.

Эстер 7:6

Эстера лагьана: «Душман ва мидя – хъилен кӀватӀ Гьаман я!» Пачагьдинни адан папан вилик Гьаман зурзаз акъвазна.

Эстер 8:7

Ахашвереш пачагьди Эстеразни чувуд Мардахаяз лагьана: «Ингье, за Гьаманан кӀвал Эстерав вахгана, Гьаман вич чувудрал гъил хкажунай тарагъаждиз акъудна;

Забур 39:6

Я Ребби, Аллагь зи! Гьикьван гзаф я Вуна авур кьван аламатар, чакай тир Ви ниятар; гьич садни Вав гекъигиз жедач! – за абурукай хабар гудай, ихтилат ийидай, амма абурун кьадар гзаф я.

ЛукӀа 12:20

Амма Аллагьди адаз лагьана: «Эй ахмакь! Къе йифиз ви чан къачуда; вуна кӀватӀнавай кьванди нел гьалтда?»