Эстер 4:3 - Пак Калам

³ Пачагьдин буйругъни къарар агакьай гьар са вилаятда ва чкада вирина сад хьиз чувудрин чӀехи йикь-шуван авай, абуру сивер хуьз, шехьиз суза ийизвай; гзафбур патал шихни руьхъ мес хьанвай.

Эстер 4:3 Iomraidhean Croise

Эстер 1:1

Ибур Ахашвереша – Гьиндистандилай Кушдал кьван авай вишни къанни ирид вилаятдал агъавал ийизвай – пачагьвал ийизвай йикъар тир.

Эстер 3:12

Сад лагьай вацран цӀипуд лагьай юкъуз вири мирзейриз эверна, Гьамана буйругъ гайивал, пачагьдин гъилик квай регьберриз ва гьар са вилаятрин кьилел алайбуруз, гьакӀни гьар халкьдин гьакимдиз гьар са вилаятдиз вичин кхьинралди ва гьар са халкьдиз вичин чӀалалди чарар кхьена; чарар Ахашверешан тӀварцӀелай кхьенвай ва адан закӀалдалди тестикьарнавай.

Эстер 4:16

«Алад, Шушандавай кьван вири чувудар кӀватӀа ва зи хатурдай сивер хуьх, пуд юкъуз я немир, я хъвамир, гьам йифизни, гьам юкъузни. За зи къаравушарни галаз сив хуьда, ахпа зун, къанундиз акси кар ятӀани, пачагьдин патав фида; кьейитӀа, рекьида».

Эстер 4:2

Ам анжах пачагьдин тавханадин варарив кьван атана, вучиз лагьайтӀа ших алаз пачагьдин варариз гьахьдай ихтияр авачир.

Эстер 4:4

Эстеран къаравушарни адахъ гелкъвезвай хесисар атана ва адаз ихтилатна, пачагьдин папак чӀехи къалабулух акатна. Мардахая вичин ших алудна адан чкадал алукӀун патал Эстера адаз парталар ракъурна, амма Мардахая къачунач.

Эстер 9:31

А чарче, чувуд Мардахаяни пачагьдин паб Эстера Пурим гьикӀ тестикьарнаватӀа чувудри чеб ва чпин веледар патал а йикъар, гьакӀ къабулун, яни сив хуьдай ва шехьдай йикъар хьиз къейд авун кӀевелай эмирзавай.

Юнус 3:6

И хабар Ниневиядин пачагьдивни агакьна, ада, вичин тахтунилай къарагъна, пачагьвилин парталар хтӀунна, ших алукӀна ва руьхъведал ацукьна,

МатӀай 22:13

Инал пачагьди вичин кьилел-кӀвачел элкъвезвайбуруз лагьана: «Адан гъилерни кӀвачер кутӀунна, къачуна ам мичӀи къецел гадара, ана жедайди шел-хвални сарар регъуьнар я».

МатӀай 25:30

И виже текъведай вач-хъша мичӀи къецел гадара, ана жедайди шел-хвал ва сарар регъуьнар я».