Чувудриз 8:3 - Пак Калам

³ Гьар са кьилин хахамди садакьаяр ва къурбандар гъун абуруз тайинарнавай кар я, гьавиляй чи Кьилин хахамдихъни къурбанд ийиз жедай хьтин са вуч ятӀани хьун лазим тир.

Чувудриз 8:3 Iomraidhean Croise

Ягья 6:51

Зун цаварилай атанвай уьмуьр гудай фу я; и фу незвай кас эбеди яз жеда. За гузвай фу Зи Беден я. Ам За инсанар чан алаз хьун патал гуда.

Римвийриз 4:25

Иса Месигь чи тахсирар себеб яз ажалдин хура тунай ва чун гьахъ-михьивилиз акъудун патал Адал чан хтанай.

Римвийриз 5:6

Чун гунагьрин вилик гьеле ажуз тир чӀавуз Месигь тайин вахтунда чун, имандик квачирбур, патал кьена.

Римвийриз 5:8

Амма чун гьа гунагькарар яз амайла, Месигь чун паталди кьиналди Аллагьди чаз Вичин муьгьуьббат къалурна.

ГалатӀвийриз 2:20

Гила уьмуьр тухузвайди зун туш, зи чанда уьмуьр тухузвайди Иса Месигь я. Зи уьмуьр, зун кӀан хьана, Вич къурбанд авур Аллагьдин Хцел иман гъана, Гьадаз ибадат авуникай ибарат я.

Эфесвийриз 5:2

Месигьдиз чун кӀан хьайивал ва Вичи Вич чи паталай Аллагьдиз савкьват ва къурбанд яз, хуш атир яз гайивал, куьне муьгьуьббатда аваз уьмуьр твах.

ТӀитӀаз 2:14

Чун вири къанунсузвилерикай хиласун патал ва чун михьи авун патал, чун Вичин кьилдинди тир, хъсанвал авунихъ къаних халкь авун патал, Месигьди Вичин чан чун паталди гана.

Чувудриз 2:17

И кар патал Вичикай Аллагьдиз ийизвай къуллугъда регьим авай, вафа хуьдай, халкьди авур гунагьрай Аллагьдиз мергьемет гъидай Кьилин хахам хьун паталди, Иса вири крара Вичин стхаяр-вахар хьтинди хьун лазим тир.

Чувудриз 3:1

Гьавиляй, Аллагьдиз талукь стхаяр-вахар, цавариз эвернавай амадагар, куьн чна Вичикай шагьидвал ийизвай, Вич Ракъурнавайди ва Кьилин хахам тир Исадиз килиг.

Чувудриз 5:1

ГьикӀ лагьайтӀа, гьар са кьилин хахам инсанрин арадай хкязава ва, авур гунагьрай Аллагьдиз савкьватарни къурбандар гуз, Аллагьдин вилик инсанрин патай векилвал авун патал ам къуллугъда акъвазарзава.

Чувудриз 7:27

Маса кьилин хахамри сифтени-сифте чпин ва анжах ахпа халкьдин гунагьрай къурбандар ийизвайвал, Ада гьар юкъуз къурбандар авунин лазимвал авач. Ада икӀ садра ва эбеди яз, Вичи Вич къурбанд ийидайла, авуна.

Чувудриз 8:4

Ам исятда чилел алайтӀа, Адакай гьатта хахамни жедачир, вучиз лагьайтӀа Къанундив кьадайвал къурбандар ийизвай хахамар гьакӀни авазва.

Чувудриз 9:14

Вичи Вич эбеди Руьгьдин къуватда аваз Аллагьдиз са рехнени квачир къурбанд авур Месигьдин Ивиди кьиникьихъ тухузвай крари леке гъанвай чи виждан генани гзаф михьи ийида! Адан Ивиди чаз чан алай Аллагьдиз къуллугъ ийидай мумкинвал гуда!