Чувудриз 8:2 - Пак Калам

² инсанри ваъ, Реббиди эцигнавай халисан Алачухда, пакханада къуллугъзавайди я.

Чувудриз 8:2 Iomraidhean Croise

ЭхкъечӀун 25:9

Куьне ибадатхана ва ана жедай вири затӀар дуьм-дуьз За ваз къалурдай тегьерда туькӀуьрун лазим я».

ЭхкъечӀун 28:1

Реббиди давамарна: «Исраилдин рухвайрикай ви патав жуван стха Гьаруназ ва адан рухвайриз, абурукай Зи хахамар жедайвал, эвера – Гьаруназ ва адан рухваяр тир Надабаз, Абигьудиз, Элазараз ва Итамараз.

ЭхкъечӀун 28:35

Гьаруна вичин къуллугъ ийидай чӀавуз и аба алукӀрай. Гьарун Реббидин кьилив атун патал ибадатханадиз гьахьдайлани ва ам анай экъечӀдайлани зенгери ван авун лазим я, – тахьайтӀа ам рекьида.

ЭхкъечӀун 33:7

Идалай кьулухъ Мусади кундивай са тӀимил къакъатна хьиз вичиз Гьалтунин Алачух лагьана тӀвар ганвай алачух эцигзавай. Са низ ятӀани Реббидивай хабарар кьаз кӀанзавайтӀа, ам кундилай элячӀна Гьалтунин Алачух галайвал фидай.

ЛукӀа 24:44

– Гьеле Зун квехъ галамайла, За квез лагьанай хьи, Зи кьилел Мусадин Къанунда, пайгъамбаррин кхьинра ва Забурда кхьенвайвал вири атун лазим я, – лагьана Ада.

Римвийриз 15:8

За квез лугьузва: Аллагьди бан-бубайриз гайи гафар тестикьарун патал, Аллагьдиз вафа къалурун патал, ва гьакӀни, кхьенвайвал, маса халкьаривайни Аллагьдиз Адан регьимдай шукур ийиз хьун патал, Месигьдикай чувудрин лукӀ хьана: «И кардай за Ваз шукур ийида маса халкьарин арада, Ви ТӀварцӀин тариф за ийида» .

2-Каринфвийриз 5:1

Чаз чизва хьи, чи чилин алачух – чи беден – терг авур чӀавуз цаварал чун эбеди кӀвали – инсанрин гъилералди ваъ, Аллагьди халкьнавай беденди вилив хуьзва.

Каласвийриз 2:11

Месигь кьабулай чӀавуз куьн суьннетни авунай, амма ам инсанрин гъилеривди ийидай хьтин суьннет тушир. Куьн Месигьдин таъсир кваз авур руьгьдин суьннетдалди куь гунагькар тӀебиатдикай азад авунай.

Чувудриз 10:11

Гьар са хахамди, гунагьар арадай акъудиз тежедай гьа сад хьтин къурбандар мад ва мад ийиз, йикъай юкъуз вичин везифаяр кьилиз акъудзава.

Чувудриз 10:21

Ва чаз Аллагьдин кӀвалин кьиле акъвазнавай Кьилин хахам ава.

Чувудриз 11:10

вучиз лагьайтӀа ада мягькем бинейрал акъвазнавай, Аллагь Вич устӀарни фяле тир шегьер вилив хуьзвай.

Чувудриз 9:1

Сифтегьан Икьрарда Аллагьдиз икрам авунихъ галаз алакъада авай серенжемар ва чилел пакхана алай.

Керемат 21:3

Заз тахтунихъай къвезвай кӀеви ван атана: – Ингье Аллагьдин чардах, гила ам инсанрив гва. Аллагьди инсанрихъ галаз уьмуьр тухуда. Абурукай – Аллагьдин халкь, Аллагьдикайни абурун Аллагь жеда. Аллагь Вични инсанрихъ галаз жеда.