Чувудриз 6:2 - Пак Калам

² цик акахьун къачуникай, гъилер эцигуникай, кьейибурал чан хтуникай ва эбеди дувандикай чун мад гъилера чирвилер гуналди рахадач.

Чувудриз 6:2 Iomraidhean Croise

МатӀай 28:19

ГьакӀ хьайила алад, вири халкьарин инсанрикай зи тилмизар ая. Бубадин, Адан Хцин ва Пак Руьгьдин ТӀварцӀелай абурув цик акахьун къачуз тур.

МатӀай 3:14

Ягья Ам акъвазариз алахъна. – Зав Вуна цик акахьун къачуз туна кӀандай чкадал Вун цик акахьун къачуз зи патав вучиз атанва? – лагьана ада.

Марк 16:16

– Ни имандал атана цик акахьун къачуртӀа, гьам хиласни жеда; нив иман тахьайтӀа, адаз кар атӀуда.

Марк 7:8

Куьне, Аллагьди авунвай тагькимар туна, инсанри кутунвай адетар кьунва.

ЛукӀа 11:38

Фу недалди Исади Вичин чин-гъил чуьхуьн тавурла, фарисей лап мягьтел хьана.

ЛукӀа 12:50

Амма Заз жедай чӀехи азабрин югъ вилик кума, а югъ атана алукьдалди Зи рикӀел залан пар жеда.

ЛукӀа 3:16

Ягьяди, виридахъ элкъвена, лагьана: – За квев цик акахьун къачуз тада. Амма залай гзаф къудрат авайди къведа. Зун Адан кӀвачин къапарин чӀулар ахъайизни лайих туш. Ада квев Пак Руьгьдик ва цӀук акахьун къачуз тада.

Ягья 1:33

Акьван чӀавалди заз Ам чидачир. Амма, инсанрив цик акахьун къачуз тун патал, зун куь патав Ракъурайда заз лагьанай: «Ваз са нел ятӀани Пак Руьгь эвичӀдайвал ва адал аламукьдайвал акуртӀа, ваз чир хьухь хьи, а Кас инсанрив Пак Руьгьдик акахьун къачуз Тадайди я».

Крар 10:47

– Чак хьиз Пак Руьгь акатнавай и инсанриз цик акахьун къачун къадагъа ийиз жедани кьван?

Крар 13:3

Сив хвена, дуьа авуна, Барнабадинни Шаулан кьилерилай гъилер эцигна, абур тайинарнавай рекье туна.

Крар 16:15

Лидията вичин кӀвале авай виридахъ галаз цик акахьун къачуна. Идалай гуьгъуьниз Лидията чун вичин кӀвализ мугьманвилиз кьетӀивилелди тухвана. – Куьне зун Реббидихъ иман ийизвай касдай кьазватӀа, атана заз мугьман хьухь, – лагьана ада. Чун рази хьана.

Крар 16:33

Йифен и геж вахтунда къаравулди абур вичин кӀвализ тухвана, абурун хирер чуьхвена, ахпа ам ва адан кӀвалевайбуруни цик акахьун къачуна.

Крар 17:18

Садра адахъ галаз астаикӀри ва Эпикуран терефдарар тир са шумуд филасафди гьуьжетар ийиз хьана. Садбуру хабар кьазвай: – И лагълагъзавайдаз вуч лугьуз кӀанзава? Масадбуру лугьузвай: – Аквазвайвал, ада яд уьлквейрин аллагьрикай ихтилатзава. Абуру акӀ Павела Исадикай ва кьейидалай кьулухъ адал чан хтуникай рахазвайвиляй лугьузвай.

Крар 2:38

– Куьн гьар са кас Аллагьдин рекьел атун лазим я, – жаваб гана Петруди. – Ахпани куьне, куь гунагьрилай гъил къахчун патал, Иса Месигьдин ТӀварцӀелай цик акахьун къачу. Гьа чӀавуз квез Аллагьди Пак Руьгь пай яз гуда.

Крар 2:41

Адан гафар кьабулай ва имандал атай инсанри цик акахьун къачуна. Гьа юкъуз Исадихъ иман ийизвайбурун кьадар пуд агъзур кас кьван артух хьана.

Крар 23:6

КӀватӀ хьанвайбурукай садбур сакъаяр, муькуьбурни фарисеяр тирди Павелаз чизвай, гьакӀ хьайила ада ван алаз Меслягьатдин векилриз лагьана: – Стхаяр, зун фарисейдин хва фарисей я, зи дуванни кьейибурал чан хтуник умуд ква лугьуз ийизва.

Крар 24:15

Абурухъ кьейи гьахъ-михьи тирбурални туширбурал Аллагьди чан хкунин умуд авайвал, захъни гьахьтин умуд ава.

Крар 24:21

Абурувай зак кутаз жедай тахсир – «Кьейибурал чан хтунихъ за иман авуниз килигна, куьне къе зи дуван ийизва» гафар абурун вилик лугьун я.

Крар 24:25

Павела гьахъ-михьивиликай, сабур хьуникай ва Къияматдин йикъакай лагьайла, Феликсаз кичӀе хьана. – Къе авур ихтилатар бес я! – лагьана ада Павелаз. – Ахлад, маса гъилера заз вахт хьайила, за ваз мад эвер хъийида.

Крар 26:8

Куьне вучиз кьейибурал Аллагьди чан хкун жери кар тушиз гьисабзава?

Крар 4:2

Илчийри халкьдиз чирвилер гузвайла, абуру, Исадал кьейидалай кьулухъ чан хтун чешне гъиз, кьейидалай кьулухъ чан хтун авай кар тирди чпин рахунра тестикьарзавай. Сакъайриз илчийрин и крарикай гзаф хъел атанвай.

Крар 6:6

Ирид касни илчийриз къалурнай, абуру, дуьа авуна, абурал гъилер эцигна.

Римвийриз 2:16

И крар Аллагьди Иса Месигьдалди инсанрин чинебан крарин ва фикиррин дуван за вичикай муштулухар гузвай Шад Хабардив кьурвал ийидай юкъуз ашкара жеда.

1-Каринфвийриз 10:2

Циферани гьуьле абурув виридав Мусадиз талукьбур яз цик акахьун къачуз тунай.

1-Каринфвийриз 12:13

Чакай са Беден хьун патал, чун вири са Руьгьда туна, кӀандатӀа чун чувудар ва я муькуьбур хьурай, лукӀар ва я азадбур хьурай, чна гьа са Руьгьдикай хъванва.

2-Каринфвийриз 5:10

ГьикӀ лагьайтӀа чи виридан вилик Месигьдин дувандал фин акъвазнава, ва гьар садаз вичин гьунаррай, ада чилин беденда аваз авур хъсан ва пис крарай эвез гуда.

ФилипӀвийриз 3:21

Адаз вири Вичиз муьтӀуьгъдай къуват ава, и къуватдин гьерекатдалди Ада виляй аватнавай чи беденар акӀ дегишарда хьи, абур Адан баркалла алай бедендиз ухшар жеда.

Каласвийриз 2:12

Цик акахьун къачур чӀавуз куьн Месигьдихъ галаз кучукай мисални хьанай ва Адахъ галаз квел кьейи Месигь къахрагъарай Аллагьдин къуватдихъ авур имандалди чанни хканай.

2-ТӀиматӀеяз 2:18

Абур, кьейибурал чан хтана алатнавайди я лугьуз ва идалди бязи инсанрин иман чӀуриз, гьакъикъатдивай яргъаз къакъатнава.

Чувудриз 11:35

Папарин патав абурун кьейи, чпел чан хтанвай, мукьвабур хквезвай. Муькуьбур хъсан уьмуьр паталди чпел чан хтун вилив хуьн патал, чпиз теклифнавай азадвал кьабул тавурвиляй азабрик кутунай.

Чувудриз 9:10

И серенжемар анжах тӀуьнихъ ва хъунихъ ва чуьхуьн къачунин жуьреба-жуьре адетрихъ галаз алакъада ава. Вири ибур анжах винел патан акунар авай серенжемар я ва абур анжах цӀийи къайда эцигдай вахтуналди къуватда жеда.

2-Петру 3:7

Гилан цав ва чил лагьайтӀа, Аллагьдин гьа гафуналди хуьзва, абур дувандин югъ алукьдалди ва чалкечир инсанар цӀа кудалди тазва.