Чувудриз 5:1 - Пак Калам

¹ ГьикӀ лагьайтӀа, гьар са кьилин хахам инсанрин арадай хкязава ва, авур гунагьрай Аллагьдиз савкьватарни къурбандар гуз, Аллагьдин вилик инсанрин патай векилвал авун патал ам къуллугъда акъвазарзава.

Чувудриз 5:1 Iomraidhean Croise

Леви 8:2

«Гьарун ва адан рухваяр эверна гъваш; алукӀдай парталар ва гуьцӀдай чӀем, гунагьдай къурбанд патал жунгав, кьве гьер ва са зимбилда авай тӀили фу къачу.

Леви 9:7

Гьаруназ лагьайтӀа, Мусади икӀ лагьана: «Къурбангандин патав алад ва гьам жувалай, гьамни халкьдилай гъил къахчунин серенжем патал жуван гунагьдай къурбанд ва жуван кунуг ая. Ахпа, гъил къахчунин серенжем яз, Реббиди эмир гайивал, халкьдин патай къурбанд ая».

Римвийриз 15:17

Гьа икӀ, анжах Иса Месигьдин крарал бине кьуна, завай Аллагьдиз ийизвай жуван къуллугъдал дамахариз жеда.

1-Каринфвийриз 15:3

Жува къачур виридалайни важиб тирди за квев вуганва: Каламра авайвал, Месигь чи гунагьрай кьенай.

Чувудриз 10:11

Гьар са хахамди, гунагьар арадай акъудиз тежедай гьа сад хьтин къурбандар мад ва мад ийиз, йикъай юкъуз вичин везифаяр кьилиз акъудзава.

Чувудриз 10:12

И Кьилин хахамди, лагьайтӀа, гунагьрай тек са къурбанд авуна ва Ам эбеди яз Аллагьдин эрчӀи гъилихъай ацукьна.

Чувудриз 11:4

Иман себеб яз Гьабила Аллагьдиз Къабила авурдалай хъсан къурбанд ганай. Аллагьди адан къурбанддин тариф авур чӀавуз ада гьахъ-михьи кас яз имандалди Реббидин разивал къачунай. Гьабил кьенатӀани, вичин имандалди ам гьеле рахазма.

Чувудриз 2:17

И кар патал Вичикай Аллагьдиз ийизвай къуллугъда регьим авай, вафа хуьдай, халкьди авур гунагьрай Аллагьдиз мергьемет гъидай Кьилин хахам хьун паталди, Иса вири крара Вичин стхаяр-вахар хьтинди хьун лазим тир.

Чувудриз 7:27

Маса кьилин хахамри сифтени-сифте чпин ва анжах ахпа халкьдин гунагьрай къурбандар ийизвайвал, Ада гьар юкъуз къурбандар авунин лазимвал авач. Ада икӀ садра ва эбеди яз, Вичи Вич къурбанд ийидайла, авуна.

Чувудриз 8:3

Гьар са кьилин хахамди садакьаяр ва къурбандар гъун абуруз тайинарнавай кар я, гьавиляй чи Кьилин хахамдихъни къурбанд ийиз жедай хьтин са вуч ятӀани хьун лазим тир.

Чувудриз 8:4

Ам исятда чилел алайтӀа, Адакай гьатта хахамни жедачир, вучиз лагьайтӀа Къанундив кьадайвал къурбандар ийизвай хахамар гьакӀни авазва.

Чувудриз 9:9

Гьа ина алай вахт паталдини чешне ава: садакьайривайни къурбандривай Аллагьдиз икрам ийизвайдан виждан михьи ийиз ва ам тамамвилихъ гъиз жедач.