Чувудриз 4:2 - Пак Калам

² ГьикӀ лагьайтӀа, и гъулгъула гваз къарагъайбуруз хьиз, чазни Шад Хабардикай муштулух ганай, амма и хабарди абуруз са хийирни гъаначир, вучиз лагьайтӀа абуру а хабар иман яз кьабулначир.

Чувудриз 4:2 Iomraidhean Croise

Крар 13:46

Гьа инал Павелани Барнабади абуруз викӀегьдаказ лагьана: – Аллагьдин Гаф сифте квев агакьарна кӀанзавайди тир. Амма куьне Аллагьдин Гаф кваз кьазвач. Яни куьне куьн эбеди уьмуьрдиз лайих яз гьисабзавач. Гьавиляй чун масабурун патав фида.

Крар 3:26

Аллагьди Вичин лукӀрал чан хкайла, сифте Ада Ам куьн гунагь рекьивай яргъа авун патал куь патав ракъурна, гьа икӀ Аллагьди Вичин лукӀарин куьмекдалди квез хийир-дуьа авуна.

Римвийриз 2:25

Вуна Къанундал амал ийизвай чӀавуз суьннет авуникай хийир ава, амма вуна Къанун чӀурзаватӀа, ви суьннет авунихъ са метлебни авач.

Римвийриз 3:3

Абурукай бязибур Аллагьдиз вафа хьаначтӀа, абурухъ вафа тахьунивай Аллагьдин вафавал чӀуриз жедани кьван?

1-Каринфвийриз 13:3

За жуван эменни пай авуртӀани ва жуван беден цӀуз вегьейтӀани, амма захъ муьгьуьббат авачтӀа, за жува жув къурбанд авуни заз са хийирни гудач.

ГалатӀвийриз 3:2

Зи са суалдиз жаваб це: Руьгь куьне Къанун вилив хуьналди къачунани, я тахьайтӀа Шад Хабардикай квез ван хьайидал иман гъуналди къачунани?

ГалатӀвийриз 3:8

Каламда виликамаз Аллагьди, имандиз килигна, маса халкьар гьахъ-михьивилиз акъуддайди хабар гана ва Ибрагьимаз «Вири халкьари ви куьмекдалди хийир-дуьа къачуда» – лагьана, Шад Хабар малумарнай.

ГалатӀвийриз 4:13

Квез чизвайвал, зун сад лагьай гъилера куь патав атунин, за квев Шад Хабар агакьарунин себеб жуван сагъламвал зайиф хьун тир.

Киххьей къанун 1:32

Идалай кьулухъни куьн Реббидихъ, куь Аллагьдихъ агъунвачир!

1-Саланиквийриз 1:5

Чи Шад Хабар куь патав тек са гафар яз ваъ, гьакӀни Пак Руьгьдин къуват яз, адан гьакъикъивилихъ акьалтӀай иман яз атана. Квехъ галайла, чун куьн паталди гьихьтинбур тиртӀани, квез чизва.

1-Саланиквийриз 2:13

Чна датӀана Аллагьдиз а кардай шукур ийизва хьи, куьне чавай ван хьайи Аллагьдин Гаф кьабулдайла, ам инсанри туькӀуьрнавай гаф хьиз ваъ, ам гьихьтинди ятӀа, гьахьтинди яз – Аллагьдин Гаф яз, иман авай куь рикӀера зурбадаказ гьерекат твазвай къуват яз кьабулна.

1-ТӀиматӀеяз 4:8

Бедендин акъажунрихъни тайин тир хийир ава, муъминвилихъ, лагьайтӀа, вири патарихъай хийир ава, ада и дуьньядани, атӀа дуьньядани уьмуьр хиве кьазва.

Чувудриз 11:6

Иман гвачиз Аллагьдиз кӀандайвал авун жедай кар туш, вучиз лагьайтӀа Адан патав къвезвай гьар сада Аллагь авайдахъ ва Ада Вич жагъурзавайбуруз савкьват гудайдахъ иман авун лазим я.

Чувудриз 3:12

Стхаяр-вахар, квекай садан рикӀни хъел квайди ва иман авачирди тахьун патал ва ам чан алай Аллагьдивай чара тахьун патал, кӀевиз акъваз.

Чувудриз 4:6

Гьа икӀ аниз гьахьун бязибурун вилик гьеле кумазма ва виликдай чпиз секинвилиз гьахьуникай муштулух гайибурни аниз, абуру чӀалаз килиг тавун себеб яз, гьахьначир.

Якьуб 1:21

Гьавиляй гьар жуьредин чиркинвал ва писвилерин гзафвал гадара ва квек кутазвай, куьн хиласдай къуват авай гаф муьтӀуьгъвилелди кьабула.

1-Петру 1:12

Пайгъамбарвилер ийизвайла, абуру чпи чпиз ваъ, квез къуллугъ ийизвайди абуруз Аллагьди малумарна. Цаварилай ракъурнавай Пак Руьгьдин къуватдалди Шад Хабар гайибурун мецеривди гила квез хабар ганва. Малаикарни и сирдин суракьда гьатнава.