Чувудриз 4:16 - Пак Калам

¹⁶ Гьавиляй, чав регьим агакьдайвал ва чавай вахтунда къведай куьмекдин берекат къачуз жедайвал, ша чун викӀегьдиз берекатдин тахтуниз мукьва жен.

Чувудриз 4:16 Iomraidhean Croise

Леви 16:2

Реббиди Мусадиз лагьана: «Жуван стха Гьаруназ лагь хьи, адавай гьар гьи вахтунда хьайитӀани Паквилерин Пак чкадиз, пердедихъ, „Гунагьар алудзавай чка“ лугьудай сандухдин къапсахдин патав къвез жедач, тахьайтӀа ам рекьида, вучиз лагьайтӀа Зун анал, сандухдин къапсахдал, цифеда аваз пайда жеда.

Эфесвийриз 2:18

вучиз лагьайтӀа Адан куьмекдалди чаз кьве халкьдизни са Руьгьдик кваз Бубадин патав фидай мумкинвал хьана.

Эфесвийриз 3:12

Месигьдиз талукь яз ва Адахъ иман ийиз, чавай азаддиз ва кьетӀидаказ Аллагьдин патав физ жеда.

Чувудриз 13:6

Гьавиляй чавай агъунваз лугьуз жеда: «Ребби заз куьмек гузвайди я, са куьникайни кичӀе туш заз. Инсандивай заз вуч ийиз жеда кьван?»

Чувудриз 3:6

Месигьди лагьайтӀа, хци хьиз, Аллагьдин кӀвал вафа гваз идара ийизва. Чна эхирдалди викӀегьвал ва чна вичел дамахзавай умуд хвейитӀа, Адан кӀвал чун я.

Чувудриз 7:19

Къанунди гьич са карни тамамди авунач, амма са гьихьтин ятӀани хъсанвал хьунин умуд гузва. Адан куьмекдалди чун Аллагьдиз мукьва жезва.

Чувудриз 7:25

Гьавиляй Вичи Аллагьдин патав гъизвайбур тамамдиз хиласдай къуват ава Адахъ. Адал датӀана чан ала ва Ада датӀана абурун патахъай векилвал ийизва.

Чувудриз 9:5

Сандухдин винелай чӀехи малаикрин кӀалубар – баркалладин яржар алай, абуру вичиз «Гунагьар алудзавай чка» лугьузвай сандухдин къапсахдал лувар экӀянавай. Амма исятда идакай чун галай-галайвал рахадач.

1-Петру 2:10

Квекай, виликдай халкь туширбурукай, гила Аллагьдин халкь хьанва. Виликдай куьн регьимдикай хкатнавай, гила лагьайтӀа, квез регьим авунва.