Чувудриз 3:6 - Пак Калам

⁶ Месигьди лагьайтӀа, хци хьиз, Аллагьдин кӀвал вафа гваз идара ийизва. Чна эхирдалди викӀегьвал ва чна вичел дамахзавай умуд хвейитӀа, Адан кӀвал чун я.

Чувудриз 3:6 Iomraidhean Croise

Забур 2:12

Реббидиз хъел татун патал, Хциз темен це, кьин тавун паталди куьн рекье куь; куьз лагьайтӀа Адан хъел регьятдаказ куькӀуьда. Бахтавар я Адак умуд кутурбур!

МатӀай 10:22

Зи тилмизар хьуниз килигна, куьн виридаз такӀан жеда; эхирдал кьван эхайди хилас жеда.

МатӀай 16:18

Зани ваз лугьузва: вун – Петру (яни Раг) я, гьа и раг За Захъ иманийрин кӀватӀалдин бинеда эцигда, гьатта агъа дуьньядин къуватривайни адан хура акъвазиз жедач.

МатӀай 24:13

Эхирдалди эхайди хилас жеда.

Римвийриз 11:22

Аллагьдин дугъривиликай ва кӀевивал авуникай фикир ая: къакъатайбурухъ галаз кӀевивал авуникай ва вахъ галаз дугъри хьуникай, вични ахьтин шартӀуналди хьи, вуна Адан дугъривилик умуд кутазвай кьван гагьда уьмуьр тухун давамарзава, тахьайтӀа вунни атӀуда.

Римвийриз 12:12

Умудда шад хьухь, азабра сабур хуьх, дуьада дегиш тахьана амукь.

Римвийриз 15:13

Къуй умуддин чешме тир Аллагьди, куь имандалди куьн гьар жуьредин шадвиливни саламатвилив ацӀуррай. Пак Руьгьдин къуватдин куьмекдалди квез умудрин булвал гурай.

Римвийриз 5:2

Чун исятда авай берекатдихъ къведай рехъ чаз имандалди, Иса Месигьдин куьмекдалди ачух я. Аллагьдин баркалладикай чазни пай хьунин умуддалди чна дамахарзава.

1-Каринфвийриз 3:16

Куьн Аллагьдин кӀвал тирди ва квек Аллагьдин Руьгь квайди квез чизвачни кьван?

1-Каринфвийриз 6:19

Куь беден квек квай ва куьне Аллагьдивай къачунвай Пак Руьгьдин кӀвал тирди квез чизвачни кьван? Куьн квез талукь яз авач,

2-Каринфвийриз 6:16

ва Аллагьдин ибадатханадиз бутрихъ галаз уртах вуч ава кьван? Чун чан алай Аллагьдин ибадатхана я, Аллагьди чакай лагьайвал: «Зун абурун арадиз гьахьда, къекъвез жеда абурун арада. Закай абурун Аллагь жеда, абурукайни Зи халкь жеда» .

ГалатӀвийриз 6:10

Гьавиляй, гьикьван вахтунда и кар мумкин ятӀа, чна виридаз хъсанвал ийин, иллаки чи имандин стхайриз-вахариз.

ГалатӀвийриз 6:9

Хъсанвал авунин ара атӀумир. Чна хъсанвал авун давамариз хьайитӀа, са вахт къведа чна цанвайдалай бегьерни къахчуда.

Эфесвийриз 3:12

Месигьдиз талукь яз ва Адахъ иман ийиз, чавай азаддиз ва кьетӀидаказ Аллагьдин патав физ жеда.

Каласвийриз 1:23

Куьн имандин бинедал ян тагана амукьайтӀа, цаварин кӀаник квай виридаз муштулух яз ганвай ва квезни ван хьанвай Шад Хабарди квез ганвай умуддикай къерех тахьайтӀа, гьакӀ женни ийида. Закай, Павелакай, лагьайтӀа и Шад Хабардиз къуллугъзавайди хьанва.

1-Саланиквийриз 5:16

ДатӀана шад хьухь,

2-Саланиквийриз 2:16

Къуй чи Ребби Иса Месигьди Вичи ва чун кӀан хьайи ва берекатдалди чаз даиман теселлини экуь умуд гайи чи Аллагь Бубади

1-ТӀиматӀеяз 3:15

Зун эглеш жез хьайитӀани, гила ваз жув Аллагьдин кӀвале гьикӀ тухвана кӀандатӀа чизва; гьанаг – чан алай Аллагьдин кӀватӀал, гьакъикъатдин даях ва тестикьвал я.

Чувудриз 1:2

и эхиримжи йикъара чахъ галаз Вичин Хцин мецелди рахана. Аллагьди Вичин Хва виридан Пачагьвиле тайинарнай ва Адан куьмекдалди каинатни халкь авунай.

Чувудриз 10:19

Стхаяр-вахар, Исадин Иви себеб яз чавай гила Паквилерин Пак чкадиз викӀегьдиз гьахьиз жеда.

Чувудриз 10:21

Ва чаз Аллагьдин кӀвалин кьиле акъвазнавай Кьилин хахам ава.

Чувудриз 10:23

Ша чна умуд гузвай имандикай шагьидвал авун ян тагана кьан, вучиз лагьайтӀа чаз гаф Гайиди гьакъикъи я.

Чувудриз 10:35

ВикӀегьвал квадармир, и кардай квез жумарт савкьват гуда.

Чувудриз 11:1

Иман – им вуч вилив хуьзватӀа гьадахъ агъун я, таквазвайдал шак тагъун я.

Чувудриз 3:14

Чна чаз эвелдай авай хьтин кӀеви иман лап эхирдалди хвейитӀа, чакай Месигьдин юлдашар жеда.

Чувудриз 4:11

Гьавиляй, а секинвилиз гьахьун патал, чӀалал татунин атӀа чешнедин рехъ кьуна садни пуч тахьун патал, ша чна алакьдай кьван вири ийин.

Чувудриз 4:14

Чахъ цавар кӀвачелай авунвай кьилинбурукай лап чӀехи хахам ава – Аллагьдин Хва Иса. Гьавиляй ша чна вичелай шагьидвал ийизвай гьакъикъат кӀевиз кьан.

Чувудриз 4:16

Гьавиляй, чав регьим агакьдайвал ва чавай вахтунда къведай куьмекдин берекат къачуз жедайвал, ша чун викӀегьдиз берекатдин тахтуниз мукьва жен.

Чувудриз 6:11

Куь умуд кьилиз акъатунин хатурдай чаз квекай гьар сада ахьтин чӀехи гьакъисагъвал эхирдалди къалурна кӀанзава.

Чувудриз 6:18

Гьавиляй дегиш тежедай ва чеб Аллагьдин патай тирла таб квачирбур жедай и кьве кардивай – гаф гунивай ва кьиневай – чна гзаф чӀехи кӀубанвал къачузва. Чун, лагьайтӀа, Аллагьдивай далда жагъайбур ва чи вилик квай умуддик ккӀанвайбур я.

Чувудриз 7:19

Къанунди гьич са карни тамамди авунач, амма са гьихьтин ятӀани хъсанвал хьунин умуд гузва. Адан куьмекдалди чун Аллагьдиз мукьва жезва.

1-Петру 1:8

Квез Ам акунвач, амма квез Ам кӀанзава, ва гилани, ам акун тавуртӀани, куьне Адахъ иман ийизва. Адахъ иман авуна, гафаралди лугьуз тежедай баркалла галай шадвилелди хвешивалзава.

1-Петру 2:5

Иса Месигьдин куьмекдалди Аллагьдиз хуш руьгьдин къурбандар авун патал квекай пак хахамар жедайвал, къуй квекай, чан алай къванерикай хьиз, Руьгьдин ибадатхана эциграй.

1-Петру 4:17

Вучиз лагьайтӀа Дувандин вахт алукьнава, дуван Аллагьдин кӀвалелай гатӀум жеда. Ам чалай гатӀум хьайитӀа, Аллагьдин Шад Хабардиз табий тахьайбурун эхир гьихьтинди жедатӀа фагьум ая.

Керемат 2:18

Туьатира шегьерда авай иманийрин кӀватӀалдин малаикдизни кхьихь: «Кузвай цукӀвар хьтин вилер ва цӀарцӀар гузвай лацу буьруьнждиз ухшар кӀвачер авай Аллагьдин Хци икӀ лугьузва:

Керемат 2:25

Анжах квехъ авай иман Зун къведалди кӀевиз яхъ.

Керемат 2:26

Эхирдалди Зи къастунал амал авуна, иблисдал гъалибвилер къачудайбурув За халкьарин винел чӀехивал ийиз тада.

Керемат 3:11

Зун гьа и мукьвара къведа. Садани куь таж чуьнуьх тийидайвал, жувахъ авай иман хуьх.