Чувудриз 3:1 - Пак Калам

¹ Гьавиляй, Аллагьдиз талукь стхаяр-вахар, цавариз эвернавай амадагар, куьн чна Вичикай шагьидвал ийизвай, Вич Ракъурнавайди ва Кьилин хахам тир Исадиз килиг.

Чувудриз 3:1 Iomraidhean Croise

Забур 110:4

Еке Вичин аламатар Ада жем авуна чи рикӀера, тефидайвал рикӀелай, зурба регьимни, мергьемет ава Реббидиз.

Ягья 17:3

Эбеди уьмуьр, лагьайтӀа, халисан сад Аллагь тир Вун ва Вуна ракъурнавай Иса Месигь чир хьун я.

Ягья 20:21

Исади абуруз кьвед лагьай гъилера лагьана: – Квез хийирар хьуй! Зун Зи Бубади куь патав гьикӀ ракъурнаватӀа, Зани куьн дуьнья тирвал ракъурзава.

Ягья 20:27

Ахпа ТӀумаяз лагьана: – Ви тӀуб Зав гице, килиг Зи Гъилериз; ви гъил гице, Зи къвалаз гъил ая; шак ийимир, иман ая.

Крар 1:15

Садра Петруди кӀватӀ хьанвай вишни къад кас кьван иманийрин вилик къарагъна, лагьана:

Римвийриз 11:17

Къени зейтундин кьилди хилер ханваз, вун, чӀуру зейтун, абурун чкадал кӀалам яз илигнаватӀа ва вуна зейтун тарцин мижедикай хъвазватӀа,

Римвийриз 15:27

Абуру икӀ авун чпи кьетӀнава, гьикӀ лагьайтӀа абур гьакъикъатдани и кесибрин вилик буржуник ква. Чувудри чпин Руьгьдин нуьсретар абурухъ галаз пайнатӀа, гьакӀ абуруни чпин патай чувудрихъ галаз дуланажагъдин няметар гуналди куьмекун лазим я.

Римвийриз 15:8

За квез лугьузва: Аллагьди бан-бубайриз гайи гафар тестикьарун патал, Аллагьдиз вафа къалурун патал, ва гьакӀни, кхьенвайвал, маса халкьаривайни Аллагьдиз Адан регьимдай шукур ийиз хьун патал, Месигьдикай чувудрин лукӀ хьана: «И кардай за Ваз шукур ийида маса халкьарин арада, Ви ТӀварцӀин тариф за ийида» .

Римвийриз 9:24

Ада эвер чаз ийизва, чун тек са чувудрикай ваъ, муькуьбурукайни я.

1-Каринфвийриз 1:2

Каринфда авай иманийрин кӀватӀалдиз, Иса Месигьдалди гунагьрикай михьи авунвайбуруз, Адаз талукь хьун патал эвернавайбуруз, гьакӀни жуьреба-жуьре чкайра Иса Месигьдин, яни абурун ва чи Реббидин ТӀварцӀихъ элкъвезвайбуруз.

1-Каринфвийриз 10:17

Фу сад тир хьиз, чунни, гзаф ятӀани, са беден я, вучиз лагьайтӀа сад тир фа чи пайни ава.

1-Каринфвийриз 9:23

И вири крар за Шад Хабардин хатурдай ва адан хийир-дуьаяр къачун патал ийизвайди я.

2-Каринфвийриз 1:7

Чна кӀевелай квек умуд кутунва ва, куьне чахъ галаз чи азабар гьикӀ пайзаватӀа, гьакӀ чаз гузвай теселлини пайзавайди чаз чизва.

2-Каринфвийриз 9:13

Куьне ийизвай мергьеметвилин къуллугъ акваз, инсанри куь паталай Аллагьдиз шукурар ийида. Куьне вичел иман ийизвай Месигьдин Шад Хабардиз куьне вафа хуьзва, куьне квез авайди абурухъ галаз ва вирибурухъ галаз гъилин ахъавилелди пайзава.

Эфесвийриз 3:6

И сир адакай ибарат я хьи, Шад Хабардин куьмекдалди маса халкьарикай чувудрихъ галаз санал Аллагьди гузвай нуьсретрин ирссагьибар ва са Бедендин паяр жезва. Иса Месигьдалди гайи гаф гьабурузни талукь я.

Эфесвийриз 4:1

Ребби себеб яз къазаматда авай за квез минетзава: куьн Аллагьди эвернавайбур яз хьайила, куь везифадиз лайих яз уьмуьр твах.

Эфесвийриз 4:4

Квез ганвай умуд сад тир хьиз, Руьгьни сад я, Беденни.

ФилипӀвийриз 3:14

Зун жуван мураддихъ – савкьват къачун патал йигиндиз вилик физва. А савкьват, лагьайтӀа, вичихъди Иса Месигь арада аваз Аллагьди эвер ганвай цӀийи уьмуьр я.

Каласвийриз 1:12

Квез Аллагьдин экуь Пачагьлугъда Вичиз талукьбурун ирсиникай пай къачудай алакьун гана. Ам квез гайи Цаварин Бубадиз шаддаказ шукур ая.

Каласвийриз 1:22

Амма исятда Месигь Вичин Бедендин кьиникьдалди Аллагьди куьнни Вичихъ галаз туькӀуьр хъувуна, вучиз лагьайтӀа Адаз куьн пакбур, рехне квачирбур ва леке алачирбур яз Вичин вилик акъвазариз кӀанзавай.

Каласвийриз 3:12

Гьавиляй, Аллагьди хкянавай Вичиз талукьбур ва кӀанибур яз, куьне жувал чарадан рикӀикай хабар кьун, дугъривал, умунвал, инсанрихъ галаз рахунра хъуьтуьлвал, сабур либас хьиз алукӀа.

1-Саланиквийриз 2:12

квек руьгь кутаз, чӀалал гъиз хьана, Вичин Пачагьлугъдиз ва Вичин баркалладик атуниз эверзавай Аллагьдин вилик куьне лайих тир уьмуьрдалди кьил хуьн патал квез дад-бидадиз хьана.

1-Саланиквийриз 5:27

За Аллагьдин вилик квез тагькимзава, и чар вири стхайриз-вахариз кӀела!

2-Саланиквийриз 1:11

Гьавиляй чна датӀана куьн паталди дуьаяр ийизва. Чи Аллагьди куьн куь везифадиз лайих авайбур яз гьисабрай. Квез ийиз кӀанзавай гьар са хъсан кӀвалах ва имандин кар кьилиз акъудиз Аллагьдин къуватди куьмек гурай.

2-Саланиквийриз 2:14

И кардихъ Ада чна Шад Хабардикай гайи муштулухралди квез эвер гана, чи Ребби Иса Месигьдин баркалладик куь пайни акатдайвал авуна.

1-ТӀиматӀеяз 6:12

Вири четинвилерихъ галаз иман хвена женг чӀугу ва ви хиве тунвай эбеди уьмуьрдин пад яхъ, гьикӀ лагьайтӀа гзаф шагьидрин вилик вуна ви имандикай лайихвилелди ва ачухдиз лагьанай.

1-ТӀиматӀеяз 6:2

Иесияр имандал алай лукӀарини, абур чпин стхаяр хьунал бине кьаз, абуруз ийизвай лайих гьуьрмет тӀимилди тахьурай. Аксина, абуру виликдай авурдалайни хъсандиз къуллугъун лазим я, вучиз лагьайтӀа абуру низ къуллугъзаватӀа, гьабур вафа тир ва кӀани стхаяр я. И кар вуна инсанриз чирна кӀанда ва идахъ эвер гана кӀанда.

2-ТӀиматӀеяз 1:9

Аллагьди чна хъсан крар авуна лугьуз ваъ, чакай вичин халкь хьун патал чун хиласна, Вичин берекатдив кьурвал чаз эверна. А берекат чаз Иса Месигьдилай дуьнья халкь хьайидалай вилик ганвай.

2-ТӀиматӀеяз 2:7

За вуч лугьузватӀа, фагьум ая, адан гъавурда акьаз ваз Реббиди вири крара куьмек гуда.

Чувудриз 10:19

Стхаяр-вахар, Исадин Иви себеб яз чавай гила Паквилерин Пак чкадиз викӀегьдиз гьахьиз жеда.

Чувудриз 10:21

Ва чаз Аллагьдин кӀвалин кьиле акъвазнавай Кьилин хахам ава.

Чувудриз 10:23

Ша чна умуд гузвай имандикай шагьидвал авун ян тагана кьан, вучиз лагьайтӀа чаз гаф Гайиди гьакъикъи я.

Чувудриз 13:22

Стхаяр-вахар, за квевай и несигьатдин гафарив сабурдивди эгечӀун кӀевелай тӀалабзава, гьикӀ лагьайтӀа зи чар куьруьди я.

Чувудриз 2:11

Пак Ийизвайдини, ва Адалди пак жезвайбурни – вири са Бубадин аялар я, ва гьавиляй Исадиз абуруз стхаяр-вахар лугьуз регъуь туш.

Чувудриз 2:17

И кар патал Вичикай Аллагьдиз ийизвай къуллугъда регьим авай, вафа хуьдай, халкьди авур гунагьрай Аллагьдиз мергьемет гъидай Кьилин хахам хьун паталди, Иса вири крара Вичин стхаяр-вахар хьтинди хьун лазим тир.

Чувудриз 3:12

Стхаяр-вахар, квекай садан рикӀни хъел квайди ва иман авачирди тахьун патал ва ам чан алай Аллагьдивай чара тахьун патал, кӀевиз акъваз.

Чувудриз 3:14

Чна чаз эвелдай авай хьтин кӀеви иман лап эхирдалди хвейитӀа, чакай Месигьдин юлдашар жеда.

Чувудриз 6:20

Вичикай эбеди яз Мелик-Садикьан дережадив кьур хьтин Кьилин хахам хьана, чи вилик кваз фейиди тир Иса гьахьай чкадиз гьахьдай ихтияр гузва.

Чувудриз 7:26

Иллаки гьа ихьтин Кьилин хахам тир чаз герекди: пакди, са тахсирни, са рехнени квачирди, гунагькаррикай чаради ва цаварилайни вине авайди.

Чувудриз 7:28

Къанун тирвал, кьилин хахамар яз адетдин зайиф инсанар тайинарзава, амма Къанундилай гуьгъуьниз кьур кьин тирвал, кьилин хахамвал авун патал эбеди яз кӀвачинарнавай Хва тайинарнай.

Чувудриз 9:11

Амма пайда хьайи хъсанвилерин кьилин хахам яз атай Месигь авайдалайни чӀехи ва тамам алачухдиз, инсанрин гъилералди эциг тавунвай, яни и дуьньядиз талукь тушир алачухдиз, гьахьна.

Чувудриз 9:15

Гьавиляй Месигь, эвернавайбурув чпиз хиве кьунвай эбеди ирс агакьун патал, цӀийи Икьрардин арачи язва. И кар Адан кьиникьи абуру гьеле сифтегьан Икьрардин шартӀара ахъаяй гунагьрилай гъил къахчудайвал авун себеб яз хьана.

1-Петру 2:9

Куьн лагьайтӀа, хкянавай тухум я, Пачагьдин хахамар я, пак халкь я, Аллагьдиз талукь, Адан чӀехи крарикай хабар гун патал хкянавай инсанар я. Ада квез мичӀивиляй Вичин аламатдин экуьниз эвернава.

1-Петру 3:5

И саягъда алатай вахтара Аллагьдик умуд кутазвай Адаз талукь папари чпин гъуьлериз муьтӀуьгъ хьуналди чеб иер ийидай.

1-Петру 5:1

Жув чӀехиди ва Месигьдин азабрин шагьид яз, гьакӀни ахъа хьун лазим тир Адан баркаллада иштиракзавайди яз, за куь чӀехибурувай тӀалабзава.

1-Петру 5:10

Квел са куьруь вахтунда ацалтдай азабдилай гуьгъуьниз куьн Иса Месигьдиз талукь тирвиляй, Вичин эбеди баркалладихъ эверай Аллагьди, гьар са берекатдин чешмеди, куьн кӀвачел ахкъалдарда, квез къуватни, уьтквемвални, мягькемвал гуда.

1-Ягья 1:3

Куьнни чахъ галаз уртах хьурай лугьуз, чна чаз акурбурукай ва ван хьайибурукай квезни хабар гузва. Бубадихъни адан Хва Иса Месигьдихъ галаз чун уртахар я.

Ягьуд 1:1

Иса Месигьдин лукӀ ва Якьубан стха Ягьудан патай. Аллагь Бубади эвернавай, Адаз кӀани тир ва Иса Месигьди хуьзвай вирибуруз.

Керемат 17:14

Абуру КӀелехъ галаз дяве ийида. КӀел абурал гъалиб жеда, вучиз лагьайтӀа КӀел агъавалзавайбурун Агъани я, пачагьрин пачагьни. Вужар КӀелехъ галатӀа, абур Гьада эвернавайбур, Гьада хкягъайбур ва Гьадаз вафа хуьзвайбур я.

Керемат 18:20

И кардал шад хьухь, цавар, илчиярни пайгъамбарар ва Аллагьдиз талукь тир амайбур. Шегьерди квез вуч авунатӀа, гьадай Аллагьдини шегьердиз жаза гана.