Чувудриз 2:9 - Пак Калам

⁹ ЯтӀани чаз аквазва хьи, малаикрилай са тӀимил вахтунда агъада эцигнавай Исадиз баркалладикайни намусдикай таж авуна, вучиз лагьайтӀа ажалдик акатна; Аллагьди чаз гузвай берекат къалурун яз Исади гьар са касдин паталай ажалдин тӀям акуна.

Чувудриз 2:9 Iomraidhean Croise

Хьунухь 3:15

Вунни паб за душманар ийизва, куь балаярни сад садаз душманар я: адан хци ви кьил яна хада, вунани адан дабан кӀасда».

МатӀай 16:28

За квез рикӀивай лугьузва: инал акъвазнавайбурук ахьтинбур ква хьи, абуруз пачагь яз къведай Инсандин Хва акун тавунмаз, гьич ажални аквадач.

МатӀай 6:28

Пекерин къайгъудани куьн гьатмир. Бубуяр гьикӀ экъечӀзаватӀа килиг: абуру я зегьмет чӀугвазвач, я са затӀ хразвач.

Марк 9:1

Исади абуруз мад лагьана: – За квез рикӀивай лугьузва: инал акъвазнавайбурук ахьтинбур ква хьи, абуруз Аллагьди къудрат гваз ийидай Пачагьвал акун тавунмаз, гьич ажални аквадач.

ЛукӀа 9:27

За квез рикӀивай лугьузва: инал акъвазнавай са бязибуруз Аллагьди пачагьвал ийидай вахт акун тавунмаз, гьич ажални аквадач.

Ягья 1:29

Пакагьан юкъуз Ягьядиз вичин патав къвезвай Иса акуна: – Ингье, – лагьана ада, – им Аллагьдин КӀел я, Ада вири дуьньядин гунагьар вичин хиве твада.

Ягья 10:17

За Зи уьмуьр Заз цӀийи кьилелай мад уьмуьр хъхьун паталай гузва, гьа и кардиз килигна Зун Зи Бубадиз кӀанни ийида.

Ягья 12:32

Зун чилелай хкаж авурла, За вири Жувал желб ийида.

Ягья 3:16

Аллагьдиз и дуьнья акьван кӀан хьана хьи, Вичин авайни-авачир са Хва къурбанд авуна, Адахъ иман ийизвайбур садни рекьин тийидайвал, абуруз эбеди уьмуьр жедайвал авуна.

Ягья 8:51

За квез лап рикӀивай лугьузва, ни За лагьай гафар кьилиз акъудайтӀа, ам са чӀавузни рекьидач.

Ягья 8:52

– Вак жин квайди гила чаз чир хьана, – лагьана чувудри. – Ибрагьимни кьена, пайгъамбарарни кьена, амма Вуна лугьузва хьи, Вуна лагьай гафар кьилиз акъудайди са чӀавузни рекьидач.

Крар 2:33

Аллагьди Иса хкажна Вичин эрчӀи гъилихъай ацукьарна. Хиве кьур Пак Руьгь Вичин Бубадин патай къачур Исади а Руьгь чакни кутуна. Квез аквазвайди ва ван къвезвайди гьа вакъиадин нетижа я.

Крар 3:13

Ибрагьиман, Исакьан ва Якьубан Аллагьди, чи бубайрин Аллагьди, Вичин ЛукӀ Исадал баркалла гъана. Куьне, лагьайтӀа, Ам дувандиз акъудна. ПилатӀаз Ам ахъа хъийиз кӀан хьанатӀани, куьне ПилатӀан вилик Исадикай кьил къакъудна.

Римвийриз 5:18

Гьа икӀ, са инсандин тахсирди вири инсанриз кар атӀун гъайивал, гьакӀ Садан гьахъ-михьи карди вирибуруз уьмуьр гузвай гьахъ-михьивилиз гъана.

Римвийриз 5:8

Амма чун гьа гунагькарар яз амайла, Месигь чун паталди кьиналди Аллагьди чаз Вичин муьгьуьббат къалурна.

Римвийриз 8:3

Чи гунагькар тӀебиат табий ийиз тахьай Къанундилай алакь тавурди Аллагьди авуна. Ада Вичин Хва инсандин гунагькар бедендиз ухшар беденда аваз ракъурна ва, Адакай чи гунагьрай къурбанд авуналди, гунагьдиз кар атӀана.

Римвийриз 8:32

Вичин Хцин гьайиф Татайда, амма Ам чун вири патал Гайида Адахъ галаз чаз вири гудачни бес?

2-Каринфвийриз 5:15

Чан алайбуру гила чеб патал ваъ, чпин паталай кьена чан Хтанвайди патал уьмуьр тухвайвиляй Ам вирибур патал кьена.

2-Каринфвийриз 5:21

Чун Месигьдиз талукь яз Вичин вилик гьахъ-михьибур хьун патал, Аллагьди инсанрин гунагьдай тахсир гунагь Квачирдал эцигна.

ГалатӀвийриз 4:4

Амма, тайин авунвай вахт атана агакьайла, Аллагьди папа ханвай, Къанундиз муьтӀуьгъ тир Вичин Хва ракъурна,

1-ТӀиматӀеяз 2:6

Ада Вичи Вич вири инсанрин паталай эвекь яз гана, Ам дуьньядиз вичин вахтунда ганвай Аллагьдин шагьадатнама я.

Чувудриз 1:9

Ваз гьахъ-михьивал кӀан хьана, такӀан хьана Къанун чӀурун, гьавиляй, я Ребби, Ви Аллагьди Вавай гуьцӀна гзаф чӀем шадвилин ви юлдашривай гуьцӀайдалай».

Чувудриз 10:5

Гьавиляй, и дуьньядиз гьахьдайла, Месигьди лагьана: «КӀан хьанач Ваз я къурбандар, я савкьватар, амма Вуна Зун паталди гьазурна беден.

Чувудриз 11:5

Иман себеб яз Гьенух, ажал такуна, и дуьньядай къахчунай. Ам жагъур хъийиз жезвачир, вучиз лагьайтӀа ам Аллагьди къахчунвай. Амма ам къахчудайдалай вилик ам Аллагьдиз кӀандайвал авур кас яз гьалалвилив агакьнай.

Чувудриз 12:2

Вил галуд тавуна Исадиз килигин. Эвелдилай эхирдал кьван чи иман Гьадалай аслу я. Гележегда жедай шадвилин хатурдай Ада хашунал ажал эхи авуна, беябурвал инкарна, исятда Ам Аллагьдин тахтунин эрчӀи къвалахъай ацукьнава.

Чувудриз 2:7

Малаикрилай Вуна Ам агъузна са тӀимил береда, баркалладин, гьуьрметдин таж алукӀна адал,

Чувудриз 7:25

Гьавиляй Вичи Аллагьдин патав гъизвайбур тамамдиз хиласдай къуват ава Адахъ. Адал датӀана чан ала ва Ада датӀана абурун патахъай векилвал ийизва.

Чувудриз 8:3

Гьар са кьилин хахамди садакьаяр ва къурбандар гъун абуруз тайинарнавай кар я, гьавиляй чи Кьилин хахамдихъни къурбанд ийиз жедай хьтин са вуч ятӀани хьун лазим тир.

1-Петру 1:21

Месигьдин куьмекдалди Вичел кьейидалай кьулухъ чан хкай ва, куьне Аллагьдихъ иман авун патал ва куьне Адак умуд кутун патал, Месигь машгьур авур Аллагьдихъ куьне иман ийизва.

1-Ягья 2:2

Ам чи гунагьриз килигна, тек са чи гунагьриз ваъ, вири дуьньядин гунагьриз килигна, абур михьун патал къурбанд хьанва.

Керемат 19:12

Адан вилер куькӀвена кузвай цӀай хьиз тир. Адан кьилел гзаф тажар алай. Адал тӀвар кхьенвай. А тӀвар са Гьадалай Вичелай гъейри садазни чизвачир.

Керемат 5:9

Чан алай кьуд затӀунин агъсакъалри цӀийи мани лагьана: Къаргъу къачуз, адал алай муьгьуьрар алуд ийиз лайихди са Вун я, куьз лагьайтӀа Вун къурбанддиз акъудна. Гьар са чӀал гвай халкьарикай, тухумдай, тайифадай Вуна Жуван Ивидихъ Аллагь патал инсанарни къачуна,