Чувудриз 2:10 - Пак Калам

¹⁰ Вири Вич себеб яз ва Вичин куьмекдалди авай ва Вичин гзаф кьадар рухваяр-рушар, азабрай тӀуз тухвана, баркалладихъ гъизвай Аллагьди абурун хиласвилин кьил Кутурди тамамди яз авун лазим тир.

Чувудриз 2:10 Iomraidhean Croise

Хьунухь 18:25

Жедай кар туш! Вуна ахьтин кӀвалах ийич! Гьахъ-михьибур Вуна зулумкаррихъ галаз санал тергдач, гунагькарринни гьахъ-михьибурун кьисмет гьа сад хьтинди жедач! Им жедай кӀвалах туш! Вири чилин Дуванбег – гьахъ чӀурна дуван атӀуз жедани кьван?»

Кьурумда 7:15

кунуг яз таза жунгав, гьер ва са йис хьанвай кьар,

ЛукӀа 13:32

– Фена а сикӀрез лагь хьи, – лагьана Исади, – къени пака За инсанрикай жинерар хкудда ва азарри кьунвайбур сагъар хъийида, пуд лагьай юкъуз За Зи крар куьтягьда.

ЛукӀа 2:14

– Шукур хьуй цавараллай Аллагьдиз! – лагьана абуру. – Адаз хуш инсанар авай чилел ислягьвал хьурай!

ЛукӀа 24:26

Вичин баркалладив агакьун патал, Месигьди вири и азабар чӀугун лазим тирдакай Пайгъамбарри лагьаначирни кьван?

ЛукӀа 24:46

– Каламда кхьенва, – лагьана Ада, – Месигьди азабар чӀугуна, кьейи пуд лагьай юкъуз Адал чан хквервал я.

Ягья 11:52

Амма Иса тек са чувуд халкь патал рекьин лазим тушир. Ада дуьньядиз чкӀанвай Аллагьдин вири веледрикай Вичин кьиникьалди са халкь авунни лазим тир.

Ягья 19:30

Цуру чехирдин дад акуна, Исади лагьана: – Гила вири туькӀвена! Кьил хуруз аватай Ада чан гана.

Крар 3:15

Амма куьне уьмуьр Гузвайди кьена. Аллагьди Адал чан хкана, чун а кардин шагьидар я!

Крар 5:31

Исраилдиз Аллагьдин рекьел къведай ва гунагьрилай гъил къахчудай мумкинвал гун патал, гьа и Иса Аллагьди Вичин эрчӀи гъилихъай ацукьарна ва Адакай ЧӀехиди ва Хиласкар авуна.

Римвийриз 11:36

Вири крар Гьадалай, Гьадалди, Гьам паталди я. Шукур хьурай Адаз даим! Амин.

Римвийриз 9:23

Вичиз регьим низ ийиз кӀанзаватӀа ва вуж Ада баркалла патал гьазурнаватӀа, гьабуралди виридаз Вичин баркалладин девлет къалурун патал Аллагьди икӀ ийиз хьайитӀа, вучда кьван?

1-Каринфвийриз 2:7

Ваъ, икьван чӀавалди далдадик кумаз хьайи, амма дуьнья халкь тахьанмаз, лап сифтедилай чи баркалла патал тайинарнавай Аллагьдин камалдикай рахазва чун.

1-Каринфвийриз 8:6

амма чун паталди авайди анжах са Аллагь Буба я, чун вири Гьадалай я, Гьам паталди чна уьмуьр тухузва ва анжах са Ребби Иса Месигь я, Гьадалдини вири арадал атана ва Гьадалди чна уьмуьр къачуна.

2-Каринфвийриз 3:18

Ахъа чинар авай чаз, гуьзгуьдай хьиз, Реббидин баркалладин парпар аквазва, ва чун дегиш жезва, Гьадаз ухшарбур жезва. Адан баркалла чак мадни чӀехи жезва, ам Реббидилай Вичелай къвезва, Ам лагьайтӀа Руьгь я!

2-Каринфвийриз 4:17

вучиз лагьайтӀа чи кьезил ва вахтуналди тир азабар, абуру чал гъизвай чӀехи ва эбеди баркалладив гекъигайла, са затӀни туш.

2-Каринфвийриз 5:18

И кар чун вири Месигьдин куьмекдалди Вичихъ галаз туькӀуьр хъувур ва чаз инсанар туькӀуьр хъувунин къуллугъ гайи Аллагьдилай атанвайди я.

2-Каринфвийриз 6:18

«Закай Буба жеда куь, квекай жеда Зи рухваяр ва рушар, – лугьузва Реббиди, вири дуьньядин Агъади».

ГалатӀвийриз 3:26

Куьн вири Иса Месигьдал гъайи иманда Аллагьдин веледар я.

Эфесвийриз 2:7

Идалди Адаз къвезмай асирра Иса Месигьдин куьмекдалди чаз гудай Вичин берекатдин кьадар авачир девлет къалуриз кӀанзавай.

Эфесвийриз 3:10

И фикирдив кьурвал, гила иманийрин кӀватӀалди цаварал алай гьакимриз ва гьукумриз Аллагьдихъ авай гзаф жуьрейрин камал ачух авун лазим я.

Каласвийриз 3:4

Куь уьмуьр Месигь я, Ам дуьньядиз къалурай чӀавуз куьнни Адахъ галаз санал баркаллада аваз къалурда.

2-ТӀиматӀеяз 2:10

Гьавиляй хкягъайбурун хатурдай за вири эхзава. Абуру лагьайтӀа, Иса Месигьдалди жедай хиласвал даиман баркалладихъ галаз къачудайвал ийизва.

Чувудриз 12:2

Вил галуд тавуна Исадиз килигин. Эвелдилай эхирдал кьван чи иман Гьадалай аслу я. Гележегда жедай шадвилин хатурдай Ада хашунал ажал эхи авуна, беябурвал инкарна, исятда Ам Аллагьдин тахтунин эрчӀи къвалахъай ацукьнава.

Чувудриз 6:20

Вичикай эбеди яз Мелик-Садикьан дережадив кьур хьтин Кьилин хахам хьана, чи вилик кваз фейиди тир Иса гьахьай чкадиз гьахьдай ихтияр гузва.

Чувудриз 7:26

Иллаки гьа ихьтин Кьилин хахам тир чаз герекди: пакди, са тахсирни, са рехнени квачирди, гунагькаррикай чаради ва цаварилайни вине авайди.

Чувудриз 7:28

Къанун тирвал, кьилин хахамар яз адетдин зайиф инсанар тайинарзава, амма Къанундилай гуьгъуьниз кьур кьин тирвал, кьилин хахамвал авун патал эбеди яз кӀвачинарнавай Хва тайинарнай.

1-Петру 1:12

Пайгъамбарвилер ийизвайла, абуру чпи чпиз ваъ, квез къуллугъ ийизвайди абуруз Аллагьди малумарна. Цаварилай ракъурнавай Пак Руьгьдин къуватдалди Шад Хабар гайибурун мецеривди гила квез хабар ганва. Малаикарни и сирдин суракьда гьатнава.

1-Петру 5:1

Жув чӀехиди ва Месигьдин азабрин шагьид яз, гьакӀни ахъа хьун лазим тир Адан баркаллада иштиракзавайди яз, за куь чӀехибурувай тӀалабзава.

1-Петру 5:10

Квел са куьруь вахтунда ацалтдай азабдилай гуьгъуьниз куьн Иса Месигьдиз талукь тирвиляй, Вичин эбеди баркалладихъ эверай Аллагьди, гьар са берекатдин чешмеди, куьн кӀвачел ахкъалдарда, квез къуватни, уьтквемвални, мягькемвал гуда.

Керемат 4:11

– Ребби Аллагь, Вун шукурар, гьуьрметар, гьакӀни гьукум кьабулуниз лайих я, куьз лагьайтӀа вири Вуна халкьнава, Ви къастуни гъанва вири арадал, виридал чан гъанвайдини са Вун я.

Керемат 7:9

Ахпа ингье заз лап гзаф инсанар акуна. Абурун кьадар садавайни гьисабиз жедачир. Абур чилин вири тайифайрикайни тухумрикай, гьар жуьредин чӀаларал рахазвай халкьарикай тир. Абур лацу парталар алаз, гъилера хурмадин тарцин хилер аваз ЧӀехи тахтунин ва КӀелен вилик акъвазнавай.