Чувудриз 13:9 - Пак Калам

⁹ Къуй куьн акатай гьихьтин хьайитӀани патан чирвилери гьакъикъатдивай къакъуд тавурай. РикӀер чеб тӀуьниз талукь яз кхьенвай серенжемралди ваъ (абуру чпел амал авурбуруз хийир гъанач), Аллагьдин берекатдалди мягькем хьайитӀа, хъсан я.

Чувудриз 13:9 Iomraidhean Croise

Забур 112:8

ацукьарун патал абур регьберрин патав, Вичин халкьдин регьберрин патав.

МатӀай 24:24

Тапан месигьарни тапан пайгъамбарар гзаф акъатда. Абуру чӀехи аламатар ва керемат-ишараяр къалурда, алакьайтӀа, гьатта Аллагьди хкянавайбурни кваз алцурариз алахъда.

МатӀай 24:4

Исади жаваб яз лагьана: – Мукъаят хьухь, куьн алцурариз тахьурай!

ЛукӀа 5:38

Амма цӀийи чехир цӀийи целце цун лазим я.

Крар 20:30

Гьатта куь арадайни тапан несигьатар гудайбур акъатда, абуруз тилмизар чпин рекьел гъиз кӀан жеда.

Крар 20:32

Исятда за куьн Аллагьдал ва Адан берекатдикай лугьузвай Гафунал аманатзава. И Гафунихъ куьн мягькемардай къуват ава, Аллагьди квез, Вичиз талукь виридаз, хиве кьурди гуда.

Римвийриз 14:17

Аллагьдин Пачагьлугъ тӀуьникайни хъуникай ваъ, Пак Руьгьди гузвай гьахъ-михьивиликай, ислягьвиликай ва шадвиликай ибарат я.

Римвийриз 14:2

Садан иманди адаз вири недай ихтияр гузва, амма имандал зайифда анжах салан майваяр незва.

Римвийриз 14:6

Са югъ муькуьдалай важиб яз гьисабзавайда и кар Ребби патал ийизва. Са вуч ятӀани незвайда Ребби патал незва, вучиз лагьайтӀа и тӀуьнай ада Аллагьдиз шукур ийизва. И затӀ тинезвайдани Ребби патал незвач ва Аллагьдиз шукурзава.

1-Каринфвийриз 6:13

Куьне мадни лугьузва: «Хук – тӀуьн паталди я, тӀуьнни – хук паталди, амма Аллагьди имни, амни терг ийида». Эхь, амма беден явавал авун паталди ваъ, Аллагьдиз къуллугъ авун паталди тайинарнавайди я, Аллагьдини бедендиз вуч лазим ятӀа гьам гузва.

1-Каринфвийриз 8:8

Амма тӀуьни Аллагьдиз мукьва жез куьмекзавайди туш. Чна са затӀ нен тийиз хьайитӀа, чаз пис жезвач, чна нез хьайитӀани, чаз хъсан жезвач.

2-Каринфвийриз 1:21

Месигьдихъ иман авур чакай квехъ галаз ян тагудайбур ийизвайди Аллагь я. Ада чал чи къуллугъ тестикьзавай гуьцӀуьр эцигнава

ГалатӀвийриз 6:1

Стхаяр-вахар, са инсан са тахсирдин винел кьуртӀа, куьне, Аллагьдин Руьгь квай инсанри, ам дуьз рекьел хтун патал милайимвилелди адаз куьмек ая. Килиг гьа, куьнни гунагьра гьат тийидайвал хьурай!

Эфесвийриз 4:14

Гьа чӀавуз чакай инсанар рекьелай алудзавай амалдар тапархъанрин къурбандар ийизвай жуьреба-жуьре чирвилерин лепейрал ян гузвай ва гарари тухузвай гъвечӀи аялар жедач.

Эфесвийриз 5:6

Винидихъ лагьанвай гафариз акси яз экъечӀиз, садани куьн алцурар тавурай, вучиз лагьайтӀа муьтӀуьгъ тахьайбурал Аллагьдин хъел аватда.

Каласвийриз 2:4

За им квез, куьн садавайни амалдар гафаралди алцурариз тахьун патал, лугьузвайди я.

2-Саланиквийриз 2:17

куь рикӀериз сабур гурай, куьн гьар са кардани гафуна мягькем авурай.

2-Саланиквийриз 2:2

гьар са куьнин чӀалахъ жез тади къачумир, Реббидин югъ атанва лугьуз пайгъамбарвал ийидай садакайни, хьайи ванцикайни ва я гуя чна кхьенва лугьудай хьтин чарчикайни квек къалабулух акатмир.

1-ТӀиматӀеяз 6:20

ТӀиматӀей, вал ихтибарнавайди хуьх. Аллагьдикай яргъа, кьел квачир, гафарал ва чпиз чирвилер я лугьузвай тапаррикай ийизвай гьуьжетрал алахъмир.

1-Ягья 4:1

КӀанибур, гьар са руьгьдин чӀалахъ жемир, руьгьер Аллагьдин патай ятӀа-туштӀа чир хьун патал, абур синагъдай акъуда, вучиз лагьайтӀа дуьньядал гзаф тапан пайгъамбарар арадал атанва.

Ягьуд 1:12

Ахьтин инсанар куь уртах суфрадал алай лекеяр я. Квехъ галаз нез-хъвазвай абур регъуьвал течидай суьруь ваъ, чеб хуьдай чубанар я. Абур гару тухузвай, марф галачир тунгъал цифер я, гьатта зулузни бегьер тегъидай, дувулни галаз акъудна кьве гъилера кьенвай тарар я.

Ягьуд 1:3

КӀанибур, заз чи уртах хиласвиликай квез кхьиз гзаф кӀан тир. Амма садра ва эбеди яз Аллагьдин пак халкьдал ихтибарнавай иман хуьн патал квек руьгь кутун за герек яз гьисабна.