8 Иса Месигь накьни, къени, гьамишандани гьа Гьам я.
Ибрагьима Беэр-Шебада тамариск тар акӀурна ва Реббидин, Даим Аллагьдин, тӀварцӀихъ ялвар авуна.
чпин хилерал муг ийизвай къушари, шамагъаж тарар, леглегриз муг тир.
За лугьуда Реббидиз: «Вун зи далда, къеле я, зун Вичихъ агъанвай Аллагь зи».
Ада Вичин цӀакулралди кӀевда вун, Адан луварин далдадик жеда вун. Адан гьакъикъат къалхан ва жугъун я ваз.
«Зун Я, Вуж Зун ЯтӀа, – жаваб гана Аллагьди. – Исраилдин рухвайриз гьа икӀ жаваб це: „Зун куь кьилив ракъурнавайдан тӀвар ‹Зун Ава› я“».
Вичикай квез за, Силава ва ТӀиматӀея хабар гайи Аллагьдин Хва Иса Месигьда са тайин туширвални авач, гагь «эхь», гагьни «ваъ» жезвач, Ада датӀана авайди анжах «эхь» я.
Аллагьди гайи вири гафар Иса Месигьда «эхь» яз тестикь хьанва! Гьавиляй чна Гьадалди Аллагьдин гьуьрметдай «Амин» лугьузва.
Вуна абур алчударна кӀватӀда, шаршав хьиз; абур, партал хьиз, цӀийибуралди эвезда. Амма Вун гьа Вун я, эхир авач йисариз Ви».
Вири дугъри ва тамам савкьватар виняй, дегиш тежедай ва дегишвилин гьич хъенни авачир Бубадилай, цавун чирагърин Халикьдилай, къвезвайди я.
сад Аллагьдиз, чи Ребби Иса Месигьдин куьмекдалди чи Хиласкар тирдаз шукур, зурбавал, къуват ва гьукум хьурай – вахтарин эвел алукьдалдини, къенин юкъузни ва амай вири асиррани! Амин.
– Жуваз аквазвай кардикай ктабда кхьихь. А ктаб Эфес, Симуьрне, Пергам, Туьатира, Сердер, Филаделфи ва Ладикей шегьерра авай иманийрин ирид кӀватӀалдиз ракъура.
Ягьядин патай Асия вилаятда авай иманийрин ирид кӀватӀалдиз: ДатӀана авай, хьайи ва хкведай Аллагьдин ва Адан тахтунин вилик квай ирид руьгьдин ва Иса Месигьдин патай квез берекат ва саламатвал хьурай.
ДатӀана авай, хьайи, ва хкведай Ребби Аллагьди, вири дуьньядин Агъади лугьузва: «Зун Алфани Омега я».
