Чувудриз 13:5 - Пак Калам

⁵ Пул кӀан хьуникай азад хьухь, квехъ авайдал рази хьухь, вучиз лагьайтӀа Аллагьди лагьана: «За садрани гадардач вун, ви патавай хъфидач» .

Чувудриз 13:5 Iomraidhean Croise

Хьунухь 28:15

Зун вахъ галаз я: гьиниз вун фейитӀани, За вун хуьда – За вун элкъуьрна иниз, и уьлкведиз хкида. За вун гьакӀа тадач: вуч хиве кьунвайтӀа, вири кьилиз акъудда».

Хьунухь 30:31

«Де лагь кван ваз гьакъи гьикьван кӀанзаватӀа?» – жузуна Лабана. «Заз вавай кӀандай са затӀни авач, – жаваб гана Якьуба. – Зун ви лапагар идалай кьулухъни хуьз, абуруз ем гуз гьазур я – амма са шартӀуналди.

Хьунухь 31:5

ва лагьана: «Заз аквазва хьи, куь бубадин патай заз авай рафтарвал виликанди туш. Амма зи бубадин Аллагь захъ галаз я.

Забур 10:3

ЧкӀай чӀавуз бинеяр гьахъ-михьидавай вуч ийиз хьун мумкин я?

ЭхкъечӀун 2:21

Мусади и мидиянвидин патав акъвазун кьетӀна. Ада Мусадиз вичин руш Сипара пабвиле гана,

ЭхкъечӀун 20:17

Чарадан кӀвал кӀан жемир, чарадан паб, чарадан лукӀарни къаравушар, чарадан маларни ламар – чарадан са затӀни кӀан жемир».

МатӀай 6:19

И дуьньяда девлет кӀватӀмир; и дуьньяда ам гъуьчӀрени муьрхъуь тергда, угърийри атана, ви девлет чуьнуьхда.

МатӀай 6:25

ГьакӀ хьайила За квез лугьузва: вуч недатӀа ва я вуч хъвадатӀа лугьуз, жуван чан патал ва вуч алукӀдатӀа лугьуз жуван беден патал къайгъуйрик жемир. Чан тӀуьнилайни, беден пекерилайни артух тушни?

МатӀай 6:34

Гьа икӀ, пакагьан йикъан къайгъу чӀугвамир, адан къайгъуда пака хьухь. Къенин юкъуз къенин къайгъуярни бес я.

Марк 7:22

зинавилер акъатзава. Мадни ришветар, хъилер, фендигарвал, пехилвал, асивал, кьуру дамах, диливал акъатда.

ЛукӀа 3:14

Адавай аскеррини хабар кьаз хьана: – Бес чна́ вуч ийида? – Халкьдивай тарашмир, садални буьгьтен вегьимир, жуваз гайи гьакъидал рази хьухь, – жаваб гана ада.

ЛукӀа 8:14

Цацарин арайриз аватай тварар – абур гафуниз яб гудай, амма къвердавай чеб, эчӀелри хьиз, къайгъуйри, девлетрини лезетри буьркьуь авуна, цӀир гъана куьтягь тахьанмаз, Аллагьдин Гаф рикӀелай алуддайбур я. Абуру бегьерни гъидач.

Римвийриз 1:29

Абур гьар жуьредин батӀулвилив, писвилив, мискьивилив, рехнейрив, пехилвилив, масадан иви экъичиз ва къалмакъал акъудиз кӀан хьунив, тапаррив, фендигарвилив, фитнейрив ацӀанва.

1-Каринфвийриз 5:11

Амма за квез, вичиз стха лугьуз, гьакъикъатда вич явади, темягькар, бутперес ва я фитнебаз, хъвадайдахъ ва къачагъдихъ галаз тахьуникай кхьизва. Ахьтин касдихъ галаз гьич фуни немир.

1-Каринфвийриз 6:10

угърийризни, темягькарризни, хъвадайбурузни, фитнекарризни, къачагъризни Аллагьдин Пачагьлугъ ирс яз акъатдач.

2-Каринфвийриз 4:9

чи геле къекъвезва, амма чун Аллагьди гадарнавач; чун кӀевидаказ гатанва, амма чун кьенвач.

Эфесвийриз 5:3

Куь арада гьич са дуьшуьшдани явавилин ва я гьар жуьредин чиркинвилин ва я мискьивилин гьич гелни тахьун лазим я – ибур Аллагьдиз талукьбуруз кутуг тавур крар я.

Эфесвийриз 5:5

Чир хьухь: я явавал ийизвайдаз, я рехне квайдаз, я азгъундаз – им бутперес тир мисал я – Месигьдинни Аллагьдин Пачагьлугъда ирс жедач.

Киххьей къанун 31:6

Мягькемди ва уьтквемди хьухь, кичӀе жемир ва душмандин вилик ажузвал къалурмир; квехъ галаз санал Ребби, куь Аллагь, къвезва, Ада куьн тадач ва гадардач!»

Киххьей къанун 31:8

Ви вилик кваз Ребби Вич фида, Ам вахъ галаз жеда, Ада вун тадач ва гадардач. КичӀе жемир ва рикӀин ажузвал къалурмир!»

Киххьей къанун 4:31

Ребби, куь Аллагь, регьим гвайди я эхир, – регьим гвай Аллагь: Ада куьн гадардач ва терг ийидач, Ада чпин вилик кьин кьуна, куь бан-бубайрихъ галаз кутӀуннавай а икьрар рикӀелай ракъурдач.

Каласвийриз 3:5

Гьавиляй гунагькар тӀебиатдиз гьеле талукь яз жувак кумай кьван вири йикь: явавал, ахлакь тахьун, кӀеви гьевес хьунухь, абур авачир мурадар ва азгъунвал (ам бутриз икрам авунилай гъейри мад са затӀни туш).

1-ТӀиматӀеяз 3:3

хъивегьунал рикӀ алачирди, кикӀин тийидайди, амма инсанрихъ галаз рафтарвиле хъуьтуьлди, хкуькь тийидайди ва пул кӀан тийидайди хьун лазим я.

2-Петру 2:14

Абурун вилер гьашервилив ацӀанва; абур гунагьар авуна тух тежербур я. Абуру мягькем тахьанвай руьгьер алцурарзава. Абурун фикирар анжах регьятдиз гьатдай къазанжидикай я. Абур лянетдик кутунва.

2-Петру 2:3

И муаллимри, темягькарвилин гьевесар аваз, гьар жуьредин тапаррикай менфят къачуз, квелди чпиз девлетар кӀватӀда. Абурун кьилелай фадлай жаза куьрс хьанва, абурун кьиникь ксанвач.

Ягьуд 1:11

Гуж я абуруз хьанвайди! Вучиз лагьайтӀа абур Къабилан рекьяй физва ва, регьят къазанжи гьатунихъ къаних яз, абуру Билъама рекьелай алатна авур хьтин крар мад хъийизва, абур чпин гъулгъула себеб яз, Къарагьан кӀеретӀ хьиз, рекьида.