Чувудриз 13:4 - Пак Калам

⁴ Къуй вирида некягьда сад хьунухьиз гьуьрмет авурай ва чпин некягьдик квайбуруз вафа хуьрай. Аллагьди гъуьлуьз ва я папаз вафа хуьзвачир вирибурун ва явавилин тахсир квайбурун дуван аквада.

Чувудриз 13:4 Iomraidhean Croise

Хьунухь 2:21

И чӀавуз Ребби Аллагьди инсан дерин ахвариз ракъурна ва адан пакун тӀваларикай сад акъудна, ам алай чка якӀувди кӀевна.

Хьунухь 2:24

Ингье вучиз итим, бубани диде туна, папахъ галкӀана, адахъ галаз са чандиз элкъвезватӀа.

Леви 15:18

Гьа им вичихъ галаз итим къаткай ва мая авадарай папазни талукь я, – кьведни эхъуьн лазим я ва няналди чиркин яз амукьда.

Леви 18:20

Жувандан папахъ галаз къаткимир, адаз мая авадармир, адахъ галаз чиркин жемир.

1-Каринфвийриз 6:18

Гьашервиликай катиз хьухь. Инсанди ийизвай маса гунагьар вичин бедендихъ галаз алакъада авайбур туш, амма гьаяйрин явавал ийизвайда жуван бедендиз зиян гузва.

1-Каринфвийриз 6:9

Гьахъ авачирбуруз Аллагьдин Пачагьлугъ ирс яз акъат тийидайди квез чизвачни кьван? Килиг гьа, куьн алцур жедайвал тахьурай. Са явабурузни, са бутпересризни, гъуьлуьн-папан вафа чӀурзавайбурузни, чпи чпиз гъуьл-пабвалзавай итимризни папаризни,

1-Каринфвийриз 7:38

Гьа икӀ, ни вичин лишан кутунвай руш гъизватӀа, ада вич хъсандаказ тухузва, паб тегъизвайда вич гьадалайни хъсандиз тухузва.

1-Каринфвийриз 9:5

Муькуь илчийри, Реббидин стхайри ва Кифади хьиз, жувахъ галаз имандаллай жуван пабни тухудай ихтияр чаз авачни кьван?

2-Каринфвийриз 5:10

ГьикӀ лагьайтӀа чи виридан вилик Месигьдин дувандал фин акъвазнава, ва гьар садаз вичин гьунаррай, ада чилин беденда аваз авур хъсан ва пис крарай эвез гуда.

ГалатӀвийриз 5:19

Гунагькар тӀулдин крар малум я. Ибур явавал, чиркинвал, ягь тахьун,

ГалатӀвийриз 5:21

пехилвал, сархушвал, кеф чӀугун ва ибуруз ухшар амалар я. Мад гъилера за квез малумарзава: ихьтин крарал машгъулбуру Аллагьдин Пачагьлугъ ирс яз къачудач.

Эфесвийриз 5:5

Чир хьухь: я явавал ийизвайдаз, я рехне квайдаз, я азгъундаз – им бутперес тир мисал я – Месигьдинни Аллагьдин Пачагьлугъда ирс жедач.

Киххьей къанун 22:22

Итим чарадан папахъ галаз къатканваз жагъайтӀа, абур кьведни яна кьена кӀанда – гьам итим, ихьтин кардиз рехъ гайи, гьамни паб. Исраилан эвледрин арада писвал дибдай терг ая!

1-Саланиквийриз 4:6

И карда садани вичин стхадиз писвал тавурай ва ам алцурар тавурай. Ихьтин гунагьрай инсандиз Аллагьди бала гуда, и кардикай чна квез виликамаз лугьунни авунай.

1-ТӀиматӀеяз 3:12

Шемасар тир кас са папан гъуьл хьун лазим я, ада вичин аялар ва кӀвалевайбур хъсандиз идара авуна кӀанда.

1-ТӀиматӀеяз 3:2

Кьиле акъваздайди са куьнайни тахсир кутаз тежедай кас хьун, герек, са папан гъуьл жен – сабурни акьул авай, дуьзвал гвай, мугьманар кӀандай, хъсан муаллим,

1-ТӀиматӀеяз 3:4

Ада вичин хизан хъсандиз идара авун лазим я, адахъ аялар хьайитӀа, абур адан чӀалаз килигдайбур ва адаз гьуьрметдайбур хьун герек я.

1-ТӀиматӀеяз 4:3

Абуру инсанриз некягьдик экечӀун, иманийри ва гьакъикъат чидайбуру шукур ийиз тӀуьн патал Аллагьди арадал гъанвай жуьреба-жуьре тӀуьнар къадагъа ийизва.

1-ТӀиматӀеяз 5:14

Гьавиляй заз жегьил хендедаяр гъуьлуьз хъфена, абуру аялар хана, кӀвалин-йикъан къайгъуйрал алахъна ва душманриз кьулухъай чӀурукӀа рахадай багьна тагана кӀанзава,

ТӀитӀаз 1:6

Кьиле акъваздай кас айиб квачирди, са папан гъуьл хьунухь лазим я; адан аяларни иманияр хьун, явабур ва яб тагудайбур я лагьай чӀуру тӀвар алачирбур хьун лазим я.

Чувудриз 12:16

Килиг гьа, квекай садни Аллагьдикай къакъатдайвал тахьурай, са бади тӀуьнихъ вичин чӀехи стхавилин ихтиярар маса гайи Эсав хьиз, Аллагьдивай яргъа жедайвал тахьурай.

Керемат 22:15

Мердимазарарни суьгьуьрчияр, явабурни ивикъичар, бутпересарни нагьахъ крарал рикӀ алай ва тапархъан тир гьар са кас шегьердилай къеце амукьда.