Чувудриз 11:8 - Пак Калам

⁸ Вичиз гележегда ирс яз гуда лагьай чилел фин патал Аллагьди эверай Ибрагьим, вич гьиниз физватӀа чизвачиртӀани, имандалди муьтӀуьгъ хьанай ва фенай.

Чувудриз 11:8 Iomraidhean Croise

1-Петру 1:22

Жуван стхаяр-вахар рикӀин сидкьидай кӀан хьун патал, куьне куь руьгьер гьакъикъатдин чӀалаз килигуналди михьи авуна. Гьа саягъда садаз сад вири рикӀелди кӀан хьухь!

Хьунухь 22:18

Ви несилар чилел алай вири халкьар патал хийир-дуьа жеда – вун зи чӀалаз килигунай».

Хьунухь 12:7

Реббиди Ибраман вилик пайда хьана лагьана: «И чил За ви несилриз гуда!» Ибрамани анал вичин вилик атай Реббидиз къурбанган эцигна.

Римвийриз 10:16

Амма Шад Хабардиз вири муьтӀуьгъ хьанач. ГьикӀ лагьайтӀа, Яшая лугьузва: «Я Ребби, чавай ван хьайидан вуж чӀалахъ хьана?»

1-Петру 4:17

Вучиз лагьайтӀа Дувандин вахт алукьнава, дуван Аллагьдин кӀвалелай гатӀум жеда. Ам чалай гатӀум хьайитӀа, Аллагьдин Шад Хабардиз табий тахьайбурун эхир гьихьтинди жедатӀа фагьум ая.

Чувудриз 11:33

Абуру имандалди пачагьлугъар муьтӀуьгъарзавай, гьахъ-михьивал арадал хкизвай, чпиз хиве кьурди къачузвай, асланрин сивер кӀевзавай,

Римвийриз 6:17

Аллагьдиз шукур хьурай, куьн гунагьдин лукӀар тир, амма гила куьне квев агакьай тербетдин рехъ кьун рикӀин сидкьидай къетӀ авунва.

Киххьей къанун 9:5

Куьне куьн гьахъ гвайбур ва дуьзбур тирвиляй атана и уьлкве къачудайди туш. Реббиди, куь Аллагьди, квез и чилер и халкьар батӀул тирвиляй, ва Ада куь бан-бубаяр тир Ибрагьимаз, Исакьаз ва Якьубаз кьур кьин кьилиз акъудун яз гузва.

Хьунухь 26:3

Гьана куьчери яз ацукь, Зунни вахъ галаз жеда ва ваз хийир-дуьа ийида. За ви буба Ибрагьимаз гайи кьин кьилиз акъудда: вири и чилер ваз ва ви несилриз гуда.

Хьунухь 17:8

За вазни ви несилриз вун масанай атана ацукьнавайди тир вири и Къенандин чил гуда. За ам ви несилриз эбеди сагьибвал авун патал гуда ва абурун Аллагь жеда».

Хьунухь 15:5

Реббиди Ибрам алачухдикай къецел акъудна ва адаз лагьана: «Килиг кван цавуз, гьисаб ая гъетер: вавай абур вири гьисабиз жедани?» «Ви несилни, – лагьана Реббиди, – кьадардиз гьа икьванди жеда!»

1-Петру 3:1

Папар, куьнни куь гъуьлерин чӀалал алаз хьухь. Итимрикай са бязибур Аллагьдин Гафуниз табий тахьайтӀа, куьн чӀалаз килигзавайвал ва куь михьи уьмуьр акваз, чпин папарин ахлакьдалди абур гаф галачизни Аллагьдиз муьтӀуьгъ жедайвал ая.

Чувудриз 5:9

Тамамдиз гьазур хьайила, Адакай Вичин чӀалаз килигзавайбур патал эбеди хиласвилин чешме хьана.

2-Каринфвийриз 10:5

ва Аллагь кьатӀуниз акси яз лавгъавилелди эцигзавай вири манийвилерин кӀан цавалзава. Гьар са фикир Месигьдин чӀалаз килигуниз муьтӀуьгъ хьун патал, чна а фикирар есирда кьазва.

Римвийриз 1:5

Вири халкьарикай тир инсанар, абурухъ галаз санал Иса Месигьди эвернавай куьнни имандиз Адан ТӀварцӀин гьуьрметдай муьтӀуьгъун патал, Аллагьдин Хцин куьмекдалди чав берекат ва илчивал агакьна.

Хьунухь 11:31

Терагь Халдейда авай Ур шегьер туна, вичин хва Ибрам, хтул Лут, Гьаранан хва, ва Ибраман паб Сарайни галаз Къенандин чилер галайвал рекье гьатна. Абур Харандив кьван агакьна ва гьана уьмуьр тухуз акъвазна;

Хьунухь 12:5

Вичихъ галаз ада паб Сарай, стхадин хва Лут, чпи гъилиз гъайи вири мал-девлет ва чпихъ Харанда авай кьван вири лукӀар тухвана ва абурни галаз санал Къенандиз фена. Абур Къенандиз атана

Хьунухь 20:13

Аллагьди заз бубадин кӀвал туна экъечӀун эмир гайила, зани адаз лагьана: „Мергьемет ая, чун гьиниз фейитӀани, закай лагь хьи, зун ви стха я“».

Кьурумда 10:30

«Ваъ, зун фидач. Зун жуван чилел мукьва-кьилийрин патав хъфида».

МатӀай 2:21

Ада, къарагъна, Аялни Адан диде къахчуна, абур Исраилдин чилел хтана.