Чувудриз 10:5 - Пак Калам

⁵ Гьавиляй, и дуьньядиз гьахьдайла, Месигьди лагьана: «КӀан хьанач Ваз я къурбандар, я савкьватар, амма Вуна Зун паталди гьазурна беден.

Чувудриз 10:5 Iomraidhean Croise

Хьунухь 3:15

Вунни паб за душманар ийизва, куь балаярни сад садаз душманар я: адан хци ви кьил яна хада, вунани адан дабан кӀасда».

МатӀай 11:3

– Атана кӀанзавай Месигь Вун яни, я тахьайтӀа чна масад вилив хуьдани? – хабар кьуна абуру Исадивай.

ЛукӀа 1:35

– Вун Пак Руьгьдин эсердик кваз жеда, – жаваб гана малаикди. – Вун Виридалай Виниздан къудратдик акатда. ГьакӀ хьайила, вуна хадай пак Аялдиз Аллагьдин Хва лугьуда.

ЛукӀа 7:19

Ягьяди вичин тилмизрикай кьведаз эверна, абур Исадивай: «Атана кӀанзавай Месигь Вун яни, я тахьайтӀа чна масад вилив хуьдани?» – лагьана хабар кьаз ракъурна.

Ягья 1:14

Гаф инсандиз элкъвена, ада чахъ галаз санал уьмуьр тухвана. Ам берекатдив ва гьакъикъатдив ацӀанвай, Ам Бубадихъ авай са Хва тир, Адал Бубадал алай хьтин баркалла алай, чазни Адал алай баркалла акуна.

ГалатӀвийриз 4:4

Амма, тайин авунвай вахт атана агакьайла, Аллагьди папа ханвай, Къанундиз муьтӀуьгъ тир Вичин Хва ракъурна,

1-ТӀиматӀеяз 3:16

Чи имандин сир, са шакни алачиз, чӀехиди я: Ам инсан яз атанай, Руьгьди Ам гьахъ-михьивилиз акъуднай, Ам акунай малаикриз, Адакай хабарнай халкьарин арада, Ам дуьньяда кьабулна иман яз, Ам хкаж хъувунай баркалла алаз.

Чувудриз 1:6

Вичин Сифтегьанди дуьньядиз ракъурзавайла, Аллагьди мадни лугьузва: «Аллагьдин вири малаикри къуй Адаз икрам авурай» .

Чувудриз 10:10

Иса Месигьди Аллагьдин къаст кьилиз акъудайвиляй чун Адан Беден къурбанд авуналди садра ва эбеди яз пак авунва.

Чувудриз 10:7

Гьа чӀавуз За лагьана: „Ингье, Зун къвезва, къаргъуда Закай кхьенвайвал, Ви къаст кьилиз акъудун патал, я Аллагь!“»

Чувудриз 10:8

Гьа икӀ, Ада винидихъ лагьана: «КӀан хьанач Ваз я къурбандар, я савкьватар, я кунугар, я гунагьдай къурбандарни, абуру вун шад ийизвач». Вири ибур Къанунди кӀевелай тӀалабзавайвилизни килиг тавуна Ада икӀ лагьана.

Чувудриз 2:14

Аялар якӀукайни ивидикай хьун себеб яз, Адазни гьахьтин беден хьана, гъиле ажалдин винел гьукум авайди, яни иблис, Ада Вичин ажалдалди къуватдай вегьидайвал авуна,

Чувудриз 5:7

Чилел тухвай Вичин уьмуьрдин вахтунда Исади Вич ажалдикай хилас ийиз жедай Аллагьдиз кӀевидаказ, сузадалди ва накъвар авахьиз дуьа авунай. Аллагьдиз ийизвай чӀехи гьуьрметдай Адан ван агакьнай.

Чувудриз 8:3

Гьар са кьилин хахамди садакьаяр ва къурбандар гъун абуруз тайинарнавай кар я, гьавиляй чи Кьилин хахамдихъни къурбанд ийиз жедай хьтин са вуч ятӀани хьун лазим тир.

1-Петру 2:24

Ада Вичин Беденда аваз чи гунагьар хашунал хкажна, чун гунагь патал кьенвайбур ва гьахъ-михьивал патал чан алайбур я лагьана. Адан хирералди куьн дири хъувуна.

2-Ягья 1:7

Иса Месигь инсандин бедендаваз атанвайди кьабул тийизвай гьиллебазар дуьньядал гзаф пайда хьанва.