Чувудриз 10:10 - Пак Калам

¹⁰ Иса Месигьди Аллагьдин къаст кьилиз акъудайвиляй чун Адан Беден къурбанд авуналди садра ва эбеди яз пак авунва.

Чувудриз 10:10 Iomraidhean Croise

Ягья 17:19

За Жув гьабурун паталай пак къурбанд хьиз гузва, гьабурни гьакъикъатдив пак хьурай.

Ягья 19:34

Амма абурун арадай са аскерди Исадин пакун тӀваларин арадиз жида сухна, анай гьасятда ивини яд авахьна.

Ягья 6:51

Зун цаварилай атанвай уьмуьр гудай фу я; и фу незвай кас эбеди яз жеда. За гузвай фу Зи Беден я. Ам За инсанар чан алаз хьун патал гуда.

1-Каринфвийриз 1:30

Аллагьди лагьайтӀа, куьн чун паталди Аллагьдин камал, гьахъ-михьивал, гунагьрикай михьи хьунухь ва гъил къахчунин себебкар хьанвай Иса Месигьдихъ галкӀурна.

1-Каринфвийриз 6:11

Квекай, лагьайтӀа, са бязибур анжах гьа гьахьтинбур тир, амма куьн Ребби Иса Месигьдин ТӀварцӀелди ва чи Аллагьдин Руьгьдалди чуьхвена михьнай, пак ва гьахъ авунай.

Эфесвийриз 5:2

Месигьдиз чун кӀан хьайивал ва Вичи Вич чи паталай Аллагьдиз савкьват ва къурбанд яз, хуш атир яз гайивал, куьне муьгьуьббатда аваз уьмуьр твах.

Чувудриз 10:12

И Кьилин хахамди, лагьайтӀа, гунагьрай тек са къурбанд авуна ва Ам эбеди яз Аллагьдин эрчӀи гъилихъай ацукьна.

Чувудриз 10:14

Пак ийизвайбур Ада са къурбанддалди даим яз тамамвилив агакьарна.

Чувудриз 10:20

Ада чаз пердедай фидай цӀийи ва уьмуьр гудай рехъ ахъайна. И кар Ада Вичин Беден къурбанд гуналди авуна.

Чувудриз 10:29

АкӀ хьайила, куь фикирдалди, Аллагьдин Хциз кӀур гузвайди, вич Икьрардин Ивиди пак авунатӀани, а иви са квяйни такьазвайди ва берекатдин Руьгь русвагьзавайди гьикьван кӀеви жазадиз лайих я?

Чувудриз 10:5

Гьавиляй, и дуьньядиз гьахьдайла, Месигьди лагьана: «КӀан хьанач Ваз я къурбандар, я савкьватар, амма Вуна Зун паталди гьазурна беден.

Чувудриз 13:12

Гьавиляй Исадини, Ада Вичин Ивидалди халкь пак авун патал, шегьердин варарилай къеце азабар чӀугунай.

Чувудриз 2:11

Пак Ийизвайдини, ва Адалди пак жезвайбурни – вири са Бубадин аялар я, ва гьавиляй Исадиз абуруз стхаяр-вахар лугьуз регъуь туш.

Чувудриз 2:14

Аялар якӀукайни ивидикай хьун себеб яз, Адазни гьахьтин беден хьана, гъиле ажалдин винел гьукум авайди, яни иблис, Ада Вичин ажалдалди къуватдай вегьидайвал авуна,

Чувудриз 5:7

Чилел тухвай Вичин уьмуьрдин вахтунда Исади Вич ажалдикай хилас ийиз жедай Аллагьдиз кӀевидаказ, сузадалди ва накъвар авахьиз дуьа авунай. Аллагьдиз ийизвай чӀехи гьуьрметдай Адан ван агакьнай.

Чувудриз 7:27

Маса кьилин хахамри сифтени-сифте чпин ва анжах ахпа халкьдин гунагьрай къурбандар ийизвайвал, Ада гьар юкъуз къурбандар авунин лазимвал авач. Ада икӀ садра ва эбеди яз, Вичи Вич къурбанд ийидайла, авуна.

Чувудриз 9:12

Ам аниз кьунаринни данайрин иви гваз ваъ, Ам Паквилерин Пак чкадиз Вичин Иви гваз, инсанар патал эбеди яз эвезар хгунин мумкинвал къачуз садра ва эбеди яз гьахьна.

Чувудриз 9:14

Вичи Вич эбеди Руьгьдин къуватда аваз Аллагьдиз са рехнени квачир къурбанд авур Месигьдин Ивиди кьиникьихъ тухузвай крари леке гъанвай чи виждан генани гзаф михьи ийида! Адан Ивиди чаз чан алай Аллагьдиз къуллугъ ийидай мумкинвал гуда!

Чувудриз 9:26

ИкӀ туширтӀа, Ада дуьнья халкь хьайидалай инихъ эгечӀна гзаф гъилера азабар чӀугун лазим жедай. Амма Ам исятда, эхиримжи вахтара, са гъилера пайда хьана, садра ва эбеди яз гунагь терг авун патал, Ада Вичи Вич къурбанд авуна.

Чувудриз 9:28

Месигьни, гзаф инсанрин гунагьрилай гъил къахчун патал, садра къурбанд авунай, ва Ам кьвед лагьай гъилера Вичел гунагь къачун патал ваъ, Вич атунал вил алаз акъвазнавайбур хиласун патал къведа.

1-Петру 2:24

Ада Вичин Беденда аваз чи гунагьар хашунал хкажна, чун гунагь патал кьенвайбур ва гьахъ-михьивал патал чан алайбур я лагьана. Адан хирералди куьн дири хъувуна.

1-Петру 3:18

ГьикӀ лагьайтӀа, куьн Аллагьдин патав гъун патал, гьахъ-михьи тир Месигьдини, гьахъ-михьи туширбурун паталай, гунагьрай са гъилера азаб чӀугунай. Адан Беден кьиникьик кутунай, амма Адан Руьгьдал чан хканай.

1-Ягья 5:6

Иса Месигь цихъ ва ивидихъ галаз санал атана. Ам тек са цихъ галаз ваъ, цихъни ивидихъ галаз санал атана. И кардин шагьидвалзавайди Руьгь я, вучиз лагьайтӀа, Руьгь гьакъикъат я.