Yunus 4:2 - Alkitab bahasa Luang

² Noma nsumbain pa nakot la ORGAHI-ORHA'A niwra: “Orgahi-Orha'u ne! La' lerni la a'g edon liergot ma'ta la' a noh'u, de agatg oleka wa de hota Omhi' mak emkade. La' hade pede pleta-plet pa a'uwlar pia liawa la' Tarsis wa! Agatga de O' de Uplerlawna maka ksayni onni O'a. Omhur niohora plalahwa rira do'oni-halla la O'a, me Omherun doinia hya' maka Omueti olek la wa pa edonna Mukmua owa'an ira, onnila Omtiutga ralam kalwiedmu la'a riy honona.

Yunus 4:2 Iomraidhean Croise

Nhiara 103:8

Itmatromlawanni Makdenrer die, ed maka ktulla-ksayni. E' de edonna Nwahla pletleta rira do'oni-halli. Mere sniayanni liawanni memna yoma sniayni onni E'a.

Nhiara 145:8

Itmatromlawanni Makdenrer die ed maka nhi'inde Ntutga ralam kalwiedni me tniulanni-sniayanni la rimormiori. Edonna Nwahla pleta-pleta rira do'oni-halli yoma sniayni onni E'a.

Nhiara 78:38

Mere Uplerlawna Nsayn reria re, ne edonna Nwahla do'oni-halli re mere Nala rpa rmou-rwitna. Edonna Nwunu-nwen ira. Mere Natahan rer nieka hankeranni-ralmha'arni, pa edonna Nalgot yawenanni la ira.

Nhiara 86:15

Mere onnila O' de Orgahi-Orha'a Uplerlawna-Mempulwatnu mak kmori-kdar lia tniulla-sniayanni, pede O Mdien rer lia ralma-rior mak edonna plet pa kwahla rira yatni-halli, yoma la'a O kalwiedmu maka penpuenu-tetem de nodia pa nodi liarni.

Nhiara 86:5

Samomuounu ed rer lia O'a, Matroma pede O nhiolmu de sukmu Mumou-muwitna do'a-hal mamni. La'pa he' ed maka ksumbain la O'a, de Omtiutga sniayanmu mak kodi liarni la' ira.

Nhiara 90:13

Matrome! Hota O yawenanmu de edon nhor lia tuwu? Matroma, Muwal pia ma Mtiulla-msyaini rimormiormu ri owa'ana. O' de Makdenreri O'a.

Yunus 1:3

Mere Yunus nahmena nlernohora pede nawlar targho'ola pa nokria Tarsis totpena olieta la ORGAHI-ORHA'A. La' noma enlola leta Yopa. La' hande nlernana kapli id niwra nwair watnu pa nokria Tarsis. Noma nleretniekla npair doinia kapli siewni pa nlernohora a'na kapli pa rokria Tarsis totpena olieta la ORGAHI-ORHA'A.

Yunus 3:10

Uplerlawna Nlin reri-nmat reria hya' maka ha rhi'a re. E orgahani Namkeka de honona rolin doini oleka nhiolli-lietni mak khala re olekwa. Dewade E orgahani Nherun doinia hya' maka E Neti oleka wa, me edonna Nukmua re.

Yunus 3:9

Twakwak de Uplerlawna pen neka Nhuria ralamni pa edonna Nwahla it do'oni-halli. Twakwak de Enherun doin hya' mak E Neti olekwa totpena yana tler la yatyatni-halalli yatlorni-yatra'ani!”

Luk. 10:29

Mere tungkur agam de niwra ntot pa riy rwaror de, riy samomuou id e'a. Pede natiana Yesus niwra: “Hota rimormior he' ed maka atiulla-siaynia?”