Yunus 2:9 - Alkitab bahasa Luang

⁹ Mere a' di de hota agal hoihoi-tantiani la' O'a de awuatunu-wuahniar pa ga'uli-uwed re'ru. Ne la'a hya' maka a'g wuettar tiy O'a de hota gala. ORGAHI-ORHA'A, plollolli de O' inhatta ed maka kamori-kalewn rimormiori.”

Yunus 2:9 Iomraidhean Croise

Puka Pianullu 35:3

Mai pia tla'awa Betel, totpa la'pa aghi'a katri'ana la Uplerlawna maka katlin la a wakwa'ku la'a lera alier la klieratni onnila a'uwlar lia hya'lu Esau. Alia'a la meni-meni de, Uplerlawna Nor a' tialla.”

Nhiara 107:22

Riy mak kler la hare honona re mmiai pia miodi nhiurliwtu-wnialodaw la Itmatromlawanni roma kreini totpa mi'uli-miwedia E'a onnila hya' ed maka ha Nhi' nana, ne totpena mpiahniar pa mihepur nohora E hihi'ini-yapyapni la'a miy rerieini.

Nhiara 27:1

Daud wniatunnu-wniahniarni: Matroma! O' de Makdenreri O'a! O' ed mak kahita-karepra me mak kamori-kalewn a'u. A'g edonna umta'at la hadomdom eti yoma O' ed mak khi' wat lutru yaro'wa geni mai a mormio'ru (benteng), pede a'g edonna diwra-dia'al taru.

Nhiara 3:8

Mriuwun reri a'u Matromlawnu ne! Uplerlawnu ne! Mukmua re me Muala re pa wrika-wriai la genni.

Nhiara 50:14

Mere la' hya' ed maka Awuahaka de, totpena mi'uli-miwedi A'u, onnila Agal olek la miy wia. Hade emeknekama nhioi-tniani maka miala mai A'u. Me Awuak pa mhioratreria hya' mak ha mikottaru la'a A'u Makden la Tutullu-Lolo'oni, pa hota mhi' nana re.

Nhiara 50:23

La'pa riy mak ka'uli-kawedi A'u onnila hya' maka Agal olek la e'a, hade emekwalima hoihoi-tantiani maka enala mai A'u, riy' de ed maka khu'ru-khelam la mai A'u. Ne he' to' mak klernohora talan mak kaplola de hota A'umori-ulewn e'a.

Nhiara 68:20

Ta'uli-tawedia Itmatromlawanni, Makdenrer die, yoma E' de Uplerlawna mak kamori-kalewna inhatte, me lelera-melmela Entulan la ita yoma E 'ed maka ktutulu-klelewua hya' ed mak khi' awert ita. It Uplerlawanni de E' nekpa Orgahi-Orha'a inhatta maka kamori-kalewna it la'a matmiati-molmuolu ralamni.

Nhiara 95:2

Mmiai pia tala kieha-nhiara ta twatroma-tahneiya, pa ta'uli-tawedi E'a yoma hya' maka Nhi' nan oleka la mai ita.

Yoh. 4:22

Riy Samaria miy die mpiolu-mpiak la'a Uplerlawna maka miplin niohora onni-ga'arni (talanni). Mere riy Yahudi am die ampolu-mpak la Uplerlawna mak ami e mat niohora yala'ani, yoma hota mori-lewan de ha nwatiawua riy Yahudi ami.

Kisah 4:12

La'pa he'a maka klernohora Yesus, de talla kmeh'a inhatta pa tler la mormiori-dardiar plalahwa ralamni. Yoma la'a noheri woru-lyanti nayan di, eneknek to'a Yesus Nmeh'a maka Uplerlawna Ntutmuata-nkewra'a pa Namori-nalewna rimormiori ita.”

Roma 12:1

Ina-nara ama-hyali, la'a Uplerlawna kalwiedni mai ita pede awuak de, totpena miala inonmi la Uplerlawna, de mhi' inonmi de pa emeknekama hoihoi-tantiani, mak kmormiori, maka miala la Uplerlawna gahani, me mak kodia ralam kalwieda la E'a. Maka a'ukot di kniola tieru-niawur nehla yala'ani mak plollolli memna la Uplerlawna de.

Ibrani 13:15

Onnila Yesus Nla' makpolu-makwak la Uplerlawna la it rerieini, pede itlernan talan pa ta'uli-tawedi Uplerlawna. Pede mai pia ita'uli-tawed rer mamainia Uplerlawna kotni-nanni. Yoma ta'uli-tawedi Uplerlawna de emeknekama itsoi-ttania prehena-mau la Uplerlawna, emeka riy mak kwayow nohora E'a emeknekama ir Uplerlawanni.

Why. 7:10

Rhaun wah'a noha pa riwra: “It mormiori-lewlewanni di, ha nwatiawua Uplerlawna-Mempulwatnu it Orgahi-Orha'ani mak kamtatan la liwangen tiutul die hananni me la' walia Dum A'na de.”