Yunus 1:9 - Alkitab bahasa Luang

⁹ Noma Yunus nwalolla niwra: “A' di de riy Ibrani miaka kola tieru-kawur nehla la ORGAHI-ORHA'A de Uplerlawna makdella Ilyamou-Watyatoha. E' ed mak kakoki-kayap niana gera-tahi' la'pa nohkerna-rai miaran di honona.”

Yunus 1:9 Iomraidhean Croise

Puka Pianullu 1:10

Noma Nala kerkeranni de pa nwawa nohkerna ne ger mak kawoka re nwawa lora. Namkek de honona re samoga.

Puka Pianullu 14:13

Mere Abrama, makdena Ibran die, nkeni oleka hoiwiali la ora-au liawna onni maka Mamre, makdena Amori gahani. Mamre di nora hyalli Eskol me Anera, de Abram nor ira rodia ihru ida-ralm ida. Noka mak kawlar pia nlewan la arralma nmai pia nwahauru hadella Abram niwra: “Abram ee! Rodi wlari oleka Lot wa.”

Puka Pianullu 24:7

Uplerlawna mak kodi plolli la lyanti, mak kpolg a lia a'mu romni me lu'wu-a'nu letni, maka Nlokar pa Nala nnio'oni mai a'u Niwra pena Nal noh dilla a durtu-waitu. Uplerlawan di hota ed maka khopna hopopanni-li'irnu nala' ul lia o'a totpa mua' nana patke'a id la la' hande pa mumehlima la a'nu.

Puka Pianullu 39:14

dewade npolga hopopna-li'iru honona la rom de pa nakot la re: “Mimkek la, Potifara nla nodia makdena Ibrani mniotni di totpa nahe'i-namal ita. Riy di nwakriani a'u totpa amro'a mdudu-mnei, mere aghaunu matmiati.

Nhiara 136:26

Mmiai pia ta'uli-tawedi tlilili-tmamuau Uplerlawna-Mempulwatnu makdella tutullu-lolo'oni. La E' nanpena tniulanni-sniayanni nkokar la lyanti tutullu me nwahipin la nohmarna ga'arni de. La hadom mana edonna nodi' et lia kalwiedni de ha lolola!!

Dan. 2:44

Noma tuna orgahani namkek memna la' mi'imu, de wat tpo' lawan id maka riy limni enni atia'a me?! Wat tpo' lawan de nwatiawu wo'ora pa nwaklolierun na'nama nwunga lola atiehra de, de nutni amkoha-amnanin wutga la mnotna, pi'ra tnieri, tan miera, maha wawahra, nora maha ihi maka ha nawniah'a pa rhi'a la atiehra de. Watpo' lawan de nnia'eratni de, Uplerlawna makdella Ilyamou-Watyatoha hota Nariria lodna-hairi id owa'ana mak hota nayarir pia nodi liarni. La' lodna-hairi id mana edonna lola lokarni. Lodna-hair de hota ed maka kwakoha-kwanannia lodna-hairi re honona pede nawniau kdededa pa nodi liarni. Tuna, Uplerlawna Mak kodi plolli ed maka ktutu-kte'a harella la'a tuna, yoma hota la lera ida, de ramkek memna de! La' mi' de plol toto'a pa emkade, ne a yakwie'etu mana plola mdududga la geni.”

Kisah 14:15

“Hoi, nihya'pa miy mhi' ha rina?! Am di de rimormior ami, it rewre'wa pa tamneneha. Ammai handi, de amodia Kota Kalwieda-Paitiot tiy miy, totpena mhioitio'or doini-mtiahnei dioinia la mhioi-mtiania uplera mak edon kaplola, ne mai pia mliernohora Uplerlawna mak kden pa nodi liarni. Yoma E' de maka Na'ohi-na'ara nohkerna-lyanit marna, la'pa gera-tah'i nor wutga mniotni.

Kisah 27:23

Yoma orawia umkek nana Uplerlawna mak akola tieru-gawur nehla de, me mak aghi' hopopan la de, hopopanni-lili'irnu nma nakot mai a'u.

Pilipi 3:5

A i'nu ntor a lia noha wawannu pa a le'ru wo'awa dewade rsunta a wua. A' di Israel (Yakopa) upni-a'nani. Benyamina Ibrani mniotni rarni e nakpalpala a rernu. A' di Ibrani molanni a'u. Rakot nohor la nhiu'ru-nhielma la' agama deullu-tatarni la Yahudi, de a'g ed maka kler la Parisi mutnu temanni.

Why. 11:13

La' ler de meman pa noha nruru-rai nwo'la. La nhiakra id la termid ralamni (sepersepuluh) la let de, de namkoha-namnanna. Ne riy riwnu wo'itu rler la matmiati yoma la' noha nruru-rai nwo'la de. Riy korni ramta'at momuou pa riwa: “Ine! Orgahi-Orha'a O'a, Uplerlawna-Mempulwatnu mak kdella Ilwo'itu-Darwionema O'a. O' ed maka ha ra'uli-rawedi rhu'ru-rhelma pa nodi liarni.”

Why. 15:4

Hota he' wal pia edonna namta'at O'a, Orgahi-Orha'u ne? Me hota he' wal pia edonna nakot nohora O tutulmu-lolo'omu Matromlawnu ne? Ntut tiar lia O muemeh'a nanpa Mmuou-mpitna. Rimormior nohkerna honona hota rma rkolla O lakmu, yoma iramkek nana hihi'imu-yapyapmu makden la plol wawannu.”

Why. 16:11

Dewade honona re rlokra-rhautia Uplerlawna la Ilyamou-Watyatoha yoma la'a wihila-wa'ala re mehrani-maunu la' temni. La emkade ho'mana riy id mana edonna nhoitio'or doini-ntahnei dioinia hihi'ini-yapyapni.