Yoh. 2:4 - Alkitab bahasa Luang

⁴ Noma Yesus Nakot la Niwra: “Yan mukot mai a'u, ina. Edonna nte' ma'ta la Uplerlawna lerni pa Agharia ino'nu.”

Yoh. 2:4 Iomraidhean Croise

Mat. 15:28

Noma Yesus Nakot la patke' de Niwra: “Ina, o pesiaymu e naruri. Emkade nek la'a hya' ed maka o ralammu nwaka.” Mtatande nekpa patke' de a'nani nkalwied wa.

Mat. 8:29

rpolpuolu-rhawaunia pa riwra: “Oi, Uplerlawna A'nani nee! Hota Omhi' nan ami emkameni ee! Yanhi'pa Omiwra Mukmua ami, mere lerni edonna ntutu-nte' ma'ta pa Uplerlawna Nhudi-npar ami.”

Luk. 2:49

Noma Yesus Nakot la Niwra: “Ina, nihya'pa omuora a'mu mihak A'u la meni-meni? Miy e miplinga de hota A'g etla A A'mu romni nayanni?!”

Yoh. 12:23

Dewade Yesus Nakot la rrora Niwra: “Nte' olek la lerni pa Uplerlawna Nran Rimormiori A'nani A lia heyanna totpena rimormiori ramkek memn A'u me ra'uli-rawedi A'u.

Yoh. 13:1

La'pa lerlalawna Paska nwakrian wia, de Yesus e Nat niohora de nte' olek la lerni-melli pa Nwaran la nohkeran diwa totpena Nawal lia E Amni. Yesus ed mak khi' kalwiedwed la riy mak E mutnu-rahanu la noha wawannu, me dodo'ondi lerni ntutu-nte' olek di pa Entutga E ralam kalwiedni mak karehi-kalawan de la' ira yoma hota Nmat lia ir rerieini.

Yoh. 2:3

La'pa anggur turnu maka ha remnia la he'i-hepur de nhorwua, noma Yesus inni nakot la niwra: “Yesus! Hare anggur turnu nhorwua.”

Yoh. 20:13

Noma hopopna re ratiana riwra: “Hya'a nariei pia omkakru ine?” Noma Maria nakot la niwra: “Ra' oleka a Matro'mu inonni, pede a'g e uhaka.”

Yoh. 20:15

Noma Yesus Natiana Niwra: “Nihya'pa omkakru ine? Ne omuhaka he'a?” Mere Maria nhoi hade la ora nhyi' de pede nakot la: “Ame, yanpa o' e mpuatitnia Ha genni mai handi, de mtiulan pa mukot mai a'u totpena a lia gala.”

Yoh. 7:30

Yesus Nakot emkade de riy rwaror pa riwra rtorna wa mere riy id mana edonna nte'la la E'a. Yoma edonna nte' ma'ta la lerni maka Uplerlawna Nutga olekwa.

Yoh. 7:6

Pede Yesus Nakot la re: “Hyal miy re, edon nte' ma'ta lera-mela maka Uplerlawna Ntutga pa hota Alia'a. Mere la' pa miy die, mlia'a la lera-mela hya' to'a.

Yoh. 7:8

Mere la'pa miy die, de hota mlia' pa mior wut lia riy pa mihe'i-mihepru. Mere mai A' die, A'g edonna lia' ma'ta, yoma lera-mela maka Uplerlawna Ntutga mai A'u, edon nte' ma'ta.”

Yoh. 8:20

Yesus Nwatut niohora hare honona de la'a kah kupan genni onni la'a Uplerlawna roma kreini. Mere la' riy id mana edonna ntorna Yesus yoma edonna nte' ma'ta la lerni-melli.

2Kor. 5:16

La' hade pede ami edonna mnairi rimormior wniarorni pa amparor nohora rimormiori mormiorni. Ululu amnair hade pede amparor nohora Yesus Kristus de mere dodo'ondi de edon olekwa.