Yoh. 1:5 - Alkitab bahasa Luang

⁵ E' de rwet walia la'a Lelerni de. Yoma E' ed mak khi'a repreparni la melmelli-kalkalamni ralamni, ne melmel de edonna nwarehi nana pa nkaduw nana Lelerni de.

Yoh. 1:5 Iomraidhean Croise

Rano'a 1:22

Nhar lirni pa niwra: “Hei! Miy miak kakleha ma'ta wniarora-wnialai kirkira-ralma rior samomuou, hota miy emkade nekpa nodi liarni?! Mak kahe'i-kamali lira-yatu miy re! Hota mowen nianpena mhiopliala nhiolmi-lietmi mak edon kaplola rena? Hoi, mak kpodku-kpadku miy re! Hota ler wo'ir owa'ana nhiolmi-lietmi emkade mamaini?!

Mat. 5:15

It edonna tatlin etia de riy rtutni wa'du nanpena rala ktopra ra rkadwua pitpitga. Mere nhi'inde rkenia wa'du della wniatatgenni totpena lelera la riy honona mak kden la roma nayanni.

Yoh. 1:10

Enmai die pa ed olek la noha wawannu. Uplerlawna Na'ohi-na'ara nohkeran di de Nor wutga E'a mere emkade ho'mana nohkeran di edon rwayow nohora E'a.

Kisah 26:18

pa mpuer matni me mhu'ula tlinni re, totpena rhargot la melmelli pa rler la lelerni, yoma hegana amlawanni edon nodi plolli owa'an la ira, mere rler la Uplerlawna limni ralamni. La'pa rpesiay A'u totpena A'umou-uwitna do'a-hal maka ir rhi' oleka re, ne hota hare rwal lia Uplerlawna limni-rorni maka Ha Nwalir niana.””

Roma 1:28

Ne la' wali de, rimormiori re edonna rhe'du nana Uplerlawna pede Uplerlawna Nhur dioinia ir la kirkirni-ralma-riorni yatyatni-halalli mak kakdeha-kaktiahli pa reiniande ir edon rhi'a-ryapia plollolli. La'a plolli de yana ir rhi' emkade.

1Kor. 2:14

Mere riy maka kakleha Uplerlawna Nhiwni, de riy de edonna nreiniana Uplerlawna Nhiwni de Ha Nakotkota. Yoma ta'enniana nna'erit nana pede nwarora lir de hamamuamua re, yoma riy maka Uplerlawna Nhiwni Nodi plolli la nanpena rna'erit nana lira-tunu re.