Why. 7:10 - Alkitab bahasa Luang

¹⁰ Rhaun wah'a noha pa riwra: “It mormiori-lewlewanni di, ha nwatiawua Uplerlawna-Mempulwatnu it Orgahi-Orha'ani mak kamtatan la liwangen tiutul die hananni me la' walia Dum A'na de.”

Why. 7:10 Iomraidhean Croise

Nhiara 115:1

Matromlawnu ne! La' O' nanpena ed maka ha ra'uli-rawedia yoma hya' to' maka Omukottaru oleka de, Omhi' nana. O' edon Mhuoratdoinia rimormiormu mere Msiayn reria re pa nodi liarni. La' am di de, riy hadamonan la mak emek O'a.

Nhiara 3:8

Mriuwun reri a'u Matromlawnu ne! Uplerlawnu ne! Mukmua re me Muala re pa wrika-wriai la genni.

Nhiara 37:39

Mere Itmatromlawanni Makdenrer die, Namori-nalewna riy mak kden la plol wawannu me la'pa rler la kropna-krieutu de E Nmai pia Nhi' nohora re.

Yunus 2:9

Mere a' di de hota agal hoihoi-tantiani la' O'a de awuatunu-wuahniar pa ga'uli-uwed re'ru. Ne la'a hya' maka a'g wuettar tiy O'a de hota gala. ORGAHI-ORHA'A, plollolli de O' inhatta ed maka kamori-kalewn rimormiori.”

Luk. 3:6

Totpena rimormior nio' nohkerna wawannu honona ramkek memna, la emkameni Uplerlawna Namori-nalewna rimormior la noha wawannu.””

Yoh. 1:29

La'pa repar dewade Yohansi namkek de Yesus Nmai wia, noma Yohansi nakot la niwra: “Mimkek ee! Uplerlawna Dum A'nani mak kuhi-kho'ora rimormiori do'oni-halli Nmai olek dee!

Yoh. 1:36

Noma Yohansi namkek nana Yesus nwehweti dewade nakot la re niwra: “Mimkeka Uplerlawna Dum A'nani inhatta!”

Yoh. 4:22

Riy Samaria miy die mpiolu-mpiak la'a Uplerlawna maka miplin niohora onni-ga'arni (talanni). Mere riy Yahudi am die ampolu-mpak la Uplerlawna mak ami e mat niohora yala'ani, yoma hota mori-lewan de ha nwatiawua riy Yahudi ami.

Epsus 2:8

La'a Uplerlawna ralam kalwiedni pede E Nalewan miy onnila miy pesiaymi la Yesus. Ne miy lewlewanmi de edon riwra yoma la'a riy ruri-lai wamueheni, mere hade nwatiawua Uplerlawna sniayanni

Why. 12:10

Rnaklia la pliorni dewade utlin de lira prakrahka ida nwatiawua Ilyamou-Watyatoha pa niwra: “Lera inhatti pa Uplerlawna Nalewna rimormiorni. Dodo'ondi Uplerlawna Ntutga lodanni-hairni. La'pa dodo'ondi de Ray maka Uplerlawna Nano'targa pa Namori-nalewna rimormiori de Ntutga plolli-mneheni. Yoma hegana amlawanni mak kwaghala riy makpesiay la Uplerlawna gaini ralamni la' lelera-melmela re, ema rho'or dodioini oleka la Ilyamou-Watyatoha.

Why. 19:1

La'pa nhorwua noma a'utlin nana hadom yetanni emolmolla mutlialawna ida la'a Ilyamou-Watyatoha rhaunu riwra: “Haleluya! Mai pia ta'uli-tawedi it Uplerlawanni la'a gen tutullu-lolo'oni yoma E' ed mak kodi plolli. Ita Uplerlawanni de ed mak kamori-kalewn ita. E' ed mak ktorreria watghudi lokarni me tatiaili lahannu.

Why. 21:5

Dewade Mak kamtatan la liwangen tutul die niwra: “Mitlina! Dodo'ondi de Aghi'a hare honona de warwuaru momuoga.” Enakot wal mai a'u, niwra: “Mhuorta hadi, yoma lira-tunu ri de ha plollola re, ne hota hare er maka riy rpesiaya.”

Why. 22:3

La let de ralamni de it edonna tlernana hya' maka Uplerlawna Nhorghala-nwaghala. Uplerlawna nora Dum A'na de liwangenni-mtatangenni ed mak kawniau lia let de letgarni. Ne Uplerlawna mutnu-rahanu makpesiay re hota rhima-rre' rer lia E'a.

Why. 4:6

La' liwangen tiutul die gaini wali, de hadom yamkekni emolmolla hletan lawan mak kamememi ne nheik nohora la watgai liplipa (kristal). La' liwangeni die walli-walli de hamormiori wogata e rhapet reria. Ne la to'orni-gaini de rpenpuen lia matni.

Why. 5:7

La' noma riy mak kamtatan la liwangen tiutul die, Nala puk maka pniopan de, mak Enantorreria la limni walli malganan della' Dum A'na de.