Why. 6:2 - Alkitab bahasa Luang

² Noma a'umkek la de kuda wawahra ida! Ne mak kha' kud de, ntoran reria ra'pa, ne ral walia wutu-lai maha id la e'a. Ne nler pa nmai die emolmolla mak ka'unut la wunu-ara. Nmai nioka nla'awa la nohkerna wawannu totpa narehi la wunu-ara owa'ana.

Why. 6:2 Iomraidhean Croise

Nhiara 110:2

Hota Orgahi-Orha'a ed maka khi'a o lodanmu-hairmu nwatiawua Sion pa nawerna-naplahwa, totpena omtiorn apitga arwalmu re honona.

Nhiara 76:7

Kud maka rodia pa ra ra'ara re mana rmati pia klololi-klalal niohora upni-matromni mak ka'ara re, yoma la' Yakopa Uplerlawanni Nkamot targa re.

Nhiara 98:1

Nhiar ya'uli-yawedi: Mpiahniara nhiar warwuaru la Itmatromlawanni Makdenreri, yoma la'a hihi'ini-yapyapni mak karuri mak takeni rwaror nana. De Nnairia ruri-lai wamueheni pa Nlernan oleka ya'unut lawna la ara ralamni.

Mat. 28:18

Noma Yesus Nwakriania na'nama Nakot la re Niwra: “Plola-mneha la'a Ilyamou-Watyatoha nora nohkerna de ral oleka mai A wua.

1Kor. 15:25

Mere edon nte' ma'ta la' lera noha niatni de Yesus Kristus hota Nodi plolli la'pa nte'ela lerni maka Enaru'u-natowar momuoga E arwalli totpena rru'u-rtowar la E'a.

Why. 11:15

Dewade Uplerlawna hopopanni mak kmai lia wo'itnu nega noknokni. Pa tatlin de Uplerlawna hopopanni-lili'irnu la Ilyamou-Watyatoha rhaunu-rhaun pa riwra: “Plola-mneha la nohkerna wawannu dodo'ondi de ed olek la it Orgahi-Orha'ani limni ralamni, me la' walia mak E Ntutmuata-nkewra'a pa Namori-nalewna rimormiori. Hota E' ed mak kodi plolli pa nodia liarni.”

Why. 11:18

Rimormiori mak kahmena klernohora Orgahi-Orha'a de hururi-wowo'ora mere nte' olek la lerni pa Omulgota hankeranmu ne nte' olek wal lia lerni pa Omhudi-mpuara rimormiori mak kmati ri wa pa Omuala siewa-kai la mak khima-kre' O kniarmu, de makwohorulu-ktatrulu me la' walia O mutmu-rahamu honona mak ka'unni-kamta'ata, mak khu'ru-khelam tiy O'a kuku'uni-lalawanni. Dodo'ondi wa de nte'la lerni pa Mpueyata-mpuaniawua riy mak kweyata-kwaniawua ir rimormior wialli la nohkeran di wawannu.”

Why. 14:14

Nhorwua noma a'umkek nana kakam wok wawahra ida. La'a kakam de wawannu, yamkekni emolmolla Rimormiori ida e Namtatna. La o'tani de e Nnairia wutu-lai miaha. Me e Ntorreria wehla plalahwa ploklokra [sabit] maka rnairia pa ra rorin la nhyi' ralma.

Why. 15:2

La' noma a'umkek walia hadomdom emeknekama hletan lawna mak kamememi, de nawniotra-nawniah'a nor ai. A'umkek walia riy mak ka'unut nan oleka yoma ir rahmena rhu'ru-rhelam la hamormiori me uplera-upmatni ne edonna rwayow pa hamormiori die nanni mak ha wniarekna de rahu wonema, terampwonema, wehrani wonema de ha rtapla la ir reranni-kiorni. Riy mak ka'untu re raprir lia hletna aratni pa ra rtorreria hadom emeka gitara (kecapi) mak Uplerlawna Nal nana la ira.

Why. 17:14

Hota ir er maka kwatrom mdudud niana Dum A'na pa rawunu-ra'ara. Mere hota Dum A'na de Nala ir la yawa. Yoma Ray Maktorna-krautu la mak kodi plolli honona la nohkerna-rai miarna etnu-liolli, me Orgahi-Orha'a la noh marna nora lyanit marna. Ne mak kor rewre'wa E'a pa rmai, de rimormiori makdenrer (setia) lia pesiayni la E'a. Ir er maka Npolga, me ema rwalir nian oleka pa rhi'a E mutnu.

Why. 19:14

Mak ktorreria keki-rautu re la'a Ilyamou-Watyatoha rha'a kud wawahra pa rlernohor reri E'a, me ema ramrewrehwa la naniairi mak kamnurnuhru wawahra mak momuou.

Why. 3:21

He' ed mak ka'untu de Aghopan pa namtatan wut muai A'u lia A mtatange'nu pa emekwalia A'u'untu olekwa pa Agora A'mu mamtatan wut lia mtatangenni.

Why. 9:7

Kongoha re yamkekni de rtot nohora kud mak kiwa knehelia ar ralma. La o'tani re de emolmolla wutu-lai miaha e natniapal la. Herni-gaini rtot nohora rimormiori.