Why. 5:14 - Alkitab bahasa Luang

¹⁴ Noma hamormiori re wogata rwahla riwra: “Amin (Plola).” Ne o'ta-mat no' hande honona re rwaltiora-rwaltieman momuou lia tani wawannu.

Why. 5:14 Iomraidhean Croise

1Kor. 14:16

Itawalliohor owa'ana la'pa hota mi'uli-miwedia Uplerlawna la krei wokni-le'enu, de miala yawala maka riy raplinu, ne riy mak katlina de edonna nna'erit nana yawal de mak kwatiawu Uplerlawna Nhiwni, pede ta'enniana nweta “plola” (amin) la' miy sniumbainmi de, yoma e' ta'enniana nna'erit nana hya' ed mak ha mikotkota.

Why. 19:4

Dewade o'ta-mata riy terampworu wehrani wogata re ror wut nieka hamormiori re wogata ruh' idma-rrama lia'ar la Uplerlawna mak kamtatna la liwangen tiutullu pa riwra: “Amin Haleluya! Mai pia ta'uli-tawedi Uplerlawna.”

Why. 4:4

La' liwangen die lie'enu ralamni de mtatangen tiutulu terampworu wehrani wogata e rle' reria. La' hare de o'ta-mata riy terampworu wehrani wogata e raliwan targa la mtatangeni re, de honona rnairia wawahrani. Ne rawutu-ralaiya wutu-lai miaha.

Why. 4:6

La' liwangen tiutul die gaini wali, de hadom yamkekni emolmolla hletan lawan mak kamememi ne nheik nohora la watgai liplipa (kristal). La' liwangeni die walli-walli de hamormiori wogata e rhapet reria. Ne la to'orni-gaini de rpenpuen lia matni.

Why. 5:11

Nhor nioma A'umkek owa'an, de utlin reria Uplerlawna hopopanni rhar lirni de riwnu-halli rmariohmu. Honona rpepan reria yaliwangen tiutul die nor wutga hamormiori re wogata me o'ta-mata re honona.

Why. 5:6

Noma a'umkek walia Dum A'na ida Naprir lia liwangen tiutul die onni. Me hamormiori re wogata mana rora o'ta-mata re honona pa rle'lu reria. Tamkek la Dum A'na de, emekneka e rwunu-rwenn oleka wa. Dum A'na de dudallu wo'itu me matni mana wo'itu. Matni mandiditu re nnia'eratni de Uplerlawna Nhiw Lululli maka ha rweta la nhiw mandiditu, maka Dum A'na Nhopan pa Nla' nohkerna uhunu-ewatni.

Why. 5:8

La'pa Dum A'na de Nreinian puk de, dewade hamormiori re wogata me o'ta-mata terampworu wehrani wogata re honona rwaltiora-rwaltieman la gaini ralamni. Ir honona rewre'wa pa rtorreria hadom emeka gitara me lari miaha mak kpenpuen lia ayalli maka rtutnia. Ayalli de, nnia'eratni de Uplerlawna mutnu-rahanu re sniumbaini.

Why. 7:12

Honona re riwra: “Amin (Plola)! Uplerlawna-Mempulwatnu mak ama'uli-mawedi mhu'ru-mhelma muh' idma-mrama lia'ara, Omdien la liwangenmu-mtatangenmu, Mutulu-mupetna Mupriri-mukded la'a genmu-tienmu. O' nanpena plollolli me kirkirmu-ralma-riormu ed mak ama'uli-mawedi la'a genmu-tienmu makden la tutullu-lolo'oni. O' ed mak ktorna plolli-mneheni pa nodi liarni. O' ed mak ama'uli-mawedi mhu'ru-mhelma pa nodi liarni. Amin.”