Why. 4:9 - Alkitab bahasa Luang

⁹ Emkade pede hamormiori re wogata rwahniara nhiar ya'uli-yawedi nhiu'ru-nhielma la'a E' makden la liwangen tiutul die pa nodi liarni. Ne la'pa hamormiori re rwahniara, de

Why. 4:9 Iomraidhean Croise

Nhiara 47:8

Yoma Uplerlawna E' ed mak kla' Ray pia ktorna-kraut la'a noheri woru-lyanti nayan di. Ta'uli-tawedia de tala wniatunu-wniahniara mak it taloiya de yatlinni samoga.

Nhiara 48:14

Mimkek teka kruwun geni harahu me watu liari-au pidarni re yarurni-yalaini totpena orgahami mmieh'a mpiahaur nohora la' miy duratmi-waitmi:

Dan. 12:7

Dewade mak knairia koka mnurnuhru de nran limni rrora la lyanit marna pa nwet la Uplerlawna-Mempulwatnu nanni, totpa naplol nohora e lirni. Yoma Uplerlawna-Mempulwatnu ed mak kden la Ilyamou-Watyatoha Ilwo'itu-Dar Wonema (Sorga) ne E' ed mak kodi plolli pa nodi liarni. Noma maka knairia koka mnurnuhru de niwra: “Plol toto' meman de mahnekni de anni wotel rehenu. De la'a ler maka ha radunti-rawetria Uplerlawna rimormiorni pa nhorwua, na'nama hare honona maka khi' mati'ira ri, rhoru wual wia.”

Dan. 4:34

La'pa nalo'on nana anni wo'itu pua rlardoin wa dewade nwatniar la heyanna ne nhioratni la'awa temni, pa na'uli-nawedia Uplerlawna Makden la Tutullu-Lolo'oni, ne nhimlolioi-nlakdardara (nran la heyanna) Uplerlawna mak kodi plolli pa nodi liarni, niwra: “Uplerlawna E' ed mak ktorna lodna-hairi pa nodi liarni pa la nhoru. E ed maka kodi plolli la'pa nahor tuwu.

Ibrani 7:25

La' hade pede la'a Yesus Nmeh'a neka nanpena ed mak kodi plolli pa Namori-nalewna la'pa nodi liarni, la'a riy honona maka kwahaka mormiori la Uplerlawna, de nla lol E'a. Yoma E edon Nmati pa hota rhernu-rwaug owa'an E'a, mere Enden nek la pa nodi liarni totpena la' lera-lera nekpa nodia la'pa nodi liarni de E ed makpolu-makwak la Uplerlawna la it rerieini.

Ibrani 7:8

Ne la'pa Lewi duratni-waitni makpolu-makwak la Uplerlawna (imam) rlernana durmu-nhiakra la patuini-paro'ona de hota ha rmat wiali. Mere la'a Puka ralamni de Uplerlawna Nakot nohora Melkisedek de emeknekama enmormior pia nodi liarni.

Why. 1:18

Mak kmormiori pia nodi liarni. Amuati olekwa, mere oh! Dodo'ondi Amuor pia nodi liarni. A'g e ed mak kodi plolli la matmiati ne god plolli la noh mati-rai miolu pa A'umori owa'ana riy mak kmati olekwa re pa emolmolan nekama riy mak ktorna konsi, de nodi plolli pa nharia nhiari totpa riy rlergot la roma nhio'la.

Why. 10:6

pa nwet la Uplerlawna-Mempulwatnu nanni, totpa naplol nohora hopopan de lirni. Yoma Uplerlawna-Mempulwatnu ed mak kden la Ilwo'itu-Darwionema (Sorga), Makohi-maka'ara, kawilla-kayomtia noheri-woru lyanti nayanni, ne E' ed mak kodi plolli pa nodi liarni. Hopopan de niwra: “Ee, ler maka rawuwu-rawei ntutu-nte' olek di. Pede dodo'ondi de Uplerlawna-Mempulwatnu hota Nhi' nana-nyap niana hya' maka Net tiarg oleka wa.

Why. 15:7

La' noma hamormiori id la' hamormiori wogata, nala lari miaha la hopopna re wo'itu. Lari miaha re rpenpuen lia Uplerlawna mak kodi plolli pa nodi liarni de yawenan lawanni.

Why. 21:5

Dewade Mak kamtatan la liwangen tutul die niwra: “Mitlina! Dodo'ondi de Aghi'a hare honona de warwuaru momuoga.” Enakot wal mai a'u, niwra: “Mhuorta hadi, yoma lira-tunu ri de ha plollola re, ne hota hare er maka riy rpesiaya.”

Why. 4:2

La'pa mtatan de nekpa Uplerlawna Nhiwni Nodi plolli mai a' pua umkek la Ilyamou-Watyatoha de Riy ida e Namtatna la mtatangenni ida.

Why. 4:8

Hamormiori re wogata, la' nenenan de, rnairi liwarni wonema. La' inonni re honona me la' walia liwarni re walli-walli rpenpuen lia matni. La' lelera-melmel de hamormiori re edonna rher rer lia wniatunu-wniahniara pa riwra: “Lilili-mamuau lia' O genmu-tienmu Orgahi O'a, Uplerlawna O'a, lilili-mamuau lia tutulmu-lolo'omu. Yoma O' ed mak kodi plolli la haneka-harahu wuawannu. Mak kmou-kwitna inhat O'a. Maka ploloi-plele'er O'a. Omdiena, Omdien olek la me Omdien nek la pa nodi liarni.”

Why. 5:1

La'awa honi de a'umkek nana la Uplerlawna mak kamtatan la gen tiutul die limni malganna ralamni, de Entorreria puka pniopna ida. Ne la' puk de ralamni de npenpuen niohora nhiorta lie'u la walli-walli ne e rala hiwliai (cap) wo'itu ra rtapal targa la.

Why. 6:16

Rpolpuolu-rhawaunia la wo'ora-kawru me watu lawna pa riwra: “Wo'ora-kawru, watu liawnu nee! Mitlin mai ami, Mtiuin nan am lia handi pa mide' am lia Hade mak kamtatan la liwangen tutul die, me la' walia Dum A'na mak kahe' yawenan de.

Why. 7:15

La' hade pede Irtutrier lia Uplerlawna liwangen tiutul die gaini. Ne rhima-rre'a me rkola tieru-rawur nehla la E'a la' lelera-melmela la Uplerlawna romni nayanni. Ne ed Mak kamtatan la liwangen tiutul die, hota Nden wut lia ira totpena Ntera-ndema.