Why. 4:11 - Alkitab bahasa Luang

¹¹ “Ee Matroma O'a, de a Uplerlawan mamni O' ee! O' nanpena ed maka ma'uli-mawedi mhu'ru-mhelma la'a tutulmu-lolo'omu onnila O plolmu-mnehemu, yoma O' ed mak kokoma-kpapala, kakoki-kayap niana haneka-harahu wuawannu ri. Me O ralma-rior wamuehemu wal piede reinian haneka-harahu wuawannu ri, rler la mormiori.”

Why. 4:11 Iomraidhean Croise

Puka Pianullu 1:1

Ler ululu noha gergera-tatiah'i ma'ta (mulaliaini) Orgahi-Orha'a Uplerlawna-Mempulwatnu Nwahi' pa Na'ohi-na'ara lyanti me, nohkerna-rai miaran di.

Nhiara 18:3

Matro'mu emeknekama wo'or watu niutni mak ka'ara yaro'wa genni (benteng) mak nhi'inde a'uyade'ela. Uplerlawnu emeknekama wo'or wat muaka nhi'inde a'uyaheu lia, me emekwalima keliau-halwa'an mak kaheu reri a'u, yoma uro'wa targ a lia nayanni. E' de Naruri-nalai pede Namori-nalewn a'u.

Nhiara 68:34

Yoma E' ed mak kla'-kmai lia lyanit tutulu maka Ena'ohi-na'ara la ler ululu memna. Mitlina Uplerlawna lirni. Lirni nhokar la lyanit marna de wniahlani nadiwra noha-rai wawannu.

Rano'a 16:4

Orgahi-Orha'a Nhi'a hare honona totpa rlernohora hya' ed maka Nwarora-nwalai tiarga oleka. La'a riy yatyata-halala nekane, Nror targa oleka pa hota rler la yatyatni-halalli yatlorni-yatra'ani.

Kisah 14:15

“Hoi, nihya'pa miy mhi' ha rina?! Am di de rimormior ami, it rewre'wa pa tamneneha. Ammai handi, de amodia Kota Kalwieda-Paitiot tiy miy, totpena mhioitio'or doini-mtiahnei dioinia la mhioi-mtiania uplera mak edon kaplola, ne mai pia mliernohora Uplerlawna mak kden pa nodi liarni. Yoma E' de maka Na'ohi-na'ara nohkerna-lyanit marna, la'pa gera-tah'i nor wutga mniotni.

Kisah 17:24

E' ed mak Na'ohi-na'ara nohkerkeran di nor wutga mniotni honona. E' de Orgahi-Orha'a maka liwangenni ntut lia lyanti, me lia'arni nhapar rer lia nohkerna. E' edonan Ndella roma-roma nhioi-tniani uplera-upmati maka rimormiori rhi' nana.

Roma 11:36

Yoma Uplerlawna ed mak kakoki-kayapi hare honona. E' ed mak kodi plolli la hare honona, me Enakoki-nayapi hare honona pa nodia ya'uli-yawedi la E'a. Pede ina-nara ama-hyali, mai pia ta'uli-tawedi tamuki-tahepur la Orgahi-Orha'a Uplerlawna-Mempulwatnu pa nodi liarni. Amin (Plola).

Epsus 3:9

Ne Enala kniari mai a'u totpena la a' pua riy honona rat niohora la' talan emkameni pede hya' maka Uplerlawna Nror targa oleka di, de hota Uplerlawna Nhi' nana. Ululu-plialiaini Uplerlawna mak kakoki-kayap niana nohmarna nora lyanti ha nkadkaduw nana ed maka nawunum tar mua'ta la'a hya' ed maka Ha Niwa Nhi'a.

Ibrani 1:10

Uplerlawna Enakot walia la A'nani: “O' de Orgahi-Orha'a O'a. La'a nomlerni la' noha gergera-tatiah'i ma'ta de O' ed mak kakoki-kayapia noh maran di me O orgahamu ed maka khi' nana lyanti.

Ibrani 1:2

Mere la'pa ntut lia lera-mela ri mak hota kod lia noha niatni, de Enaltier mai ita de Nlol nohor neka E A'nani. La' A'nani de pede Uplerlawna Nakoki-nayapi nohkerna-rai miaran di honona. Ne Uplerlawna Nakot targa de hota A'nani de ed mak kodi plolli la haneknek wawannu.

Why. 1:6

Ne Enwalir nian it pa tler la hairi ida maka Ntutmuata-nkewra'a pa tla'a imam-imam mak khima-kre'a Uplerlawna, Yesus Amni de. La' hade pede mai pia ta'uli-tawedi Wutmueha-Laimieha Yesus Kristus, makdella tulu-lyanti. La' E' nampena Nmeh'a Nodi plolli pa nodi liarni. Amin (Plola).

Why. 10:6

pa nwet la Uplerlawna-Mempulwatnu nanni, totpa naplol nohora hopopan de lirni. Yoma Uplerlawna-Mempulwatnu ed mak kden la Ilwo'itu-Darwionema (Sorga), Makohi-maka'ara, kawilla-kayomtia noheri-woru lyanti nayanni, ne E' ed mak kodi plolli pa nodi liarni. Hopopan de niwra: “Ee, ler maka rawuwu-rawei ntutu-nte' olek di. Pede dodo'ondi de Uplerlawna-Mempulwatnu hota Nhi' nana-nyap niana hya' maka Net tiarg oleka wa.

Why. 14:7

Hopopan de nhaun pa niwra: “Mhiu'ru-mhielma, mi'unni-mimta'ata Uplerlawna-Mempulwatnu, me mi'uli-miwedia la' gen tiutullu. Yoma nte' olek la mai lerni pa Uplerlawna Ntoran watghudi la rimormiori honona. Mtiuklia E'a. E' ed mak khi' nana lyanti, nohkerna, lora-wo'ora, me ger ormata re honona.”

Why. 19:1

La'pa nhorwua noma a'utlin nana hadom yetanni emolmolla mutlialawna ida la'a Ilyamou-Watyatoha rhaunu riwra: “Haleluya! Mai pia ta'uli-tawedi it Uplerlawanni la'a gen tutullu-lolo'oni yoma E' ed mak kodi plolli. Ita Uplerlawanni de ed mak kamori-kalewn ita. E' ed mak ktorreria watghudi lokarni me tatiaili lahannu.

Why. 5:12

Ne rarur mieman la wniahniara riwra: “Dum A'na mak ha rwen olek de nampena ed maka ha tsu'ru-tselma, me ta'uli-tawedia la'a tutullu-lolo'oni, la'a re'eni-tniarnu, rurni-laini, kirkirni-ralma-riorni!”

Why. 5:2

Noma umkek walia Uplerlawna hopopanni mak karuri-kalai ida npolu-nhaun pa niwra: “He' nodi plolli pa nhau diodioinia hiwliai maka ha ra rkulit targa puka pniopan dena de?”

Why. 5:9

Honona re rwahniara nhiar warwuaru ida de riwra: “O' nanpena ed mak ka'ala puk de me O' wal pia ed maka khar dioinia hiwliai miaka ha ra rkulit targa puka pniopan de. Yoma la' O wnienanmu me rarmu mak kaktiowur doin la pa rimormioria nohkerna mak kwatiawua hairi-hairi nor wutga noh pa'etu-rai piatatra nor wut nieka leta-leta ror wutga wniareini-wniahaurnu re, Muweli momuog olek ir pa Muala la Uplerlawna-Mempulwatnu.