Why. 4:10 - Alkitab bahasa Luang

¹⁰ o'ta-mata riy terampworu wehrani wogata re, rwaltior tar lia Uplerlawna mak kamtatan la liwangen die gaini ralamni. E' ed mak kodi plolli pa nodi liarni. Nhor nioma honona rnaklia wutnu-laini re la'a liwangen tiutul die gaini pa rakot la:

Why. 4:10 Iomraidhean Croise

Nhiara 115:1

Matromlawnu ne! La' O' nanpena ed maka ha ra'uli-rawedia yoma hya' to' maka Omukottaru oleka de, Omhi' nana. O' edon Mhuoratdoinia rimormiormu mere Msiayn reria re pa nodi liarni. La' am di de, riy hadamonan la mak emek O'a.

Nhiara 47:8

Yoma Uplerlawna E' ed mak kla' Ray pia ktorna-kraut la'a noheri woru-lyanti nayan di. Ta'uli-tawedia de tala wniatunu-wniahniara mak it taloiya de yatlinni samoga.

Nhiara 72:11

Ray-ray honona hota rwak pa ruhg' idma-rrama lia'ar la ne rtuk lia e gaini ralamni, me luwu-a'na liawanni rla' at la.

Nhiara 95:6

Mmiai pia it hononita tsu'ru-tselam la Itmatromlawanni nayanni yoma E' ed maka kakoki-kayap nian ita.

Dan. 12:7

Dewade mak knairia koka mnurnuhru de nran limni rrora la lyanit marna pa nwet la Uplerlawna-Mempulwatnu nanni, totpa naplol nohora e lirni. Yoma Uplerlawna-Mempulwatnu ed mak kden la Ilyamou-Watyatoha Ilwo'itu-Dar Wonema (Sorga) ne E' ed mak kodi plolli pa nodi liarni. Noma maka knairia koka mnurnuhru de niwra: “Plol toto' meman de mahnekni de anni wotel rehenu. De la'a ler maka ha radunti-rawetria Uplerlawna rimormiorni pa nhorwua, na'nama hare honona maka khi' mati'ira ri, rhoru wual wia.”

Dan. 4:34

La'pa nalo'on nana anni wo'itu pua rlardoin wa dewade nwatniar la heyanna ne nhioratni la'awa temni, pa na'uli-nawedia Uplerlawna Makden la Tutullu-Lolo'oni, ne nhimlolioi-nlakdardara (nran la heyanna) Uplerlawna mak kodi plolli pa nodi liarni, niwra: “Uplerlawna E' ed mak ktorna lodna-hairi pa nodi liarni pa la nhoru. E ed maka kodi plolli la'pa nahor tuwu.

Mat. 2:11

Noma rhu'ru la likit de nayanni de ramkek nana keke'en de nora inni Maria. Noma rwaltiora-rwaltieman la keke'en de nayanni, na'nama rhar dioinia wareher genni pa rala maha, ayalli nora mur la'a keke'en de.

Luk. 24:52

Honona re rru'u-rtowar la E'a nhor nioma rawal lia Yerusalem de, ralamni rahepur memna.

1Kor. 15:10

Mere la'a Uplerlawna sniayanni pede a yeh'wu nakwali pede la'pa dodo'ondi de alia' mak Yesus Nhopan pa godi Uplerlawna lirni-tunnu. Ne Uplerlawna kalwiedni mai a' die, edonna lola hamamuamua. Mere akar die nareh miemna a mutwua'lu makodia Uplerlawna lirni-tunnu re honona. Mere la'a plolli de a'g edonna ghi'a-yap niana hare honona mere Uplerlawna ed mak kor a' tialan pa narieiniande hare honona rla' ga'a.

Why. 10:6

pa nwet la Uplerlawna-Mempulwatnu nanni, totpa naplol nohora hopopan de lirni. Yoma Uplerlawna-Mempulwatnu ed mak kden la Ilwo'itu-Darwionema (Sorga), Makohi-maka'ara, kawilla-kayomtia noheri-woru lyanti nayanni, ne E' ed mak kodi plolli pa nodi liarni. Hopopan de niwra: “Ee, ler maka rawuwu-rawei ntutu-nte' olek di. Pede dodo'ondi de Uplerlawna-Mempulwatnu hota Nhi' nana-nyap niana hya' maka Net tiarg oleka wa.

Why. 11:16

Dewade riy terampworu wehrani wogata mak khi' o'ta-mata mak kamtatan la liwangen tiutulu mak kden la Uplerlawna gaini ralamni de, honona rwaltiora-rwaltieman la Uplerlawna lakni nayanni.

Why. 15:4

Hota he' wal pia edonna namta'at O'a, Orgahi-Orha'u ne? Me hota he' wal pia edonna nakot nohora O tutulmu-lolo'omu Matromlawnu ne? Ntut tiar lia O muemeh'a nanpa Mmuou-mpitna. Rimormior nohkerna honona hota rma rkolla O lakmu, yoma iramkek nana hihi'imu-yapyapmu makden la plol wawannu.”

Why. 15:7

La' noma hamormiori id la' hamormiori wogata, nala lari miaha la hopopna re wo'itu. Lari miaha re rpenpuen lia Uplerlawna mak kodi plolli pa nodi liarni de yawenan lawanni.

Why. 19:4

Dewade o'ta-mata riy terampworu wehrani wogata re ror wut nieka hamormiori re wogata ruh' idma-rrama lia'ar la Uplerlawna mak kamtatna la liwangen tiutullu pa riwra: “Amin Haleluya! Mai pia ta'uli-tawedi Uplerlawna.”

Why. 4:2

La'pa mtatan de nekpa Uplerlawna Nhiwni Nodi plolli mai a' pua umkek la Ilyamou-Watyatoha de Riy ida e Namtatna la mtatangenni ida.

Why. 4:4

La' liwangen die lie'enu ralamni de mtatangen tiutulu terampworu wehrani wogata e rle' reria. La' hare de o'ta-mata riy terampworu wehrani wogata e raliwan targa la mtatangeni re, de honona rnairia wawahrani. Ne rawutu-ralaiya wutu-lai miaha.

Why. 4:9

Emkade pede hamormiori re wogata rwahniara nhiar ya'uli-yawedi nhiu'ru-nhielma la'a E' makden la liwangen tiutul die pa nodi liarni. Ne la'pa hamormiori re rwahniara, de

Why. 5:14

Noma hamormiori re wogata rwahla riwra: “Amin (Plola).” Ne o'ta-mat no' hande honona re rwaltiora-rwaltieman momuou lia tani wawannu.

Why. 5:8

La'pa Dum A'na de Nreinian puk de, dewade hamormiori re wogata me o'ta-mata terampworu wehrani wogata re honona rwaltiora-rwaltieman la gaini ralamni. Ir honona rewre'wa pa rtorreria hadom emeka gitara me lari miaha mak kpenpuen lia ayalli maka rtutnia. Ayalli de, nnia'eratni de Uplerlawna mutnu-rahanu re sniumbaini.

Why. 7:11

Uplerlawna hopopanni-lili'irnu honona rtutrier wutwut pua rpepan reria liwangen tiutul die ne o'ta-mata me hamormiori re wogata wali. Noma hare honona e rwaltiora-rwaltieman la liwangen tiutul die gaini pa ra'uli-rawedia Uplerlawna.