Why. 3:19 - Alkitab bahasa Luang

¹⁹ Riy mak Asiaynia re ir er maka nhi'inde Apuol niohora me Awuale'era mak khala. La' hade pede inonmi re rapepe'ela, ne mhioitio'or doin-mtiahnei dioin do'omi-halmi.

Why. 3:19 Iomraidhean Croise

Nhiara 39:11

Matrome! Muolin doin a lia niukammu di, yoma tre ma'ta oke' pa a arnu nhorwua yoma la'a O liwliwarmu de!

Nhiara 6:1

Hadi de Daud nhiar ya'ulli-yawedni maka ha rala la mak khi' o'tani la mak kwatunu-kwahniara. Rwatunu-rwahniara rnairi hitara-fiola. Rwahniar de rlernohora mak ha riwra mak kla' wo'awa:

Nhiara 69:9

Agora a i'nu na'ru-a'mu hya'lu de, a'g emeknekama do'ona-dakna dom to' a'u. Agora a ka'ku me a ga'ru de emeknekama dom a'nani to'a.

Nhiara 94:10

E' ed maka Nukmua noha-rai, ne hota edonna Nukmua miy?! E' ed maka khi' tungkur lia riy honona, ne hota e edon Natu hya' ed maka mhi' nana?!

Rano'a 15:10

La'pa he' ed mak yehwani de edonna nlol owa'an la talla plele'era de hota nlernana yamuki-yama'ala nniahora-nniala'a pa emekanekama hihi'ini-yapyapni re wniahlani. Me la'pa tahmena riy rpolliohora ita de hota tler la matmiati-molmuolu.

Rano'a 15:32

Mere la'pa hameni ed maka kahmena yano'a-ya'atu, de hade emeknekama riy maka sukni tial la inonni owa'ana. Mere hameni ed maka kreiniana rira pniolliohorni de nwalia la mak katu nhioli-lieta.

Rano'a 22:15

Upa-a'na nhi'inde rhi'a-ryapia podpodku la inonni. Mere liwliwra-kakaklu ed maka kwatutga re totpena rherun doinia nhiolli la.

Mat. 25:7

Harara re termida ema rhedga mata pa ra'itra wu'ru la wa'danu re.

Yoh. 2:17

Noma maklernohor reri re rhoratnana la' Puka lirni niwra: “Mak A ralmu ha nko'i reria de totpena O rommu ed mak rimormiori rnairia pa rkola tieru-rawur nehla nek tiy O'a Uplerlawnu ne! Ne maka A ralmu nko'i reria de hota nod A lia matmiati-molmuolu ralamni.”

Roma 12:11

Mkiar lia Orgahi-Orha'a kniarni de mipepe'ela. Yana miodia inon werta pa ma mkiari.

1Kor. 11:32

Mere la'pa Uplerlawna Nukum it la dodo'ondi, de Nal it pa tler la mehra-mau onde tmati, de emolannekama Enliwr ita, totpena yana itor wutga rimormiori nohkerna mak edonna kpesiay, pa hota tler la niukum lawna pa rrinnia la ai mormiori ralamni.

2Kor. 6:9

Amakot nohora Uplerlawna lirni, la'pa riy riwra iraplin niohor ma't ami, mere plollolli de rat niohor memn ami. La'pa ratniekamde hota ammati mere ami e mormior mia'ta di! La'pa ramuki-rama'ala ami ho'mana, a aran mamni etla genni.

2Kor. 7:11

Ina-nara, mpiaror tek la! Ralam mayo'omi de mak klol memna Uplerlawna ralma-riorni nod rer miy lia samomuounu. De ralam mayo'omi nareiniande mipe'el pa mhi' owa'an makdella plol wawna me totpa mipe'el pa mimou-miwitn owa'an miy nanmi la'a hya' ed mak khi' akdieh miy re! Miwenan la mak khi' do'a-hal de! Me mimta'ata de hota do'a-hala de nodia niukmu! Ralam mayo'omi de narieiniande miy ralammi nden rer lia a'u totpena twatroma me totpa mipe'el pa mliernohora a li'ru-tu'nu. Ne hade edon nmeh'a mere la'pa mpiaran pia miukmua riy mak khala wali! La' hare honona de mtiutga de miy edonna mhiala.

Gal. 4:18

Plola, ha samoga pa mial ralammi tetema pa mlier la ga'a, hornama mliernohora hya' mak kaplola. Ne mial ralammi tetema de la'pa nodi liarni, yanpa adien to' pa emkade mere atio'or wa dewade onanwa.

Titus 2:14

Enal oleka inonni mai ita totpa na Ntuwu-nhai it la'a do'a-hala ralamni, totpa do'a-hala edon nodi plolli mai ita. Ne Enhi' it la E gah wamueheni mak kakleha do'a-hala ne, mak kape'el toto' la nhioli-lieta kalwieda-paitiota.

Yakowsi 1:12

Mak katehra nan ralamni la'a kropna-krieutu ralamni, de hota nler la unut lawna. Yoma la'pa nlewan la yatehra ralma la'a kropna-krieutu re hota e nlernana mormiori-dardiari maka Uplerlawna Nano'targ oleka wa la'a riy meni-meni maka ralamni nden rer lia Uplerlawna. Riy de hota emolmolan nekama mak kawlari ida mak kler ulu la' honi pede nlernana siew de.

Why. 2:5

La' hade pede mpiahniorat la' temmi me mpiaror nohor owa'an ralam kalwiedmi la' ler ulul die. Mhioitio'or doin-mtiahnei dioin la nhiolmi-lietmi dodo'ondi mak kod miy lia do'a-hala, ne mipali owa'ana nhioli-liet ululmi. La'pa edonan de hota a'g ed mak kmai pia kwuh dioinia wa'du wniatatgenmi de la' genni-tienni.