Why. 3:18 - Alkitab bahasa Luang

¹⁸ La' hade pede A'uno' miy totpena miwelia A mah'u, yoma A mah'u de maha ihini, totpena mtiaru. Miweli wialia naniair wawahra la mai A'u totpena mniairia, de ma mihewua miy inonmi mak kamola-kama' miy die. Ne miwel wialia wu'ru-atiawi totpena ma mpianapal matmi totpena mimkeka.

Why. 3:18 Iomraidhean Croise

Nhiara 107:11

Hade emkade yoma ir rwatikli-rwahya'al olek la Uplerlawna Makdella Tutullu-Lolo'oni de. Yoma ir edonna ratlina-ratailla pede orgahi rler tar lia sniusa ralamni.

Nhiara 16:7

U'uli-uwedi reri O'a Matroma, yoma Omtiutga talan mak kaplola mai a'u. La' melmel ho'mana awuaror nohora talla mak kaplol de pa hota aliola.

Nhiara 32:8

Itmatromlawanni Niwra: “Hota A'g ed mak ktutga loi-talla mak ha miwra mliola. Hota A'g ed mak kodia o limmu, me Uwewla o' pa mula' lola talan de.

Nhiara 73:24

Pa O' ed maka ktutga talan plollola mai a'u. Ne hota Omhi' a' pua aliernana yatota-yawawa.

Rano'a 1:25

A nnio'u-niatu honona, de miy edonna mhie'du nana, me a pniolliohoru la miy miana edon mitlina.

Rano'a 1:30

Nnio'a-nia'tu re honona de mihmen mitlin etia, me a pniolliohoru la miy mana edonna mliernohor walia.

Rano'a 19:20

La'pa o sukmu la wniatutu la o'a, me mutlina-mutailla rira lira nnio'oni-wawa niatnu de hota la' hohoni de mpual lia riy mak katu kwarora-kwalai samomuou.

Rano'a 23:23

Mpuatut lia kirkira-ralma rior samomuou die totpa muat niohor memna hya' ed mak kaplola. Mtiorrer pitpit lia hare honona, yana mhuoitio'or doinia la.

Dan. 12:2

Rimormiorni liawanni maka rmati olekwa mana hota rmori owa'ana. Hota dom de rlernan mormiori plalahwa pa nodi liarni me korni re rlernan mola-ma'a pa nodi liarni. Tamkek ir de tmatiti'ira.

Mat. 13:44

“Hyal miy re, la'pa itmormior lia Uplerlawna tnioranni-riautnu ralamni de, it di de emeknekama riy ida mak kmai pia klernana re'a-tniar la tani niahi ralamni. Noma nahmena riy rlernana pede nade' owa'an re'a-tniar die la kdieldelamni. Nhorwua dewade nahepur nande nla' pa na'ol momuoga hyonni-hyanni honona na'nama nawal pia nma nawel tani nora re'a-tniar die.

Mat. 25:9

Mere harara mak katu re rakot la riwra: “El miy re, yan miwenna mere taken niana yoma hota mal tiy miy, mere hota he' nal mai ami? Mlia miwelia la'a riy mak ka'olu wu'ru.”

Luk. 12:21

Emkadella la'a riy maka kmeh'a kwahak pa nre'a-ntaru, mere nahmena nwahaka re'a-tniar inhatta maka samoga la Uplerlawna yamkekni.”

2Kor. 5:3

Itwak pa la'pa itmat die hota itlernana inon warwuaru. Yanpa itmat die itla' nhiwa mak kakleha inona pa emeknekama riy ida mak kakleha lawra-raini pede ratliawihi.

2Kor. 8:9

Awuak pa mpiaro'on kupan de yoma miy e miat niohor walia de Itmatromlawanni Yesus Kristus e Nara'a-napal wualia ita. Yoma E' de ed mak kre'a-ktar lia'a Ilyamou-Watyatoha, mere Nhi' inonni de emekwalima rimormiori mak kakleha-kaplara, yoma Nhoratnan miy, totpena kleheni de nod miy lia Uplerlawna ra'ani-pallu, re'eni-tniarnu.

1Tim. 6:18

Mpuak la re totpena rtutga kalwiedni liawanni totpena tlina-tmat nana ralam kalwiedni, me yara'ani-yapallu.

Yakowsi 2:5

Ina-nara ama-hyali mak kden la a ralmu, mhioratreria. Miat memn oleka de, riy mak kakleha-kaplara la nohkerna wawannu di, de hota Uplerlawna Nwaliria pa nwal lia mak ktarga pesiay miak karuri. Riy mak emkare, de hota rhor temna la Uplerlawna mutnu mak kor rewre'wa E'a, ne mak Enodi plolli la pa emeka Ray, yoma emekneka hya' maka Uplerlawna Nano'targa la'a riy maka ralamni kden rer lia E'a.

1Ptr. 1:7

Mlier la yamuki-yama'ala nniahora-nniala'a ri totpena mtiut muemna de miy e mpiesiay toto' memna Orgahi-Orha'a me edonna. Mpiaror tek la maha, maka hota la' lera id de niat weyata. Mah de nek de rala ai ra rhudia. Mere miy pesiaymi hota narehi maha welli. Pa emkade walia hota rala kropna-krieutu ra rhudia miy pesiaymi de totpena rat niohora pesiaymi de plollolli me rurni-laini. Ne la' pesiaymi mak karur die, pede hota mliernan ya'uli-yawedi, yatota-yawawa la' ler maka Yesus Kristus Nmai owa'an pa rimormiori honona rlina-rmat (ramkek memna) E'a.

Why. 16:15

“Mitlina! Hota Amuai die emekneka mak kwuri-kgalmu. La' hade pede hota nhioratmi la' temmi me mitiak reria nhiolmi-lietmi ilu-wniehwami pa nkalwiedweda, totpena hota mlier la unut lawna. Mhi' inonmi emeknekama riy ida mak edon kanin matni mere natiak reria hyonni-hyanni de hota edonna nmola-nma'a la rira yamkekni, yoma edon natliawihi.”

Why. 19:8

hewewta-naniairia mak kamnurnuhru mak kmou-kwitna mak klipa-ka'ma de, maka Uplerlawna Nal oleka la.” Naniair de nnia'eratni de nhioli-lieta, ilu-wniehwa mak kaplol la Uplerlawna yamkekni mak Uplerlawna mutnu-rahanu rhi'a-ryapi oleka la nohkerna wawannu.

Why. 2:9

Agat niohora klehemi-larmi nora polpuolmi-wakwakmi yoma riy rnahora-rnala' miy. Agat niohor miy klehemi-larmi mere la'a plollolli de la'a Uplerlawna yamkekni de mlier olek la pripanni-fa'anni. A'utlin oleka yapupu-yaheri maka rotil targa tiy miy. Nhi'inde iriwra ir de de Uplerlawna mutnu inhatta ira. Mere plollolli de ir nanpena Uplerlawna mutnu atia'a pa rler teman la hegana amlawanni (Setan) wokni-le'enu.

Why. 3:17

Mikota miwra miy e mrie'a-mtiaru, pede hare honona mliernan oleka, mere miy e miplin niohor miy e mikleha-miplar nande mikleha hewewta-naniairi pa mitliawihi, ne matmi ryata.

Why. 4:4

La' liwangen die lie'enu ralamni de mtatangen tiutulu terampworu wehrani wogata e rle' reria. La' hare de o'ta-mata riy terampworu wehrani wogata e raliwan targa la mtatangeni re, de honona rnairia wawahrani. Ne rawutu-ralaiya wutu-lai miaha.

Why. 7:13

La'a o'ta-mata re honona, de ida nmai pia natian a'u niwra: “Riy mak knairia naniairia plalahwa wawahra ri ir he'a, me ha rwatiawu hanmeni?”