Why. 3:14 - Alkitab bahasa Luang14 Noka Wutmueha-Laimieha Nakot owa'an mai a'u Niwra: “Lira mak hota omhuorta la'a hopopna-lili'iru la'a krei mutnu la' leta Laodikia de emkadilla lirni: A' di de mak ha riwra Amin, Makden la Plol wawna, A'g ed mak kdenrer (setia) pa A'ukot nohora Uplerlawna gahani honona totpena riy rat niohora ha raplola, me Uplerlawna Nor A' pua Makoki-mayapi nohkerna nora lyanti. A nnio'u emkadi: Faic an caibideil |
Why. 3:14
22 Iomraidhean Croise
Yoma Uplerlawna nnio'oni honona re, hota plola pa Uplerlawna Nhi' nana, onnila Yesus Kristus hihi'ini-yapyapni la it rerieini. La' hade pede la' Yesus Kristus de pede twet la “plola” (amin) yoma plola pa hya' ed maka Uplerlawna Nakot targa hota Enhi' nana. Ne la'pa itwayow nohora Yesus plollolli de ed mak kodia ya'uli-yawedi la Uplerlawna.
Ina-nara ama-hyali, itat niohor memna Uplerlawna plolli-mneheni, nhiolli-lietni, illu-wniehwani, kennama ita edon tamkek nan E'a, yoma riy ramkek memna Uplerlawna nhiolli-lietni de la'a Yesus Kristus de mormiorni-dardiarni la' nohkeran di. Yesus de Wutmueha-Laimieha inhatta mak kodi plolli la haneknek wawannu! Edonna rhi' temn E' la'a maka Uplerlawna Nakoki-nayapi, mere E' ed olek la wa.
La'pa mpiaik ahorga horat di la krei mutnu gaini ralamni la leta Kolose, demade mial walia horat di la'a makdena Laodikia rpaikia la krei mutnu makden la Laodikia totpena honona ratlin nan walia. La'pa emkade walia miy miakden la Kolose mpiaik walia horat maka a'uenyat oleka la krei mutnu la Laodikia.
Me mliernan wal lia' Yesus Kristus mak kdenrer miamaini (setia) pa Nakot nohora Uplerlawna lirni-tunnu mak kaplola. E' ed mak ha ramor ulga la matmiatni ralamni. Ne E' wal pia mak kodi plolli la lodna-hairia noheri woru-lyanti nayanni. Yesus ed mak ktulla-ksayn ita pede Nala rarni na Ntuwu-nhai nian it pa Nwe'er doin it la do'a-hala ralamni.
Me Nakot wali: “Dodo'ondi memna Aghi' ahorga hare honona mak Awuaror taru oleka wa! A'g ed maka ha rweta la Alpa nor Omega, yoma A'g ed mak kala' ulu me A' wual pia ed mak kden la li'iru. La' he'a-he' to' maka tiernu kerna, de hota A'g ed maka katera-kalahga nora ger ormata mak kodia miormiori-dardiari plalahwa pa edon ntutu-nte'a. Ger di de Agal neka la he'-he' mak kwahaka. A'g edon u'olu hadi.
Dewade hopopan de nakot mai a'u niwra: “Lira-tunu maka ha rakot nohora la yamkekmu di ralamni de raplol momuou ne hota riy rpesiaya. Orgahi-Orha'a Uplerlawna-Mempulwatnu maka Nhiw Lululli Nodi plolli la makwohorulu-ktatrulu (nabi) pede rwohorulu-rtatrulu, ed maka Nhopan doinia hopopanni (malaikat) pa nma ntutga la mak khima-kre'a E kniarni la'a hya' mak hota kler pa kmai wia.”
Noma Wutmueha-Laimieha Nakot owa'an mai a'u Niwra: “Maka omhuorta la hopopna-lili'iru la'a krei mutnu la leta Filadelfia lirni de emkadille: A' di de riy mak kden la mou-witna, ploi-ple'era. Ne A' di, ihini-iparni A' inhatta. A'g ed mak ktorna konis ripu mak Daud gahani. La'pa Aghari nhiari de, riy id mana ta'enniana nho'la. Ne la'pa Agho'la nhiari, de riy id mana ta'enniana nharia. A nnio'u emkadi:
Sanasan