Why. 22:10 - Alkitab bahasa Luang

¹⁰ Ne a'ukot tiy o' de: Yan memmemna muwunmua lira-tun muaka ha rakot targa la Puk di ralamni. Yoma hota lerni-melli la mak ha rakot taru ri nler pa nmai wia.

Why. 22:10 Iomraidhean Croise

Dan. 12:4

Noma lili'iru-hopopan de nakot owa'an niwra: “Mere Daniel e, la dodo'on diwa mtiutwua puk de pleini totpena yan naphyari, la'pa rweiya lera hohoni. Mere lera hohoni edon ntutu-nte' ma'ta de hota rirahu rla'a-rmai pia rwahak talan totpena rat niohora hare honona nnia'eratni.”

Dan. 12:9

Noma nwalol ma'u niwra: “Mlia'awa dodo'on diwa, Daniel! Yoma lira-tunu ri de hota rayamoini me edonna rakot genni la'pa nte' meman la' lera hohoni.

Dan. 8:26

Yamkeka la'a himima-rere'a hoihoi-tantiani maka rlarna pa rodia la'a lera ntuini me repardoini de hota ntutu-nte'ewa pa emeknekama a'ukot oleka de, mere hota mahnek ma'ta nanpena ha rayamkeka pa yana mpuahaur nohor ma't la riy ida.”

Mat. 10:27

Hya' ed maka A'ukot targa tiy miy la yawunamnu de mikot nohor momuoga totpena riy rat niohora. Ne hya' maka A'upupua la miy tlinmi ralamni me mak Awuahaur walia la mel'utni-malienni, de hota repra rauria de mkiakna la lol meni-meni to'a totpena riy rat niohora.

Roma 13:11

Pede mtiulla-msiayni, mira'a-mipalga rimormiori wialmi, yoma miy e mhioratreria lera-mela meni hari. La'a ler maka na'nama itpesiaya de rlardoin memn olekwa. Ler maka hota Orgahi-Orha'a Nmai pia Nalewn ita de e rrehgorg olekwa. Ntutu-nte' olek meman la' ler maka twehwa-tlakat la plollol wawannu. Hota emeknekama la'pa mela nhi' pa nrepar wa de riy ramat la dudu ralamni, de hota emkade walia la'a Orgahi-Orha'a maimiaini rehgoru olekwa pede yana itsi'a nhioli-lieta melmelli gahani. Hota itwehwa-tlakat la leler gahani de emeknekama keki-rautu maka it tnairia.

2Tes. 2:3

La'pa emkameni ho'mana, yan memmemna mitlin la rira lira kdiorni. Yoma la'pa edonna nla' ma'ta la ler maka Yesus Nmai pa nma nte'ewa de hota riy rahu rhoitio'ora-rtahnei lia Yesus Kristus, ne rimormior yatyata amlawanni mak kmalawna Uplerlawna, mak hota kler la matmiati-molmuolu plalahwa pa rrinnia la ai mormiori ralamni, hota npehela ga'a pa Uplerlawna Nhur niohora pa riy yatyat de ntutga rupni.

1Ptr. 4:7

Ina-nara ama-hyali, nohkerna-rai miaran di de hota nwakrian pia nler la hohoni (noha niata). La hade pede mpiaror samomuou me miatu miodi inonmi totpena mrian ralammi la Itmatromlawanni pa msiumbain rer lia.

Why. 1:11

Lir de niwra: “Mhuorat lolola hya' ed maka mumkeka ne mu'enyatga la krei mandiditu la leta-leta ri, de Epsus, Smirna, Pergamus, Tiatira, Sardis, Filadelfia, me Laodikia.”

Why. 1:3

Puk di, de makwohorulu-ktatrulu (nabi) lirni hadi, ne he' mak kpaikia puka la nhiopun lawna me mak katlina puk di lirni pa rlernohor reria, de hota rler la unut lawna yoma hota edonna nalo'on wal pia hare honona maka rakot nohora la' puk di de nwakrian wia.

Why. 10:4

La'pa kukru de nhaur re'eni wo'itu, dewade agiwa ghorta lira re, mere a'utlin de lira ida nwatiaga Ilyamou-Watyatoha pa niwra: “Muwunmua hya' maka kukru wo'itu re rakotkota ne yana mhuorta re.”

Why. 22:16

Yesus A'g inhatti. A'u'enyatg oleka A hopopnu totpena nodia lira ri tiy miy pa miala la krei-krei re honona. A' di de ray Daud duratni-waitni A'u. Wtion mak kreprepar la tipru A'g inhatti.”

Why. 22:18

Mhioratreria me! La'pa he' to'a mak katlin oleka lira-tunu mak aghorat targa ri, de yana mi'itra-milawan la. Yoma he' na'itra, de hota Uplerlawna ed mak ka'itar la niukamnu la'a nala mehra-mau liawna maka rakot oleka la puk di ralamni.

Why. 22:20

E' maka kakot nohora hare honona re plollolli, ed mak kiwra: “Plola pa Alier pa Amuai wia.” Ne Yohansi a'ukot walia: “Plola, Orgahi-Orha'a Yesus Mmuai wia.”

Why. 22:7

Yesus Nakota de: “Mpiaror kalwiedwed hari! Hota A'g ed mak kler pa kmai wia. He' ed mak klernohora hya' maka ha rakot targa la Puk di ralamni de, hota ler la unut lawna.”

Why. 22:9

mere nakot mai a'u: “Yana mhu'ru mai a'u, mere mhu'ru la Uplerlawna. Yoma a' niek de, E' ed mak khopn a'u pa emekwalia omuora inmu-narmu ammu-hyalmu makwohorulu-ktatrulu, me riy honona mak katlina-katailla lira-tunu la' Puk di ralamni.

Why. 5:1

La'awa honi de a'umkek nana la Uplerlawna mak kamtatan la gen tiutul die limni malganna ralamni, de Entorreria puka pniopna ida. Ne la' puk de ralamni de npenpuen niohora nhiorta lie'u la walli-walli ne e rala hiwliai (cap) wo'itu ra rtapal targa la.