Why. 21:11 - Alkitab bahasa Luang

¹¹ A'umkek de let de liplipa-kamka'ma yoma Uplerlawna hitni-reparni ndain nana. Me homarni-layarni emekneka watu welli werta, de namrehi-namda'ar la watga baiduri pandan, yamkekni namememi emekneka watu liplipa.

Why. 21:11 Iomraidhean Croise

Why. 15:8

La Uplerlawna romni ralamni de ai miokla npupun nana. Ai miokal de nnia'eratni de Uplerlawna hititni-repreparni tutullu-lolo'oni plollolli-mneneheni. Ne la'pa mehra-mau liawna re wo'itu mak hopopna re wo'itu rodia re de edonna rtutu-rte' ma'ta, de riy id mana ta'enniana nhu'ru la Uplerlawna romni de ralamni.

Why. 22:1

Hopopan de ntut wualia gerlawna mak kodia mormiori-dardiari, mai a'u. Gerlawna mak kamememi pa itamkek de nlipa-nka'ma pa emeka wat mi'na, de nwatiawua Uplerlawna nor Dum A'na de liwangen tiutullu pa nwau

Why. 22:5

La' ler de edonna rtutin wa'du, me lera mana edonna nhita-nrepra yoma melmela hadamonan la hande, yoma Orgahi-Orha'a Uplerlawna ed mak khita-krepar la hande. Hota Uplerlawna mutnu-rahanu re er mak kre'ela pa rodi plolli wal pia nodi liarni.

Why. 4:3

Riy de Nhita-nrepra liplipa-kamka'ma ne lipni emekwali watu motmota mak kwawa Yaspis me watu mermera mak kwawa delima. Ne ohni ida horni emek watu motmota mak liplipa-kamka'ma pa nle' niana liwangeni-mtatangen die.

Why. 4:6

La' liwangen tiutul die gaini wali, de hadom yamkekni emolmolla hletan lawan mak kamememi ne nheik nohora la watgai liplipa (kristal). La' liwangeni die walli-walli de hamormiori wogata e rhapet reria. Ne la to'orni-gaini de rpenpuen lia matni.