Why. 20:11 - Alkitab bahasa Luang

¹¹ Nhor nioma a'umkek nana liwangen tiutulu wo'a wahra ida, de E' ed maka kaliwna la liwangen tutul die. Lyanti me nohkerna mana ta'enniana ndella E matni nayanni pede nmol tietema.

Why. 20:11 Iomraidhean Croise

Puka Pianullu 18:25

Olie'tu la hihi'a-yapyapia mak emkade, Mpuenan wutu riy dodo'a-halala rora riy plollola-mneneha, nhi'nande mak kaplola re emekwali mak khi' hala! Olie'tu la hihi'a-yapyapia mak emkare tiy O'a! Yanhi'pa O' mak ktorna watghudi lokarni-tatiaili lahannu la noheri woru-lyanti nayanni edonna Muodi plollolli pa Mukmua?”

Nhiara 102:26

La'a ululu memna, la' noha gergera-tatiah'i ma'ta de O' ed mak kakoki-kayapia noh maran di me O orgahamu ed maka khi' nana lyanti.

Nhiara 47:8

Yoma Uplerlawna E' ed mak kla' Ray pia ktorna-kraut la'a noheri woru-lyanti nayan di. Ta'uli-tawedia de tala wniatunu-wniahniara mak it taloiya de yatlinni samoga.

Nhiara 89:14

O' de mak karehi la ara. Riy edonna rpar nana O tnioranmu-riautmu, me O rurmu-laimu de ho'mana riy edonna rlol ewatni.

Nhiara 97:2

Orgahi-Orha'a Nayahew lia kakam metam lawna. La'a tnioranni-riautnu de, Nahak to'a plola-mneha wawannu. Emeknekama Nhi'a plola-mneha me rhi'ina-rella la lodna-hairni wniatatgenni.

Dan. 2:35

La'pa mtatande nekpa atiehra de namkokohola genni pa naniutni-namdieran nohora mnotna, tan miera, pi'ra tnieri mah wawahra, me maha ihi maka kwali olek la eni-tani emekto'ama metma watra lawna kownu nniutni-mdieran genni la'a lerwarnu lerni. Kownu naniutni pa nwal tio'ola haga'u-hamda'ar maka anni ha nten dioinia la pa nakleh lu'wu-makmu. Mere wat tpo' lawna maka kwaklolierun pa katpie'era atiehra de nwalia wo'or lawan maka napen niana noheri woru-lyanti nayanni.

Dan. 7:10

Me ai mormioria lomarni nlergot la liwangen die pa nwawuau emeknekama ger wawuau. Makalima-kalaka E'a re riwnu-halli. Hopopanni-lili'irnu yuta-yuta rtutrier lia E gaini ralamni totpa rlernohora E lirni. Nhor nia'nama mak ktorna watghudi lokarni-tatiaili lahannu (hakim-hakim) rewre'wa pa ramtatna la nhio'ota-liewta la, me rwe'er doinia puka-puka re wa.

Mat. 11:22

Mhioratreria, la'pa ntutu-nte'ela watghudi lokarni-tatiaili lahannu la lera noha niatni de hota Uplerlawna niukamnu la' miy wawanmi nareh dioin la mak kden la leta Tirus nora Sidon re.

Mat. 24:35

Hota lyanti nora nohkeran di mana rmolu-rhelam wa mere A li'ru-tu'nu de ndella pa nodi liarni.”

Mat. 25:31

“La'pa Rimormiori A'na A Muai owa'an de hota Agodi plo'lu-mneh'u. Ne hota A hopopna-lili'iru honona rlidan nohora-rtaur nohora A'u. Hota A'umtatn A lia liwange'nu-mtatange'nu, maka hitita-homomra.

Roma 2:5

Mere rwaldioinia de miy o'ta tehra pa miy edonna mpiayow pa miolli nhiolmi. La' hade pede orgahami mi'itar rer lia do'omi-halmi niukamnu werweratni la'a lera hohoni, mak hota Uplerlawna Ntutga hankeranni me Netlia niukamnu de ndella plol wawna pa riy honona ramkek memna.

2Ptr. 3:7

Ne emeka la' ler ululu de Uplerlawna Nnairia E lirni pa Nakoki-nayap niana nohkeran di, de Ennair ma'ta E lirni pa Entera-ndema nohkerna totpena la'pa nte'ela ler noha niatni de hota Enala ai na nram doini nohkerna nora lyanit marna pa Nukmua riy yatyata re honona mak edon klernohora E ralma-riorni.

Why. 12:8

Mere Mikhail nala niy liawan della yawa. Noma niy liawan de nor wut nieka hopopanni re, Uplerlawna edon Nwayow nohora pa rden la Ilyamou-Watyatoha.

Why. 16:20

Noha-rai honona ratniepar wehlihi-radgaur wat muetma me wo'ora-kawur re honona mana emeka ha nhiera-nhiapua.

Why. 19:11

Edon nalo'on wali ne a'umkek de Ilyamou-Watyatoha ema rhar dioinia ne kud wawahra ida etla rialma. Mak kha' kud de nwawa riy Mak kdenreri (setia) me riy Makden la Plol wawna. E' ed maka khudi-kpara la plol wawannu me edonna nwehwa hal la ar ralma.

Why. 20:2

Dewade ntorna niy liawan mak kolkuol die, maka rhoiya la Hegana amlawanni onde Setan inhatte, pa nkenia ranti la limni totpena naknioh niana la anni riwnu id ralamni.

Why. 21:1

La' noma a'umkek nan walia lyanit warwuaru nora noh warwuaru. Lyanti nora nohkeran mak kala' ul muemna ema rmol tietema, me la' walia tah'i lawna mana edon tamkek nan walia.

Why. 21:5

Dewade Mak kamtatan la liwangen tutul die niwra: “Mitlina! Dodo'ondi de Aghi'a hare honona de warwuaru momuoga.” Enakot wal mai a'u, niwra: “Mhuorta hadi, yoma lira-tunu ri de ha plollola re, ne hota hare er maka riy rpesiaya.”

Why. 4:2

La'pa mtatan de nekpa Uplerlawna Nhiwni Nodi plolli mai a' pua umkek la Ilyamou-Watyatoha de Riy ida e Namtatna la mtatangenni ida.

Why. 6:14

Lyanti yamkekni emekneka kartasa pniopna pa nmol tietema ne wo'ora tutulu re ror wut nieka noha-noha re rmol lia genni-tienni.