Why. 2:5 - Alkitab bahasa Luang

⁵ La' hade pede mpiahniorat la' temmi me mpiaror nohor owa'an ralam kalwiedmi la' ler ulul die. Mhioitio'or doin-mtiahnei dioin la nhiolmi-lietmi dodo'ondi mak kod miy lia do'a-hala, ne mipali owa'ana nhioli-liet ululmi. La'pa edonan de hota a'g ed mak kmai pia kwuh dioinia wa'du wniatatgenmi de la' genni-tienni.

Why. 2:5 Iomraidhean Croise

Mat. 5:14

Ne miy di mana emolmolan nekama repreparni mak khita-krepra la noha wawannu pede riy ramkeka. Miy emekwalima let maka kden la wo'ora wawannu, de edonna nayade'a.

Mat. 5:15

It edonna tatlin etia de riy rtutni wa'du nanpena rala ktopra ra rkadwua pitpitga. Mere nhi'inde rkenia wa'du della wniatatgenni totpena lelera la riy honona mak kden la roma nayanni.

Mrk. 12:9

Noma Yesus Natiana la mak katlina re Niwra: “Nah! La'pa ora nhyi' de nawal pia nmai de hota hya' ed maka ha nhi'a la maktimni-makdahara reno? Hota nma nhapartikil nohora re ne hota nwenna re, totpena nal to'a la riy doma rtimnia.”

Luk. 1:17

Hota nlernohora makwohorulu-ktatrulu (nabi) Elia yehwani la' ler delloo! Yoma Uplerlawna Nhiw Lululli Naruri-nalai nian e'a. Pa hota enala' ul pua nwalipra-nwahyaria Orgahi-Orha'a talanni totpena Israel rimormiorni re rwahi' targa la Orgahi-Orha'a maimiaini. De e' ed maka khi'a pa riy maka kor inni-amni onde upni-a'nani rahuri-rawo'ora hota rkalwied owa'ana. Ne riy mak edonna katlina-katailla Orgahi-Orha'a de Enwatut pua ratu ratlina-ratail owa'an la Orgahi-Orha'a, pa emeknekama riy mak kaplol la Uplerlawna yamkekni.”

Luk. 20:16

Hota nma nhapartikil nohora re ne hota nwenna re, totpena nal to'a la riy doma rtimnia.” La'pa riy mak katlin nan hade, de rna'erit nana lir de nnia'eratni, noma rakot la Yesus riwra: “Hota emkameni ho'mana hota yana rhi' emkade!”

Gal. 5:4

La'pa mpiaka pa mior Uplerlawna mkialwieda yoma mliernohora agama deullu-tatarni, nnia'eratni de mior oleka Yesus Kristus yala'wutmi npahokar tar wua. La' talan emkade pede mhioitio'or doin la Uplerlawna sniayanni mai ita.

Pilipi 2:15

Mhi' emkade, de emekwalima mtiutg oleka Uplerlawna upni-a'nani mormiorni-dardiarni, momuounu-witwitanni, me nhiolli-lietni mak kakleha do'a-hala kuku' eti mak kmor lia plol wawna la'a riy yatyata-halala ha rden la. Mhi' inonmi pa emekneka ai mormiori mak kodia lelerni la' noha wawannu pa mikot nohor ir la kot mak kodia mormiori-dardiari. Hota la' miy mormiormi mak emkade de, aghi'a la' a nhiaparge'nu pa uhepur nohora, la' lerni la Kristus Nawal pia Nmai. Hade edon nhala mere naplol toto' meman la, de a liwtu-odwu mak kodia hini-turnu.

Ibrani 10:32

Mere ina-nara ama-hyali miy, mhioratreria la' ler delloo, la' ler maka mliernan oleka Uplerlawna Kot Kalwiedni. La' ler de mliernan walia kropna-krieutu pa mpiolpuol inmi-mpiakwak ammi, mere miy edonna mpialer la miy pesiaymi.

2Ptr. 3:17

Ina-nara ama-hyali mak kden la a ralmu, miat niohora oleka tungkuru mak edon kaplola re ha rlolola, pede erammi la temmi. Yana mliernohora ir pa rtot miy lia klieratni. Ir er maka kadunti-kawetria hya' mak kaplola. Ne la'pa mliernohora de hota miolin doin pesiaymi mak karur die pa mlier la klieratni.

Yudas 1:24

Mai pia ta'uli-tawedi Orgahi-Orha'a Uplerlawna-Mempulwatnu la tutullu-lolo'oni. E' nanpena ed mak katiaka totpena yana mtiuini, ne E nanpena ed mak kod miy lia E gaini ralamni, de mikleha do'a-hala kuku' eti me mimdien rer lia ralma hepuepru. Hota mior wutga E' la E genni la hititni-repreparni, homomarni-laliairni ralamni. E inhatte Uplerlawna-Mempulwatnu maka kamori-kalewna ita, yoma ita talair nohor A'nani Yesus Kristus, Itmatromlawanni. Mai pia ta'uli-tawedi tlilili-tmamuau E'a onnila E preheni-mkaini, rurni-laini, plolli-mneheni. Enmeh'a ed mak kodi plola-ktaryatu la'a noha gergera-tatiah'i ma'ta, la' pa dodo'ondi pa nodi liarni. Amin (Plola). A kalwie'du, Yudasa

Why. 1:20

Wtiona re wo'itu de nnia'eratni, de Uplerlawna hopopanni-lili'irnu la'a krei wokni re wo'itu, ne wa'du wniatatgenni re wo'itu re, de nnia'eratni krei wokni wo'itu irhatta. Hade de nnia'eratni la' wtion mandiditu mak omumkek oleka la A li'mu walli malganan de, ne la'a wa'du wniatatgenni wo'itu mak ha rwewal nana la maha.”

Why. 16:9

La'pa lera nhit amutni-aki'ir rimormiori re, noma rwohora-rtatra Uplerlawna kotni-nanni mak kodi plolli pa Nala niukum lawna rilla' rimormiori. La'pa emkade ho'mana riy id mana edonna nhoitio'or doini-ntahnei dioinia nhiolli-lietni, ne nahmena na'uli-nawedia Uplerlawna la gen tiutullu.

Why. 2:16

Dodo'ondi A'ukot tiy miy totpa mhioitio'ora-mtiahnei lia do'omi-halmi re. La'pa edonan de, edon nalo'on wali pia hota Aghapartikil nohora miy lia genmi, pa Agala wehla ara, maka A'ukloman rer die pa gatipna-ghewra miy mak edon mhioitio'ora-mtiahnei dioinia do'omi-halmi re.

Why. 2:19

Agat niohora hya' maka ha mhi'a honona re. Agat niohora la miy die, miatu mtiulla-msiayni rimormiori wialmi. Mdien rer miamain la miy pesiaymi mai A'u. Mhi' arur miatmata la' A knia'ru, ne miatu miod niohora lui-nuhru, polpuol ina-wakwak ama. Agat niohora la miy die de, mipe'el la A knia'ru, pede nod miy lia ga'a, ne nareh mieman la ululu.

Why. 2:2

Agat niohora ilmi-wniehwami, de mial ralam tetema pa mhima-mrie'a Uplerlawna kniarni, ne la kropna-krieutu, lui-nuhru ralamni de miy e mitahan ralammi. Agat niohora walia de miy edonna mhiur niohora riy yatyata-halala. Ne riy mak kran inonni de emekwalimde makodia Uplerlawna lirni-tunnu mere edon raplola, miwerta-mitaili olek ir pa mliernan ir de riy maka ka'ohpa-kalahara.

Why. 3:19

Riy mak Asiaynia re ir er maka nhi'inde Apuol niohora me Awuale'era mak khala. La' hade pede inonmi re rapepe'ela, ne mhioitio'or doin-mtiahnei dioin do'omi-halmi.