Why. 2:23 - Alkitab bahasa Luang

²³ Mak klernohora e' pa emeka riy ida nlernohora inni-amni, de hota Ariahmi wenwenna, totpena krei mutnu honona re rwera matni pa ratga de A' di de ed maka kat niohora rimormiori ihranu ralamni. Ne Awuahla doin memna riy nenenna hihi'ini-yapyapni.

Why. 2:23 Iomraidhean Croise

Nhiara 139:1

Hadi de Daud nhiar ya'ulli-yawedni maka ha rala la mak khi' o'ta la mak kwatunu-kwahniara: Matromlawnu nee! Omumkek rer nieka a ihru-ralmu pede Omuat niohor oleka a wua!

Nhiara 26:2

Matroma Orgahamu Muwerta-mutaili a'u totpa Muat niohor memna a ihru-ralmu.

Nhiara 44:21

Mere ami e mru'u-mtowar rer lia O omueh'a me ami' edonna mru'u-mtowar la hairi-hairi dom to'a uplerni-upmatni.

Nhiara 62:12

La' re'eni wo'ir olek pa utlin nana Uplerlawna Niwra la'a tniorna-riautu plola-mneha de rwatiaga E'a.

Nhiara 7:9

O' ed mak ktoran reria watghudi la rimormiori re honona. Mual a lia plola wawannu Matroma, yoma a'g edonna ghala.

Mat. 16:27

Hyalmi re, mial ralammi tetema pa mliernohor A'u yoma hota la' ler noha niatni de Rimormiori A'na A' die gor wutga Uplerlawna hopopanni-lili'irnu ammai die Agodia A A'mu plolli-mneheni. Hota la' ler de Amuai pia Awuahla rima-rima hihi'ini-yapyapni maka rhi' nana oleka wa.

Luk. 16:15

Mere Yesus Nakot la re Niwra: “Miy di de mtiut inonmi la riy yamkekni pa emeknekama riy plollol miy. Mere la'a Uplerlawna matni de Enamkek eti-lahwa miy pa Nat niohora ihrami ralamni yatyatni re mak kod rer niek la kupna. Ne la'a hya' maka rimormior nhi'inde rahakhaka de hota ha yatyat hade la Uplerlawna matni yamkekni.”

Yoh. 21:17

Yesus yatianni re'eni wotellu Niwra: “Simona Yohansi a'nani nee! Plola o' e msiayni A'u?” Dewade Petrus ralamni nmayo'a yoma tiana re'eni wotel muemn olekwa. Noma Petrus nwalol owa'an la niwra: “Matroma, Matro'mu Natg oleka haneknek wawannu. Matro'mu Natga de a ralmu e nod rer lia Matro'mu.” Noma Yesus Nakot la Niwra: “Demade, mhilpai-muanatga A du'mu re.”

Yoh. 4:16

Noma Yesus Nakot la Niwra: “Mlia' pa mpuolga muanke'emu pa mrio'a mmiai.”

Kisah 1:24

Noma rsumbain nohora pa, rwaka plolli-mneheni la Uplerlawna. Rsumbain pa riwra: “Orgahi-Orha'a Omuat niohor oleka la riy honona ihranu ralamni. Yudas ntuini olek la genni, emolmolla makodia Uplerlawna lir kalwiedni pa e nmati olekwa, ne nla'awa geni maka hota nlernana hihi'ini-yapyapni wniahlani. Pede Matro'mu, orgahamu Mtiutga he'a mak O ralammu nala pa nkar lia kniarmu di. La' riy maroro'a ri de, Mtiutga riy id pa nwauga Yudas.”

Roma 14:12

La' hade pede erammi la' temni. Rima-rima natiak la hihi'a-yapyap wamueheni yoma hota mpialol nohora la'a Uplerlawna.

Roma 8:27

Ne hota Uplerlawna, mak kat niohora rimormiori it ralamni, pena E nekpa Nat niohora Nhiwni yala'ani plolli la it polpuolu-wakwakni, de Uplerlawna Nat niohora de Nhiwni de Nlernohora Uplerlawna ralma-riorni pa Nwak la Uplerlawna onnila makpesiay polpuollu-wakwakni.

2Kor. 5:10

Yoma hota edonna nhal kuku' et lia la'pa it hononita tawok tar lia Yesus Kristus mak ktorna watghudi lokarni gaini ralamni totpena hota rima-rima rlernana nhiolli-lietni wniahlani la mak nden ma'ta la nohkerna wawannu de. Nhioli-lieta yatyata onde samomuounu rlernan momuoga wniahlani honona.

Gal. 6:5

Yoma rima-rima rmeh'a rakwar to'a kwar wamueheni.

Ibrani 4:13

Rimormiori id mana edonna nayade'ela Uplerlawna matni yamkekni. Haneknek wawannu de emeka halyehwa pa nayamkek momuou lia E gaini ralamni. Ne it mana hota twalol nohor ploini-ple'erni la' hare honona maka itsi'a-tyapia la'a E'a.

1Ptr. 1:17

Miy msiumbain de nhi'inde mpiet la Uplerlawna de miy Ammi toh! Ne miy Amlawanmi de ed maka hota Na' reria watghudi la rimormiori de edonna Nwaliria matni enni, mere nlola rhi'ina leltiutu-relan mahmera (nhudi-npara rimormiori nlernohora ir hihi'ini-yapyapni). La' hade pede miatu mi'unni-mimta'ata Uplerlawna pa mhiol lia plol wawna la mormiormi tetema la' nohkeran di, yoma miy mormiormi di, de emolmolan nekama riy mak klaun la riy nohoni la ler ho'ke'eni to'a.

Why. 2:11

La'pa he' ed mak katlin olek hari, de mhioratreria hya' maka Uplerlawna Nhiw Lululli Nwakdie'eta la krei wokni-le'enu honona re. Hameni ed mak ka'untu de hota naplin niohor oleka matmiati re'eni wornu.”

Why. 2:7

La'pa he' ed mak katlin olek hari, de mhioratreria hya' maka Uplerlawna Nhiw Lululli Nwakdie'eta la krei wokni-le'enu honona re. La' hameni ed maka ka'untu la do'a-hala ralamni de, de hota Awuayow nohora pa nre'ela na'ana auwo'a mak kodia mormiori-dardiari mak kmor lia Uplerlawna nhyi'ini maka rweta la Firdaus de.”

Why. 20:12

Ne a'umkek de mati-molu kuku'uni-lalawanni raprir pia rpepan reria liwangen tutul die gaini ralamni. Noma puk ke'a-puk lawna re honona de rawnial momuou. Noma puka id to'a de puka riy mak kmormiori pa nodi liarni. Dewade retlia mak kmati re niukamnu edonna npa'eini-npahal et mieman la maka ha rhi' nana, yoma er momuou lia puka re ralamni.

Why. 20:13

Noma la tah'i lawna mana nal walia riy maka e nlumu-ntelan nan oleka re. Maka'ala riy aranni (Matmiati) nora Noh mati-rai miolu mana ral walia mati-molu re. Ne mati-molu re honona mana retlia ira niukamnu de edonna npa'eini-npahal la'a hya' maka irhi'a-ryapi oleka wa.

Why. 22:12

Mpiahniorta Yesus lirni hadi: “Hota edon nalo'on wali ne Amuai, ne Agodia siewa-kai pa Agala wuahla rimormiori hihi'ini-yapyapni. Siewa-kai die nlernohora hya' maka ha rhi' nan oleka wa.

Why. 6:8

Noma a'umkek nana kuda ida de nmota-nma'ara. Riy mak kha' nan de nwawa Maka'ala Riy Aranni (Matmiati). La' to'orni de Noha Mati-Rai Miolu e nlernohor reria. Rimormiori miakden la nohkeran di de rtaw dioinia id ralamni la'a nhiakra ralamni re'eni wogat la (seperempat), pa rala la Maka'ala Riy Aranni (Matmiati) me Noha Mati-Rai Miolu die totpena rala rwenna rimormiori re la ar ralma, la rehka-lara, la nnieni-nhiena, me la' walia la'pa oha-ahu rlihir motmota-rhaw riarara.