Why. 19:8 - Alkitab bahasa Luang

⁸ hewewta-naniairia mak kamnurnuhru mak kmou-kwitna mak klipa-ka'ma de, maka Uplerlawna Nal oleka la.” Naniair de nnia'eratni de nhioli-lieta, ilu-wniehwa mak kaplol la Uplerlawna yamkekni mak Uplerlawna mutnu-rahanu rhi'a-ryapi oleka la nohkerna wawannu.

Why. 19:8 Iomraidhean Croise

Nhiara 132:9

Ampakwak pa riy makpolu-makwak la O'a la rimormiorni rerieini (imam-imam) rden rer niek la plol wawannu ne rimormiormu mana ramuki-rahepru, rwatunu-rwahniara.

Rano'a 31:22

Enmemeh'a nekpa orgahi nkaria saprei mak samomuou muemna me rayanni maka e nnairia de nhi' nana la koka lenan maka horni ungu pede honona re de samounu.

Mat. 17:2

La'pa rwatniar temna Yesus de gaini to'ama. Yesus gaini emeknekama lera mak kreprepra me naniayarni liplipa-kamka'ma.

Mat. 22:12

Noma ray nakot la riy de niwra: “Hyalia, nihya'pa Ommuai handi de o' edonna mniairia naniairia muki-hepru la'a mehlima-marya' dina?” Mere riy de edonna nwalol hadoma.

Mrk. 9:3

Ne naniayarni hitita-reprepra. Riy id la nohkerkeran di wawannu mana edonna namkek taru naniair wawahra mak emkade.

Luk. 24:4

Rtutrier die rmeh'a rahihi'a la genni yoma wniarorni la maka ha rwahaka de. Noma plinu-plinnianama riy woru rlipa-rka'ma nohora naniayarni pa rtutrier wiut lia ira.

Kisah 1:10

La'pa irwatniar rer mia'ta la lyanti maka Yesus Narian de, de plinu-plinnianamde riy woru rnair wawahrani pa rtutrier lia ir onni.

Roma 13:14

Mere tlernohor neka Itmatromlawanni Yesus Kristus hihi'ini-yapyapni, nhiolli-lietni. Ne hota hihi'ini-yapyapni, nhiolli-lietni de, emeknekama keki-rautu ar ralma maka it tnairia. Ne yan memmemna tlernohora ita yehwa rimormiorni mak kod it la do'a-hala, yoma itwaror nan hya' la' it ralamni de itiwra tsi' memna.

Roma 3:22

De hota Uplerlawna talanni de totpena rimormiori rora Uplerlawna rkalwied owa'ana, hornama rimormiori rpesiaya Yesus Kristus. Uplerlawna hihi'ini de la'a rimormiori honona ramneneh momuou, edonna la'a wniarorni to'a-taiya.

Why. 15:4

Hota he' wal pia edonna namta'at O'a, Orgahi-Orha'u ne? Me hota he' wal pia edonna nakot nohora O tutulmu-lolo'omu Matromlawnu ne? Ntut tiar lia O muemeh'a nanpa Mmuou-mpitna. Rimormior nohkerna honona hota rma rkolla O lakmu, yoma iramkek nana hihi'imu-yapyapmu makden la plol wawannu.”

Why. 15:6

Noma hopopna wo'itu mak kodi plolli la mehra-mau liawna re wo'itu mana, rlergot la Uplerlawna romni ralamni. Honona re naniayarni maka ratenin nana la ahwa mnurnuhru, de rmou-rwitna me liplipa-kamka'ma. Ne ihranu de ral maha ra rwowa.

Why. 19:14

Mak ktorreria keki-rautu re la'a Ilyamou-Watyatoha rha'a kud wawahra pa rlernohor reri E'a, me ema ramrewrehwa la naniairi mak kamnurnuhru wawahra mak momuou.

Why. 3:18

La' hade pede A'uno' miy totpena miwelia A mah'u, yoma A mah'u de maha ihini, totpena mtiaru. Miweli wialia naniair wawahra la mai A'u totpena mniairia, de ma mihewua miy inonmi mak kamola-kama' miy die. Ne miwel wialia wu'ru-atiawi totpena ma mpianapal matmi totpena mimkeka.