Why. 19:6 - Alkitab bahasa Luang

⁶ Nhorwua dewade a'utlin emekneka lir wok lawna ida yetanni emeknekama yo'or lawna, ne anin lawna mak kodia ihini-turnu pa kukru-gauru idma na'it nan ida. A'utlin lirni re riwra: “Haleluya! Ya'uli-yawedi tiy O'a Uplerlawnu ne, mak kdella tutullu-lolo'oni! Yoma Omtiorna-mriautu la hanek-harahu wuawannu

Why. 19:6 Iomraidhean Croise

Nhiara 47:2

La' rimormiori honona mak kden la lodna-hairi re, hononmi mriarni-mriarin pa mpiok limmi. Ne mi'uli-miwedia Uplerlawna de neniehu-tertermi.

Nhiara 47:7

Mpiatunu-mpiahniara nhiara ya'uli-yawedi la'a Uplerlawna. Mpiahniara nhiara ya'uli-yawedi la it Rayni.

Nhiara 77:18

La'pa Omuai die, wowat lawna nturga otna-anni. Me kukru-gauru yetni warna ne la'pa layera ho' de nahyol lia tipru warta-ra'i tranna, pa emeka O ra'pa ihimu mak klol la meni-meni to'a.

Nhiara 93:1

Itmatromlawanni de Makdenreri E'a. E' de Ray inhatta. E Nodi plolli-ntaryatu, me ruri-lai mak penpuenu tetema pa emeknekama ray ida mak kamrehi-kamda'ar nohora ray naniayarni de. Itmatromlawanni Nhi' pa nohkerna-rai miarna nayarir die npitu-nkora, me edonna nlika-nwo'la la genni.

Nhiara 97:1

Itmatromlawanni Makdenreri de ed mak kla' Ray inhatta. Pede nohkernu ne, muhepru! Ne noh pa'etu-rai piatatra re mihe' niohora kiehenmi-nhiarmi.

Nhiara 97:12

Miy mak kden la plol wawannu de mihepuepur nohora hare honona maka Itmatromlawanni Makdenreri de Nhi'a la miy rerieimi. Mi'uli-miwedi mlilili-mmiamuau E' nanni makdella mounu-wahrani.

Nhiara 99:1

Itmatromlawanni Makdenreri de Ray inhatta mak kodi plolli, pede rimormiori mak kwatiawua noha-rai honona rdiwdiwra. Orgahi-Orha'a de Naliwna la Kerub wawannu mak kdella luwuau nnio'taru wawannu, pede nohkerna-raikieran di nlika-nwo'la.

Mat. 6:13

Yana Muolin doin limmu-mpue'er rormu mai ami, yanpa la'pa hegana-kawnu rta'ag am die, hota amler la do'a-hala ralamni. Mere Muwohor doinia hegana rurni-karatni mai ami. [O' ed mak ktoran reria lodna-hairi me Mumrehi-mumda'ar nohora hititmu-repreparmu pa nodi liarni. Amin (Plola).]

Why. 1:15

Lakni lipa-nka'ma pa emeka pi'ra maka ai ha na'an nana. Lirni emeka ger wawuau mak kayorni.

Why. 1:8

Uplerlawna Orgahi-Orha'a ed mak kdena la' dodo'ondi, mak kden olekwa ne mak kden pa nodi liarni. E' ed mak ktorna nohkerna tirni me, krautia lyanit marna ga'arni. E' ed mak khar lirni pa Nakot emkadi: “A'g e ed mak ha rweta la Alpa nor Omega yoma A'g ed mak kala' ulu me A' wal pia ed mak kden la li'iru.”

Why. 12:10

Rnaklia la pliorni dewade utlin de lira prakrahka ida nwatiawua Ilyamou-Watyatoha pa niwra: “Lera inhatti pa Uplerlawna Nalewna rimormiorni. Dodo'ondi Uplerlawna Ntutga lodanni-hairni. La'pa dodo'ondi de Ray maka Uplerlawna Nano'targa pa Namori-nalewna rimormiori de Ntutga plolli-mneheni. Yoma hegana amlawanni mak kwaghala riy makpesiay la Uplerlawna gaini ralamni la' lelera-melmela re, ema rho'or dodioini oleka la Ilyamou-Watyatoha.

Why. 14:2

Ne a'utlin walia lira yetanni nwatiaga Ilyamou-Watyatoha de emekneka yo'or lawna ne, anin lawna mak kodia ihini-turnu pa kukur lawna ema rgorrernia. Lir de a'utlin de emolmolla tiwla-prai mak kwatiaga riy maka kahe'i-kahepru.

Why. 19:1

La'pa nhorwua noma a'utlin nana hadom yetanni emolmolla mutlialawna ida la'a Ilyamou-Watyatoha rhaunu riwra: “Haleluya! Mai pia ta'uli-tawedi it Uplerlawanni la'a gen tutullu-lolo'oni yoma E' ed mak kodi plolli. Ita Uplerlawanni de ed mak kamori-kalewn ita. E' ed mak ktorreria watghudi lokarni me tatiaili lahannu.

Why. 19:4

Dewade o'ta-mata riy terampworu wehrani wogata re ror wut nieka hamormiori re wogata ruh' idma-rrama lia'ar la Uplerlawna mak kamtatna la liwangen tiutullu pa riwra: “Amin Haleluya! Mai pia ta'uli-tawedi Uplerlawna.”

Why. 21:22

A'g edonna umkek nana roma-krei la let de ralamni, yoma Orgahi-Orha'a Uplerlawna-Mempulwatnu Makodi plolli E inhatte Nmeh'a nor wutga Dum A'na de Nwauga roma-krei die.

Why. 4:5

La'a liwangen tiutul die hitita-repreparni rpira-ra'pa emek hita-tlena, me kukru-gauru yetni warna. Me la'a liwangen tiutul die gaini, de hulga mormiori wo'itga e rawniau. Hare de nnia'eratni de Uplerlawna Nhiw Lululli maka riwra Uplerlawna nhiwni mandiditnu.

Why. 6:1

Nhorwua noma a'umkek nana Dum A'na de Nreye'era hiwliai mak kakniulti ida la kniulit taru re wo'itu. Noma a'utlina hamormiori id la hamormior wogata re nhar lirni, niwra: “Mmuai!” Lirni prahkani emekneka kukru-gauru.

Why. 8:5

La' noma hopopan de na'ala lari die pa nala ai miakden la katri'ana de pa narialmua lar die. Noma nwa'ala la nohkerna wawannu. Dewade kukru-gauru hita-tlena mana pro'a-prahka. Ne layera mana nwadawra malwiru-malganna pa nwal lia upkarururu. Noma noha nawnieta-rai nadwiera.