Why. 19:18 - Alkitab bahasa Luang

¹⁸ Mmiai pa mrie'ela mi'ina hare honona mak rarni ktur lia wewna wawannu de ihini-rarni, emekwali ray-ray ri ihini-rarni me mak kodia ahu namni la ar ralma, me riy mak karuri-ka'orta ihini-rarni, me la' walia mak kha'a kuda re, me kudni re ihini-rarni, me rimormiori kuku'uni-lalawanni, ata-wa'ara, hopopna-lili'iru me marna-wuhura ihini-rarni.”

Why. 19:18 Iomraidhean Croise

Mat. 24:28

Ne emeknekama tamkek nana iha lakma e ntapoi reria re, pa nahe' niohora ya'ana, tat niohora mak kmati-kmolu etla hande, de emkade walia la'pa Amuai owa'an de riy honona rat niohor memna.”

Luk. 17:37

Noma maka Yesus ha Nwatutu-nwaye'a re ratiana Yesus riwra: “Maimiaimu de hota ha nayamkek la' hanmeni?” Noma Yesus Nwahla: “Hota emeknekama la'pa mak kmati-kmolu de raniewat la meni-meni, de riy rat niohora yoma ramkek nana iha lakma e ntapoi reria re, pa nahe' niohora ya'ana, de hota emkade walia la'pa Amuai owa'an de riy honona rat niohor memna.”

Why. 11:18

Rimormiori mak kahmena klernohora Orgahi-Orha'a de hururi-wowo'ora mere nte' olek la lerni pa Omulgota hankeranmu ne nte' olek wal lia lerni pa Omhudi-mpuara rimormiori mak kmati ri wa pa Omuala siewa-kai la mak khima-kre' O kniarmu, de makwohorulu-ktatrulu me la' walia O mutmu-rahamu honona mak ka'unni-kamta'ata, mak khu'ru-khelam tiy O'a kuku'uni-lalawanni. Dodo'ondi wa de nte'la lerni pa Mpueyata-mpuaniawua riy mak kweyata-kwaniawua ir rimormior wialli la nohkeran di wawannu.”

Why. 13:16

Rimormioria kuku'uni-lalawanni, makakleha-maktaru, ata onde marna, de hamormiori wornu de ntekal reria pa rhoiya limni malganna onde reranni pa rkenia kniaunu.

Why. 17:16

Dudallu termida maka mumkeka re, de ray-ray hare. Ne ror wutga hamormior die rewre'wa pa edon rtelan nana-raut nan owa'an patke' yatyat de. La' hade pede hota ir rler teman la patke' yat de pa reyahru hyonni-hyanni honona, me rhi' nana de natliawihi. Ne hota rtota inonni pa rlihir matmata-rhaw riarara patke' de ne rrinnia la ai mormiori ralamni.

Why. 19:5

Noma lira ida nwatiawu liwangen tutulu de pa niwra: “Makpesiay honona mak khima-kre'a Uplerlawna la'pa kuku'uni-lalawanni, hononmi mak ka'unni-kamta'ata E'a, de mi'uli-miwedia Uplerlawna la genni-tienni.”

Why. 6:15

La' dewade mak khi' ray lia nohkeran di wawannu, riy mak orgengeni, mak kodia ahu namni la ar ralma, makre'a-maktaru, mak o'ta-mata lola etnu liolli, ne mak kla' hya'a-hya' to'owa, mak kla' ata-wa'ara, me marna-wuhura mana ema rkor niana pa rade'a-ramoinia la hu'ula-ka'ara pa emekneka hunu-hliai makden la leri-watu rletni.