Why. 19:1 - Alkitab bahasa Luang

¹ La'pa nhorwua noma a'utlin nana hadom yetanni emolmolla mutlialawna ida la'a Ilyamou-Watyatoha rhaunu riwra: “Haleluya! Mai pia ta'uli-tawedi it Uplerlawanni la'a gen tutullu-lolo'oni yoma E' ed mak kodi plolli. Ita Uplerlawanni de ed mak kamori-kalewn ita. E' ed mak ktorreria watghudi lokarni me tatiaili lahannu.

Why. 19:1 Iomraidhean Croise

Nhiara 104:35

Mere Mhuo'or doin mak khi' do'a-hala re la noh di wawannu. Awuak pa riy yatyata-halala, Mkuoh dioinia-mhuo'or doinia. Mere la'pa a die, agiwra gala a ihru ralmu tetema pa u'uli-uwedia lilili-mamuau Orgahi-Orha'a, Makdenrer die, la tutullu-lolo'oni! Haleluya!

Nhiara 106:1

Ya'uli-yawedi la Imatromlawanni! Mmiai pia ta'uli-tawedi tsu'ru-tselma E' Makdenreri yoma ralam kalwiedni mai ita. Sniayanni de nodia pa nodi liarni.

Nhiara 111:1

Matromlawnu ne! Makdenreri O'a! Agala a ihru ralmu tetema pa a'u'uli-uwedi O'a mai woka-le'u muaka O rimormiormu e rhopun tar di.

Nhiara 115:18

Mere la' pa mak kmormiori it nampena er mak ka'uli-kawedia khu'ru-khelma klilili-kmamuawua E'a nwaga la ler di pa nodi liarni! Mmiai pia ta'uli-tawedi Itmatromlawanni Makdenrer die! Haleluya!

Nhiara 146:1

Haleluya! Ya'uli-yawedi la Itmatromlawanni Makdenrer die! Agiwra gala a ralmu tetema pa u'uli-uwedia E'a.

Nhiara 148:1

Haleluya! Ya'uli-yawedi la Itmatromlawanni Makdenrer die! La' Ilyamou-Watyatoha mniotni hononmi, mmia mi'uli-miwedia Orgahi-Orha'a. De miy miak kden la gen tiutullu mpiatniar la heyanna pa mi'uli-miwedia E'a.

Nhiara 149:1

Haleluya! Ya'uli-yawedi la Itmatromlawanni Makdenrer die! Twahniara nhiar warwuaru la'a Orgahi-Orha'a. Ta'uli-tawedia E'a la'a E rimormiorni yawokni-yale'enu.

Nhiara 150:1

Haleluya! Ya'uli-yawedi la Itmatromlawanni Makdenrer die! Ta'uli-tawed reria Uplerlawna la E romni nayanni. Ta'uli-tawedia E la genni-tienni mak karuri-ka'orta la Ilyamou-Watyatoha!

Nhiara 3:8

Mriuwun reri a'u Matromlawnu ne! Uplerlawnu ne! Mukmua re me Muala re pa wrika-wriai la genni.

Nhiara 62:11

Yana it tella it aparnu la'a hya' maka tawo'ora-talkgaul nana, ne yana twarehi niohora yohya' maka ha twarui-twate'la nana. Ittarg ho'mana, yana it nhioratni ndawar rer lia re.

Yunus 2:9

Mere a' di de hota agal hoihoi-tantiani la' O'a de awuatunu-wuahniar pa ga'uli-uwed re'ru. Ne la'a hya' maka a'g wuettar tiy O'a de hota gala. ORGAHI-ORHA'A, plollolli de O' inhatta ed maka kamori-kalewn rimormiori.”

Mat. 6:13

Yana Muolin doin limmu-mpue'er rormu mai ami, yanpa la'pa hegana-kawnu rta'ag am die, hota amler la do'a-hala ralamni. Mere Muwohor doinia hegana rurni-karatni mai ami. [O' ed mak ktoran reria lodna-hairi me Mumrehi-mumda'ar nohora hititmu-repreparmu pa nodi liarni. Amin (Plola).]

Why. 11:15

Dewade Uplerlawna hopopanni mak kmai lia wo'itnu nega noknokni. Pa tatlin de Uplerlawna hopopanni-lili'irnu la Ilyamou-Watyatoha rhaunu-rhaun pa riwra: “Plola-mneha la nohkerna wawannu dodo'ondi de ed olek la it Orgahi-Orha'ani limni ralamni, me la' walia mak E Ntutmuata-nkewra'a pa Namori-nalewna rimormiori. Hota E' ed mak kodi plolli pa nodia liarni.”

Why. 12:10

Rnaklia la pliorni dewade utlin de lira prakrahka ida nwatiawua Ilyamou-Watyatoha pa niwra: “Lera inhatti pa Uplerlawna Nalewna rimormiorni. Dodo'ondi Uplerlawna Ntutga lodanni-hairni. La'pa dodo'ondi de Ray maka Uplerlawna Nano'targa pa Namori-nalewna rimormiori de Ntutga plolli-mneheni. Yoma hegana amlawanni mak kwaghala riy makpesiay la Uplerlawna gaini ralamni la' lelera-melmela re, ema rho'or dodioini oleka la Ilyamou-Watyatoha.

Why. 19:6

Nhorwua dewade a'utlin emekneka lir wok lawna ida yetanni emeknekama yo'or lawna, ne anin lawna mak kodia ihini-turnu pa kukru-gauru idma na'it nan ida. A'utlin lirni re riwra: “Haleluya! Ya'uli-yawedi tiy O'a Uplerlawnu ne, mak kdella tutullu-lolo'oni! Yoma Omtiorna-mriautu la hanek-harahu wuawannu