Why. 17:17 - Alkitab bahasa Luang

¹⁷ Yoma Uplerlawna ed mak kal oleka kirkira-ralma-riora la ir wa pa rhi' emkade. Yoma Enala ralma-rior la ira pa rla' lira ida pa rotil targa plolli-mneheni tniorna-riautu la hamormior die, totpena enodi plolli. Ne la' talan emkade pede hya' maka Uplerlawna Nror targ oleka de hota ntutu-nte'ewa.

Why. 17:17 Iomraidhean Croise

Nhiara 105:25

Nhor diewade Itmatromlawanni Nawiru-nawal lia riy Mesir ihranu ralamni pa rahankeran rer lia E rimormiorni mak khu'ru-khelam la E'a, ne rputra-rpalka re.

Rano'a 19:21

Rimormiori honona nhi'inde rwaror nohora hya' ed maka ha riwra rhi'a. Mere hota Orgahi-Orha'a nanpena ed mak ketlia hare honona pa rayamkeka.

Rano'a 21:1

Orgahi-Orha'a Nawiru-nawewla ray ralma-riorni de pa emeknekama Nhi'a ger mak kwau die nlernohor neka maka ralamni ha Nakota.

Dan. 12:7

Dewade mak knairia koka mnurnuhru de nran limni rrora la lyanit marna pa nwet la Uplerlawna-Mempulwatnu nanni, totpa naplol nohora e lirni. Yoma Uplerlawna-Mempulwatnu ed mak kden la Ilyamou-Watyatoha Ilwo'itu-Dar Wonema (Sorga) ne E' ed mak kodi plolli pa nodi liarni. Noma maka knairia koka mnurnuhru de niwra: “Plol toto' meman de mahnekni de anni wotel rehenu. De la'a ler maka ha radunti-rawetria Uplerlawna rimormiorni pa nhorwua, na'nama hare honona maka khi' mati'ira ri, rhoru wual wia.”

Luk. 22:22

Plola, hota Rimormiori A'na A' die hota Amuati, emeknekama Uplerlawna Nakot tar oleka de. Mere hota la'pa he' ed mak ka'olga Rimormior A'na de, adoh! Riy de hota nler meman la yatyatni-halalli yatlorni-yatra'ani.”

Luk. 22:3

Noma hegana amlawanni narialmua Yudas maka ha rwet walia la Iskariot. Yudas di de riy id la maka Yesus ha Nwatutu-nwaye'a re termida wehrani woru inhatta re.

Luk. 22:37

Yoma mpiesiayo, la' Puka ralamni de e rhorat targa Yesaya lirni la'a A'u niwra: “Hota riy rhi' A' pua emeka mak kpera-kdaitia deulu-tatra id A'u.” Ne hota Alier la hare honona maka e rhorat targa. Meman nek la hya' ed maka ha rhorat tar lia' Puka ralamni pa rakot nohor A'u, de hota itamkek memna la dodo'ondi.”

Yoh. 10:35

Itatga la Puka lirni maka ha rhorat taru re rnairia pa nodi liarni. La' hade pede la'pa riy maka klernana Uplerlawna lirni-tunnu deullu-tatarni nek de, er maka Uplerlawna Nwet la niwra: Uplerlawna a'nani,

Yoh. 13:18

“Mere riy id tiy miy hota edon nlernohora re pede hota edon nlernan wali unut lawan de. Awualir olek miy wia ne A'g e gat niohora la' miy hononmi yehwami. Emkade ho'mana Awualir nian olek wali e' wa totpa Puka lirni ntutu-nte'ela e'a. De Puka lirni emkadilla: “La'a he' ed mak kor A'u pua ka'ana roti, de e' ed mak kmalawna la A'u”.

Yoh. 13:2

La'pa lera nheria, Yesus Nora maka ha Nwatutu-nwaye'a re ra'ana-remun rewre'wa. La' ler de, de hegana amlawanni nkar lia Yudas, Simon Iskariot a'nani de ralamni pede nwaror oleka totpena hota nwaldioin pa na'olga Yesus.

Yoh. 19:24

Noma makodi keki-rautu re idma nakot la ida riwra: “Yana iteti-tlaiya raini plalahwa di. Mai pia tsedu patui niohora totpena he' ed maka klernana.” La' hade de totpa hota ntu'tu la Puka lirni niwra: “Hota ir er maka khakre'era A naniai'ru, ne rhed patui la A rainu.” Pede makodi keki-rautu re rhi' emkade.

Yoh. 19:28

Yesus Natga de hare honona maka Uplerlawna Nhopna Enhi' de Enhi' pa nhorwua la dodo'ondi wa, ne totpena hya' maka Puka ralamni ha nakot taru re de honona ntutu-nte'ewa, pede Niwra: “Atie'ru kerna.”

2Kor. 8:16

A'u'uli-uwedi Uplerlawna, yoma E' ed mak khi' Titus pa ralamni napranran pa ntiy pia ntutu-nhan miy, pa emekwali a ralmu naplele'er pa atiulan tiy miy wiali.

Why. 10:7

Yoma la'pa ratlin nana hopopna wo'itnu de nega noknokni, de hota Uplerlawna Nhi' nana-nyap niana hya' maka Nano'targ oleka wa mere ululu rimormiori raplin mua'ta, de Nlernohora hya' mak Enakot nohora oleka la makwohorulu-ktatrulu mak khima-kre' E kniarni.”

Why. 15:1

Nhorwua noma a'umkek nan la Ilyamou-Watyatoha de hadoma mak kamehi-kayona me edon tamkek targa. A'umkek la de Uplerlawna hopopanni riy wo'itu mak kodi plolli la mehra-mau lawna la' hohoni wa. Eda di de la'awa hohoni la Uplerlawna Nhuri-nwalia hankeranni-ralmha'arni.

Why. 17:13

Ray termida ri, honona rla' lir ida pa honona re rala ruri-lai me tniorna-riautu la hamormiori die.

Why. 19:9

Noma hopopan de nakot mai a'u niwra: “Mhuorat targa lira ri: He' maka klernana polpuolu-wakwaka la Dum A'na mehlimni, de hota ed mak klernana unut lawna.” Noma hopopan de na'itr owa'an la lirni mai a'u niwra: “Lir di, de plola yoma Uplerlawna ed mak kakot nana de.”

Why. 6:11

Noma Uplerlawna Nala rain plalahwa wawahra pa rima-rima rnairia gahani. Ne Nhopan pa honona re rahe'he'elia hande pa rwewiei niohora mutwualli korni mak khima-kre'a Uplerlawna lirni-tunnu, mak hota riy yatyata re rwunu-rwenna pa emekwalia rwunu-rwenna olek ir wa. Yoma Uplerlawna Nror targa (Nakot targa) oleka de ha meni mak khima-kre'a E'a de mak hota riy yatyata re rwunu-rwenna.