Why. 16:3 - Alkitab bahasa Luang

³ Nhorwua noma hopopna wornu nwalia lari mak kodi Uplerlawna yawenan lawanni la hletan lawna. Dewade hletan lawna de nwal lia rar mak kahuwu-kawoini emekwalima rimormiori maka rwenan nana rarni. Nreiniande hamormiori honona miak kdella lor gahani re pala matia.

Why. 16:3 Iomraidhean Croise

Puka Pianullu 7:22

Mormiorni-dardiarni re rmat miomuou wa, mak kden keranni honona.

Nhiara 105:29

Nhi'a pa gerlawna Mesir rwal lia rar mermera, nhi'nande i'na-ya'ana no'a gerlawan de rmat pia rpohra-rgehpa.

Nhiara 78:44

Gerlawna ror wutga elwa klihira mak kden la hande honona re Uplerlawna Nhi'a pa rwalia rar mermera, pede nreiniande ta'enniana remun ger de.

Kisah 2:41

Riy liawanni re rpesiaya Petrus lirni-tunnu re, noma rla' pa rharania re. Rhor (rrekna) momuoga mak ka'itar la riy makpesiay re la ler de, la'pa edon nhal de, riy riwnu wotelu.

Why. 10:2

La limni de e ntorreria puk ke'a pniopna ida mere nahniari. Lakni walli malganan de natnikil la tah'i lawna, ne lakni walli malwiru de natnikil la nohkerna.

Why. 11:6

Ir er mak kodi plolli pa ktutuw lyanti pa otna yana nturu, la' ler maka ir rhaun pa rakot nohor ma'ta lira mak kwatiaga Uplerlawna. Ir er makodi plolli wal pia ger ormata re honona rwal lia rara. Ne rodi plolli wal pia rhi'a mehra-mau, lui-nuhru nor wutga hya'-hya' to' pa ra rliwar nohkerna la ir ralma-rior wamueheni.

Why. 13:1

Noma a'umkek nan walia hamormiori ida nlergot la tah'i lawna ralamni. Hamormior die dudallu termida me o'tani wo'itu. La dudallu honona re, de rnairia wutu-lai nenenna. Me la' o'tani re de e rhorat targa nan yapolu-yaliella la Uplerlawna yoma niwra e' de Uplerlawna inhat e'a.