Why. 14:8 - Alkitab bahasa Luang

⁸ Hopopna wornu, mak klernohora hopopna mak kala' ulu wal pia nhari lirni niwra: “Babel de, de let matmiat liawan ida ntuini lie'enu-nlawra hgerni (rweyata-rwaniawua olekwa), yoma riy makden hande, de rtota hairi-hairi pa rhoitio'or doini-rtahnei dioini Uplerlawna, emolmolan nekama patke' yata ida nala arak mikmikri na nhuri ama'wua muanke'a pa na na'hira re.”

Why. 14:8 Iomraidhean Croise

Dan. 4:30

Noka Nebukatnesar nran inonni pa niwra: “Oi! Mimkektek la let Babel di samuonu de! A'g ed maka kdotra-kweh'wa nana de nwallia la'a let inama mai a lodna-hai'ru di pa ntut muemna a plola-mneh'u me ru'ru-a la'yu maka karehi-kalawna.”

Why. 11:8

Ne rmat pia inonni re klololi-klalalia la loi liawna-talan lawna la'a letlawan maka rla rwair targa ir Matromni la auwlakar hananni. Let de nana tniotnohorni (kiasan) de de Sodom nora Mesir yoma riy mak kdella let de, do'oni-halli werat rehia.

Why. 16:19

Letlalawan Babel de ema rlihir apieyera la nhiakra wotelu. Me la' walia leta-leta makden la noheri woru-lyanti nayanni re honona mana, ha rweyata-rwaniaga. Yoma Uplerlawna edon Nhoratdoinia letlalawna Babel pede Nala E lari hankeranni pa Nala la Babel nemnia. Lar die ed mak kodia Uplerlawna yawenan lawanni.

Why. 17:18

Patke' maka omumkek de, de hota letlawan mak kodi plolli olek la'a ray-ray miak kden la nohkerna wawannu inhatte.”

Why. 19:2

Niukum de edon npa'eini-npahala. Eneti olek la niukum lawna la letlalawan de mak ktot nohora patke' yata ida, mak kor muanke'a nhi'inde ralira-raliai. Emkade wal lia mak kdella letlalawan de rtot pa nohkerna-raikieran di mniotni rhi' do'a-ryap hiala me rhoi-rtan lia uplera-upmati. Uplerlawna Nukmua Babel yoma riy mak kdella let de er mak kwenna Uplerlawna hopopanni (Uplerlawna mutnu-rahanu).”