Why. 14:2 - Alkitab bahasa Luang

² Ne a'utlin walia lira yetanni nwatiaga Ilyamou-Watyatoha de emekneka yo'or lawna ne, anin lawna mak kodia ihini-turnu pa kukur lawna ema rgorrernia. Lir de a'utlin de emolmolla tiwla-prai mak kwatiaga riy maka kahe'i-kahepru.

Why. 14:2 Iomraidhean Croise

Nhiara 147:7

Mmiai pia twahniar nohora nhiar ya'uli-yawedi la Itmatromlawanni Makdenrer die, de tala tiwla-prai hitara-fiola ta tamuki-tahepur nohora it Uplerlawanni.

Nhiara 149:3

Miala tiwla-prai hitara-fiola, he'emi-heparmi, nor wutga loimi-nhiekmi mia mi'uli-miwedia E kotni-nanni!

Nhiara 33:2

Miala hitara-fiola pa ma mihepur nohora Itmatromlawanni de mpiatunu-mpiahniar nohora.

Nhiara 43:4

Totpena alia ghortut niana O katri'anmu de pa alia upal wut lia Uplerlawna O'a mak khi' a pua a ralmu nahepuepur reri. Ne hota awuahniar de aniairia hitara-fiola, totpena gala u'uli-uwedia O'a maka a'ukola tieru-kawur nehla de.

Nhiara 57:8

A pesia'yu toto' meman la O'a, Matroma. Pede agiwra wuahniar pa ga u'uli-uwedi O'a.

Nhiara 92:3

Hota lol talanni pa amakot nohora O tniulanmu-sniayanmu mak kodi liarni, la' yawyawar ralamni, me la' melmel ralamni ampahaur nohora la' emkameni la hya'-hya' honona maka Omukottaru re Omhi' nan momuoga.

Nhiara 93:4

Mere Itmatromlawanni Nodi plolli la Ilyamou-Watyatoha de Nareh mieman la yo'or lawna-anin lawna yetanni la hletna-yoir maka kame'eta-ka'anni.

Nhiara 98:5

Miala Itmatromlawanni nanni ma mnia'ona nhiarmi. Milira tiwla-prai, mihe'i hitara-fiola.

1Kor. 13:1

Ina-nara, la'pa riy ida nlernana ruri-lai pa naltier lia rimormiori yawalli maka ha raplinu onde Uplerlawna hopopanni-lili'irnu yawalli, mere edonna nhi' kalwiedweda riy meheni, de lirni re emeka sraki miak kayetin to'a.

Why. 1:10

La'awa krei lerni, dewade Uplerlawna Nhiwni Nhu'ru ralm a'u noma utlin nana lira ida nhaun de emolmolla noknoka ida pa e naltier lia a to'oru.

Why. 1:15

Lakni lipa-nka'ma pa emeka pi'ra maka ai ha na'an nana. Lirni emeka ger wawuau mak kayorni.

Why. 11:12

Irrora ratlin de lira polpuolu ida nwatiawua Ilyamou-Watyatoha pa niwra: “Ee! Mmiai lia heyanan di.” Ne mak edon kpesiay Uplerlawna re ramkek nana irrora re rha'at la Ilyamou-Watyatoha, de wowta-kakma npupun nana re.

Why. 11:15

Dewade Uplerlawna hopopanni mak kmai lia wo'itnu nega noknokni. Pa tatlin de Uplerlawna hopopanni-lili'irnu la Ilyamou-Watyatoha rhaunu-rhaun pa riwra: “Plola-mneha la nohkerna wawannu dodo'ondi de ed olek la it Orgahi-Orha'ani limni ralamni, me la' walia mak E Ntutmuata-nkewra'a pa Namori-nalewna rimormiori. Hota E' ed mak kodi plolli pa nodia liarni.”

Why. 15:2

La' noma a'umkek walia hadomdom emeknekama hletan lawna mak kamememi, de nawniotra-nawniah'a nor ai. A'umkek walia riy mak ka'unut nan oleka yoma ir rahmena rhu'ru-rhelam la hamormiori me uplera-upmatni ne edonna rwayow pa hamormiori die nanni mak ha wniarekna de rahu wonema, terampwonema, wehrani wonema de ha rtapla la ir reranni-kiorni. Riy mak ka'untu re raprir lia hletna aratni pa ra rtorreria hadom emeka gitara (kecapi) mak Uplerlawna Nal nana la ira.

Why. 18:22

Preheni-mkaini nho'owa pa he'i-hepru, tiwla-prai noknoka yetni-warna hota hohoni-hadewa. Ne mak kwewla mnotna me pi'ra la'pa tukna-tukna honona re, hota edon rakoki-rayapi owa'an wa. Edon ratlin owa'ana patke'a re rtutu'tu watra'a owa'ana.

Why. 5:8

La'pa Dum A'na de Nreinian puk de, dewade hamormiori re wogata me o'ta-mata terampworu wehrani wogata re honona rwaltiora-rwaltieman la gaini ralamni. Ir honona rewre'wa pa rtorreria hadom emeka gitara me lari miaha mak kpenpuen lia ayalli maka rtutnia. Ayalli de, nnia'eratni de Uplerlawna mutnu-rahanu re sniumbaini.

Why. 6:1

Nhorwua noma a'umkek nana Dum A'na de Nreye'era hiwliai mak kakniulti ida la kniulit taru re wo'itu. Noma a'utlina hamormiori id la hamormior wogata re nhar lirni, niwra: “Mmuai!” Lirni prahkani emekneka kukru-gauru.

Why. 8:7

Hopopan mak kala' ulu nega noknokni dewade otna anni tah'i muti (hujan es) nawah'a wut nieka ai nor wutga rara pa nwal lia ger otna pa ema rtowriernia nohkerna wawannu. Nohkerna nhiakra ralamni la re'eni wotel die (sepertiga), ai na'ana mutnia. Emkade wal lia wewan mota me ora-au mana nhiakra ralamni re'eni wotel die ai namutni-naki'ira.