Why. 13:6 - Alkitab bahasa Luang

⁶ Hade pede napolu-naliella Uplerlawna kotni-nanni. La' walia napolu-naliella Uplerlawna genni-tienni la Ilyamou-Watyatoha nor wutga riy makpesiay mak kden hande.

Why. 13:6 Iomraidhean Croise

Nhiara 73:9

Ne rwohora-rtatar neka Uplerlawna-Mempulwatnu mak kden la Ilyamou-Watyatoha, me rapolu-raliella rimormior wialli la nohkerna wawannu.

Dan. 11:36

Ray die hota nhi' hadom de plolli nek la e wniaror wamueheni. Orgahi Nran inonni de tullu-petanni narehia uplera-upmati honona la'pa hya' to' maka riy rpesiaya onde rkola tieru-rawur nehla la de. La'pa nareh wial de e' mana e nareh' wiallia Uplerlawna makden la tutullu-lolo'oni me nalernu-naliella E kotni-nanni. Hota nhi' nek emkade pa nod liarni la'pa nte' meman la Uplerlawna hankeranni-ralmha'arni ntuin la e' de. Yoma hya' maka Uplerlawna Neti olek wa de plol toto' pa hota ntutu-nte'ewa.

Dan. 7:25

Nhor diewade ntutga tullu-petanni pa nalernu-naha'ana Uplerlawna Makdella Tutullu-Lolo'oni, me nutni-ndahla Uplerlawna rimormiorni wali. Hota ray die nahak talan pa nherun doini deulu-tatra nor wutga he'i-hepur la lerlalawna maka Uplerlawna Nakottarg oleka pa rimormiorni rhi' nana. La' walia ray die nodi plolli la Uplerlawna rimormiorni la'a anni wotelu rehenu.

Dan. 7:8

La'pa a'g e lili-lioh ma'ta dudallu re dewade plinu-plinnianama dudallu ida nmori owa'an la. Dudallu de kuku'a, mere nwakdieh'a pa nleh dioinia dudul mak kmori ulu re wotellia. Dudul ku' de nodia matni de emeknekama rimormior matni, me nodia nurnu pa nakot nohora mamainia e tullu-petanni.

Mat. 12:34

Miy die riy yatyat memna miy pede emkameni la hota miy mikot nohora hya' mak kalwiedweda?! Hya' ed maka klergot la it nurnu, de hade ed mak kwatiaga it ihranu ralamni.

Mat. 15:19

Yoma it ihranu ralamni ed mak kodia ralma-rior yotyota-yatyata, pa nhi'nande riy rwunu-rwenna, ralira-raliai, rkamnelu-rkamna'a, rod niana riy mak khala, la'pa rapolu-raliella rira.

Yoh. 1:14

E' maka ha rweta la Uplerlawna Lirni la'a rimormiori (de E' de Uplerlawna wali E'a) mere Nwali olek la rimormior pa Enden wut lia mai ita la' noh keran di la' ler ho'ke'eni, ne la' ler de itamkek memn oleka E preheni-mkaini, de preheni-mkaini la Wutmueha-Laimieha mak kwatiawua Amlawanni la Ilyamou-Watyatoha. La' E' pede it tat niohor memna hya' ed mak kaplol la' Uplerlawna, me tat niohora E ralam kalwiedni mak kareh mieman de mai ita.

Roma 3:13

“La'pa raltier die ir lirni re emolmolla hoi-kietra mak kwer reria wawni mak kalgot neka lira-tunu yatyata-halala. Ne putra-palka nwailiola wawni re ralamni.” “Me nurnu rage'a yapupu-yaheri emeknekama niy miaka kodi nhienni.”

Kolose 1:19

Yoma Uplerlawna Nmeh'a ralma-riorni totpena Uplerlawna plolli-mneheni, yarurni-yalaini, yamorni-yadarni, nhiolli-lietni, illu-wniehwani la'pa hare honona de, ed maka etla E A'nani Yesus Kristus.

Kolose 2:9

Yana mliernohora lira-tunu mak edon kaplola re yoma la'a Uplerlawna plolli-mneheni, rurni-laini, la'pa yehwani-liakatni honona erla Yesus Kristus nhiolli-lietni.

Ibrani 9:2

Rariria roma-krei die, ha rnairia kok lawna maka ha rhi'a emeka hoiwialli. Ne kamir no' gaini la roma-krei die rweta la Geni Makmou-Kwitna. La' hande de e rken tiarga wa'du wniatatgeni me e rken tiar walia mei, nora roti la wawannu, mak ha rhoi-rtania la Uplerlawna.

Ibrani 9:24

Yoma Yesus Kristus edonna Nler la Geni Momuou-Witwitan Memna la'a roma-krei, maka rimormiori limni enni, mak ha rna'etga la'a Geni Momuou-Witwitan Memna maka plollolli. Mere Enler la kniola tieru-niawur nehla Geni Momuou-Witwitna inhatta la'a Ilyamou-Watyatoha. Totpa la' lera-mela ri de E' ed mak kwak la Uplerlawna la'a it rerieini.

Why. 11:12

Irrora ratlin de lira polpuolu ida nwatiawua Ilyamou-Watyatoha pa niwra: “Ee! Mmiai lia heyanan di.” Ne mak edon kpesiay Uplerlawna re ramkek nana irrora re rha'at la Ilyamou-Watyatoha, de wowta-kakma npupun nana re.

Why. 12:12

Hade pede Ilyamou-Watyatoha nor wutga mniotni honona mihe'i-mihepru! Mere nohkerna wawannu nor wutga lora-wo'ora rler la matmiat liawna yoma hegana amlawanni nerun pa ntutg oleka hankeranni-ralmha'arni, yoma enatga de hota edon nalo'on wali ne lerni pa nhi' yatyatni nhor olekwa.”

Why. 15:5

Nhor nioma a'umkek walia Uplerlawna roma kreini la Ilyamou-Watyatoha, de Uplerlawna romni (Kemah) me gen lululi maka rkenia Uplerlawna riora-liaini, deullu-tatarni la ralamni de nhiarni naphyariari.

Why. 18:20

Oi! Ilyamou-Watyatoha nahe'i-nahepur nohora letlawan de yamdieranni. Hei! Makodia Uplerlawna lirni-tunnu, me makwohorulu-ktatrulu la'pa miy hononmi mak kla' olek la Uplerlawna mutnu, mimuki-mihepru. Yoma Uplerlawna ed mak kala niukum lawan de, pa na nawahla makden hande nhiolli-lietni yotyotni-yatyatni maka rhi' oleka tiy miy wia.

Why. 21:3

Noma a'utlin de lir lawna ida nwatiaga liwangen tiutul pa niwra: “Mitlina! Dodo'ondi de Uplerlawna genni mana nden wut lia rimormiori ha rden la. Hota Enhi'a ir la E mutnu-rahanu pa Nora re rden wut lia geni-tiena ida. Uplerlawna Nden wut lia ira, ne ir mana rkola tieru-rawur nehla rer lia E'a.

Why. 4:1

Nhorwua noma Yohansi a'u adiarat nan id owa'an to'a. De a'umkek la Ilyamou-Watyatoha (Sorga) de nhiari ida nahniari. Nhor nioma a'utlin owa'ana lira mak utlin oleka la'a lir maka a'utlin de emekneka noknoka lirni. Lir de nakot mai a'u: “Mai pia mhua'at la handi pa Atiutga hya' maka hota kler pa kmai.”

Why. 4:4

La' liwangen die lie'enu ralamni de mtatangen tiutulu terampworu wehrani wogata e rle' reria. La' hare de o'ta-mata riy terampworu wehrani wogata e raliwan targa la mtatangeni re, de honona rnairia wawahrani. Ne rawutu-ralaiya wutu-lai miaha.

Why. 5:13

Noma a'utlin walia mak kmormior lia Ilyamou-Watyatoha, mak kden nohkerna, ne mak kden la noha wikni-ray gerni. Rrekan neka la hya' mak kdella lyanti nayanni, rwahniar momuou pa riwra: “Mak kamtatan la liwangen tiutul die nor wut walia Dum A'na de, hare nanpena er maka ha ra'uli-rawedi, ha rhu'ru-rhelma pa nodi liarni me er maka kodi plolli la haneka-harahu wuawannu pa nodi liarni!”

Why. 7:15

La' hade pede Irtutrier lia Uplerlawna liwangen tiutul die gaini. Ne rhima-rre'a me rkola tieru-rawur nehla la E'a la' lelera-melmela la Uplerlawna romni nayanni. Ne ed Mak kamtatan la liwangen tiutul die, hota Nden wut lia ira totpena Ntera-ndema.

Why. 7:9

La hadewa de a'umkek nan owa'ana rimormiori emekneka en liu'wu-tan miakmu, la'pa riy id mana edon nat niohora riy wo'ira rimormiori mutlialawna re. Hare e rwatiawua nohkeran di hairni-hairni honona, la'pa noh pa'etu-rai piatatra nora leta-leta ror wut nieka wniareini-wniahaurnu. Rimormiori re honona de ema rnanin nana la naniairi raini plalahwa wawahra. Ne honona re rtorreria koram tawi pa rtutrier lia liwangen tiutulu nor wutga Dum A'na de gaini ralamni pa rapal wiutu.