Why. 13:2 - Alkitab bahasa Luang

² Hamormiori miaka a'umkek nan de, de emolmolan nekama oh dawar mak klol au hananni. Ne lakni emolmolla beruang, ne hgotni emekneka ohdawra mak klihir matmata-khaw riarara hgotni. Dewade niy liawan de nala rurni-laini me tullu-petan wamueheni la hamormiori die.

Why. 13:2 Iomraidhean Croise

Nhiara 22:21

Mua Mulewna a lia'a wehla gai liokarni, me Muolin doinia a lia'a oha-ahu re nurnu-riautnu.

Rano'a 17:12

La' samomuounu twatroma mdudud niana ahu puor matra'na ida mak ktowr ita onnila natiak a'nani. Mere mak yatyat rehia de, itlernana riy podku-padku la' ler maka nhi'a-nyapia yatyatni-halalli.

Rano'a 28:15

La'pa riy kaplialiahana ida nodi plolli la'a riy maka kakleha-kaplara, de hota emeknekama ohpora-ah diawar maka ktowur pa kiwra klihir matmata-khaw riarara.

2Tim. 4:17

Mere Itmatromlawanni Nrehgor reri a'u. Enala rurni-laini mai a'u, pa a'g edonna umta'ata ukot nohora Kot Kalwied de, totpena riy Yahudi atia'a honona mana ratlina, ne a' muana Uplerlawna Nalewn a lia matmiati ralamni pa emeka ralewna pipi a'na, totpena singa ta'enniana rlihir nana-rnai niana.

1Ptr. 5:8

Yan minin matmi, mere mimatmata, yoma hegana amlawanni nhi' miy lia e arwalli. E' de emolmolan nekama ohpora-ahdiawar maka homoma-lala'a pa napolu-nawaka hya' maka niwra nlihir matmata-nhaw riarara.

Why. 12:13

La'pa niy liawan de natga de rhopli oleka la noha wawannu, pede nhapartikil targho'a pat maka kayoria a'na muanke' de.

Why. 12:15

Dewade niy de npira gera liawanni pa nawlar niohora pat de, totpena gera nwau dioinia la.

Why. 12:9

Mere enor wutga hopopanni re, de rnaklia la pliorni pa rerun la nohkerna wawannu. Hadi de niy kolkuolu inhatta mak kwawa Hegana amlawanni onde Setan inhatta maka kodia pudi-akla la rimormiori nohkeran di.

Why. 13:12

Hamormiori di de nlernan plola-mneha la hamormior mak kala' ulu. Ne nala plola-mneh de, pa nodia hamormior mak kala' ulu die lirni me kniarni. La' nohkeran di wawannu honona de nterna pa rkola tieru-rawur nehla la hamormiori maka kala' ul die mak ululu nado'or nohor no' lawan mak dodo'ondi di nmog olek de.

Why. 13:4

Ne honona re ra'uli niy liawan de yoma enal oleka plolli-mneheni la hamormiori die. Ne ir mana ra'uli wialia hamormiori die (yoma rwarora de Uplerlawna inhatta hade). Pede honona re riwra: “Riy id mana edonna nareh niana hamormior di! Taken niana riy rora hadi ra'ara, yoma hamormior di naruri-nalai miemna!.”

Why. 16:10

Nhor nioma hopopna wolimni nhuria larni mniotni la hamormiori yatyat de liwangen tiutullu. Dewade riy honona mak katlin la hamormiori die genni-tienni honona rewre'wa pa rler la mel'uta-malienni. Ne rimormiori ri honona rpolpuol inni-rwakwak amni onnila Uplerlawna larni mniotni mak irlernana.

Why. 17:12

Dudallu termida maka mumkeka re de ray termida mak edonna kte'la ma'ta la kniarni. Mere hota rala plola-mneha tniorna-riautu la ira pa rodi plolli emekwali hamormior die, pa ror rewre'wa hamormiori die rtorna-rrautu edon nalo'on wali.

Why. 19:20

Edon nalo'on wali ne Mak kha' kud wawahra de Ntorna hamormior die nor wut nieka makwohorulu-ktatrulu mak putputra-palpalka de. Makwohorulu-ktatrulu mak putputra-palpalka de, ed mak khi' oleka hihi'a-yapyap miaka riy edon ramkek ma'ta pa riy rheduma, totpena rpesiay hamormiori yatyat de. Enhi' hihi'a-yapyap mak kamehi-kayona pa nhi'nande nwotra-ntalia riy maka ha rala hamormiori die kniaunu me rru'u-rtowar la hamormior die atiehrani. Mak kha' de Ntorna hamormiori die nor wut nieka makwohorulu-ktatrulu mak putputra-palpalak de dewade Enakul mormioria la ai liali maka klomlomra pa klolda.

Why. 2:13

Agat niohora miy genmi-tienmi la gen miaka riy dodo'a-halala ha rden la pede emeknekama mdiella gen miaka ha rwau tiarga hegana amlawanni liwangenni-mtatangenni yoma hegana nodi plolli la' hande. Mere miy edon mliernohora hare mere mdien rer lia A'u. Ne la' ler maka ha ratuinia Antipas mak kdenrer pia nod nian A' die aranni la miy letmi de, miy miana edonna mrieher doini wali A'u.

Why. 20:2

Dewade ntorna niy liawan mak kolkuol die, maka rhoiya la Hegana amlawanni onde Setan inhatte, pa nkenia ranti la limni totpena naknioh niana la anni riwnu id ralamni.